যিরমিয় 49:19 - Chakma Bible

¹⁹ “যর্দনর ঝাড়ত্তুন্ সিংহ যেবাবোত্যেগুরি উদি এইনে গম্ চড়েদে ভূইয়োত্ শিগের্ গুরিবাত্তে যায় সেবাবোত্যেগুরি মুই কানক্কণ্ ভিদিরে ইদোমরে তা দেজত্তুন্ লোড়েই দিম। মুই তা উগুরে মর্ বেঈ লোইয়্যে মানুচ্চোরে নেযেম। কন্না মর্ সং সং? কন্না মঅ বিরুদ্ধে থিয়্যেই পারে? কন্ পালকে মঅ মুজুঙোত্ টিগি থেই পারে?”

যিরমিয় 49:19 Iomraidhean Croise

১ বংশধর 12:15

সে বজর পত্তথম্‌ মাজত্‌ যেক্কে যর্দন গাঙ পানিগান পার উগুরে উদি যেইয়্যে সেক্কে ইগুনে পার্‌ ওইনে গাঙ পূগেন্দি আর পোজিমেন্দি কিজিঙোত্‌ বজত্তি গোজ্যে বেক্কুনোরে ধাবেই দুয়োন্‌।

২ বংশধর 20:6

ও লগেপ্রভু, আমা পূরোণি মানুচ্চুনোর গোজেন, তুই দঅ স্বর্গর গোজেন। তুই বেক্‌ জাদর্‌ রেজ্যগানিরে শাজন্ গুরি থাজ্‌। খেমতা আর বল্‌ তঅ আঢত্‌ আর কনজনে তরে মানা গুরি ন-পারিবাক্‌।

ইয়োব 41:10

তারে জাগেই পারন্ এবাবোত্যে সাহসী কনজন নেই; সালে মঅ মুজুঙোত্ কন্না থিয়্যেই পারে?

ইয়োব 9:19

ইয়েন্‌ যুনি বল্ বেপার্‌ অয় সালে তে দঅ খেমতাবলা; যুনি বিচেরর্‌ বেপার অয় সালে কন্না তা বিরুদ্ধে সময়ান্‌ ঠিগ্‌ গুরি দিবো?

ইয়োব 9:21

মুই নিদ্দুযি, মাত্তর্‌ সিয়েন্দোই মর্‌ কি অয়? মর্‌ নিজো জিংকানিগানরে মুই ঘিনাঙ্‌।

গীতসংহিতা 143:2

তর্ এ সেবাগুরিয়্যেবোর বিচের ন-গুরিচ্, কিত্তে তঅ চোগেদি কনঅ প্রাণী নিদ্দুযি নয়।

গীতসংহিতা 76:7

তুই, তুই অমকদ দর্‌গরেপারা; তঅ রাগ্‌কান উদিলে কন্না তঅ মুজুঙোত্ থিয়্যেই পারে?

গীতসংহিতা 76:8

স্বর্গত্তুন্ তুই তর্ বিচেরর রায় শুনেলে; ও গোজেন, তুই উদিলে বিচের গুরিবাত্যে; আর পিত্‌থিমীর অত্যেচার ওইয়্যে মানুচ্চুনোরে রোক্ক্যে গুরিবাত্যে; সেক্কে পিত্‌থিমীগান দরে অলর্ অলঅ।

গীতসংহিতা 89:6

স্বর্গ ইদু এন্ কন্না আঘে যিবেরে লগেপ্রভুর লগে সং গুরি পারে? স্বর্গদূত্‌তুনো ভিদিরে কন্না লগেপ্রভুর সং সং?

গীতসংহিতা 89:8

ও লগেপ্রভু, বেগত্তুন খেমতাবলা গোজেন, কন্না আগে তঅ ধোক্ক্যেন খেমতাবলা, ও লগেপ্রভু? তর্ বিশ্বেজ্‌ছানে তরে ঘিরি আঘে।

যাত্রা 15:11

“ও লগেপ্রভু, দেবেদাগুনো ভিদিরে কন্না আঘে তঅ‌ ধোক্ক্যেন্? কন্না আঘে তঅ ধোক্ক্যেন এমন্‌ পবিত্রতালোয় দাঙর্ আর মহিমালোই দর্‌‌‌‌গরেপারা? এধোক্ক্যেন আমক্‌ কাম গুরিরার্‌ বল্‌ কার্‌ আঘে?

যিশাইয় 40:25

সেই সুদ্ধো-সাংগ মানুচ্চো কোইয়্যেদে, “তুমি কা লগে মরে তুলনা গুরিবে? কন্না মর্ সং সং?”

যিশাইয় 46:9

তুমি ভালোক্ দিন আগ পৌইদ্যেনে ইদোত্ তুলো। মুয়ই গোজেন, অন্য আর কনজন নয়; মুয়ই গোজেন, মঅ ধোক্ক্যেন আর কনজন নেই।

যিরমিয় 12:5

মান্‌‍‍‌‌‌‌‌‌জ্য লগে ধাবা দেনাত্ যুনি তুই বল্‌পোজ্যে ওই পড়চ্ সালে ঘোড়াগুনো লগে ধাবা দেদি তুই কেধোক্ক্যেন গুরি পারিবে? বানা সুগ্ শান্দিবলা দেজত্ যুনি তুই নিজোরে নিরাপদ মনে গরচ্ সালে যর্দনর পার ঝারত্ তুই কেধোক্ক্যেন গুরি থেবে?‍‍‌‌‌‌‌‌

যিরমিয় 25:9

সেনত্তে মুই উত্তোরর্ বেক জাদ্‌তুনোরে আর মর্ চাগর বাবিলোর রাজা নবূখদ্‌নিৎসররে ডাগি আনিম। এ দেজ্‌‌‌‌চান আর তা আদাম্মেগুনোর বিরুদ্ধে আর চেরোকিত্যে বেক জাদ্‌তুনোর বিরুদ্ধে মুই তারারে আনিম। মুই সেই মানুচ্চুনোরে পুরোপুরিভাবে ভস্ত গুরি দিম আর অমকদ দরর্ আর ঈচ্ গরেপারা গুরিম; তারা দেজ্‌‌‌‌চান মুই জিংকানিবরর্ ভস্তর্ জাগা গুরিম।‌

যিরমিয় 30:21

তারার নেতা অবঅ তারাত্তুন্ একজনে; তারা ভিদিরেত্তুন তারার শাজন্‌গুরিয়্যে উদিবাক্। মুই তারে ডাগিম আর তে মইধু এবঅ, কিত্তে মুই ন-ডাগিলে কন্না সাহস গুরিনে মইধু এই পারে?

যিরমিয় 4:7

এক্কো সিংহ তা ঝুব্‌‍‍পো ছাড়িনে উদি এচ্চ্যে; জাদ্‌তুনোরে ভস্ত গুরিয়্যে একজনে যাহ্ ধোজ্জ্যে। তঅ দেজ্‌চান ভস্ত গুরিবাত্তে তে তা জাগায়ান ছাড়িনে এজের্। তঅ শঅরানি মানুচ্ নেইয়্যে আর ভস্ত ওইনে পড়ি থেবঅ। ‍‍‍‍‍‍‍‍

দানিয়েল 7:4

পৌইল্যাবো এলঅ সিংহ ধোক্ক্যেন আর তার সাড়াল্যে চিলো ধোক্ক্যেন ডুয়ো এলঅ। রিনি চাদে চাদে তার ডুয়ো দ্বিয়েন ছিনি দিয়্যে অলঅ আর তারে মাদিত্তুন্ উগুরে তুলো অলঅ। সেক্কে সিবে মান্‌জ্য‌ ধোক্ক্যেন দ্বিয়েন টেঙোই থিয়্যেল আর তারে মান্‌‌জ্যর মন দিয়্যে অলঅ। ‌‌‌

নহূম 1:6

তার্ বেজার্ অনা মুজুঙোত্ কন্না টিগিই থেই পারে? কন্না সোজ্য গুরি পারে তার্ দর্‌গরেপারা রাগ্‌কান? তা রাগ্‌কান আগুনো ধোক্ক্যেন জ্বলে; তা মুজুঙোত্ দাঙর্ দাঙর্ শিলুন্ কট্টা কট্টা ওই যান।

সখরিয় 11:3

ভেড়া গরগ্‌কুনোর আবিলেচ্ শুনো; তারার্ গম্ গম্ চড়াইদ্যে বামানি বর্‌বাত্ ওই যেইয়্যে। সিংহগুনোর গুজুরোনি শুনো; যর্দনর ঝারানি ভস্ত ওই যেইয়্যে।

গণাণা 16:5

তে কোরহ আর তার দলর মানুচ্চুনোরে কলঅ, “এযেত্যেকেল্যে বেন্যেমাদান্ লগেপ্রভু দেগেই দিবো কন্না তার মানুচ্‌ আর কন্না তার নাঙে যুদো গোজ্যে। তেয়ই সেই মানুচ্চোরে তা মুজুঙোত্‌ যেবাত্তে দিবো। যিবেরে তে বেঈ লবঅ তারে তে তা মুজুঙোত্‌ যেবাত্তে দিবো।

যিহোশূয় 3:15

ফসল কাবিবার পুরো সময়ানত্‌ সচরাচর্‌ যর্দন গাঙর্‌ দ্বিপারানি পানিয়ে ভাঝি যেদঅ‌। মাত্তর্ সাক্ষ্য-সুন্দুক বোইয়্যে ধর্মগুরগুনে যর্দন ইদু লুমোনার পরেন্দি তারা পানিত্‌ টেঙ্‌ দিলাক্‌ এমনে উগুরেত্তুন বেঈ এচ্চ্যে গঙার্‌ পানিগান থামেল। সে পানিগান ভালোদ্‌ দূরোত্‌ সর্তন শঅরর্‌ কায়-কুরে আদম আদামর ইদু অজল্‌ ওইনে ফুলি উদিলো; আর সেক্কে যে পানিগান অরাবার সাগর ইন্দি, অত্তাৎ নুন সাগরর্‌ ইন্দি বেঈ যার্‌ সিয়েন্‌ এক্কুবারে বন্ধ ওই গেলঅ। সেক্কে ইস্রায়েলীয়গুনে যিরীহো শঅরর্‌ ঠিগ্‌ উই পারন্দিত্তুন্‌ গাঙান্‌ পার্‌ অলাক্‌।

ফগদাং পেইয়্যে 6:17

কারন তারার্ রাগ ফগদাঙর্ সেই দাঙর্ দিন্নো লুম্মেগি, আর কন্না তা মুজুঙোত্ থিয়্যেই থেই পারে?”