যিরমিয় 49:18 - Chakma Bible

¹⁸ মুই লগেপ্রভু কঙর্, কায়-কুরে আদামানি সুদ্ধো যেবাবোত্যে সদোম আর ঘমোরারে ভস্ত গরা ওইয়্যে সেবাবোত্যে ইদোমত্ কনজনে বজত্তি বজত্তি ন-গুরিবাক্; সিয়েন ভিদিরে কনঅ মানুচ্ ন-থেবাক্।

যিরমিয় 49:18 Iomraidhean Croise

গীতসংহিতা 11:6

তে পাজিগুনোরে দজা পাদেব; তারার্ ভাগ্যত্ আগেদে আগুন, ধোক্‌‌‌ধোক্যে‌ আঙারা আর আগুনো ধোক্ক্যেন্ বোইয়্যের্।

যিশাইয় 34:10

দিনে রেদে কনদিন্অ সিয়েন ন-মুড়িবো; জিংকানিবর্ সিয়েনত্তুন্ ধূমো উদিবো। বংশর পর বংশ ধুরিনে সিয়েন খালি ওই পড়ি থেবঅ; কনজনে সিয়েন ভিদিরেদি আর্ কনদিন্অ ন-যেবাক্।

যিরমিয় 23:14

ইয়েন বাদেয়ো যিরূশালেম ভাববাদীগুনো ভিদিরে এ দর্‌গরেপারা বেপারান দেখ্যং, তারা সিনেলী গরন আর মিজে জিংকানি কাদান্। তারা অন্যেয়গুরিয়্যেগুনোর আঢ্‌তানি এমন দরমর গরন যিয়েনত্তে কনজনে সে পাজিগানিত্তুন ন-ফিরোন। তারা বেক্কুনে মইধু সদোম আর ঘমোরা মানুচ্চুনো ধোক্ক্যেন।‍‍‍‍‍‍‍‍‍‍‍‍

যিরমিয় 49:33

হাৎসোরান অবঅ শিয়েলর থেবার জাগা আর জিংকানিবর্ মানুচ্ নেইয়্যে জাগা। কনজনে সিয়েনত্ বজত্তি ন-গুরিবাক্, সিয়েন ভিদিরে কনঅ মানুচ্ ন-থেবাক্।”

যিরমিয় 50:40

মুই যেবাবোত্যেগুরি কায়-কুরে আদামানিসুমুত্তো সদোম আর ঘমোরা ভস্ত গোজ্যং, সেবাবোত্যেগুরি কনজনে সিয়েনত্ বজত্তি ন-গুরিবাক্; কনঅ মান্‌‌‌জ্যে সিয়েন ভিদিরে ন-থেবাক্। মুই লগেপ্রভু এ কধাগান কঙর্।

আমোষ 4:11

মুই তমা গোজেন যেবাবোত্যেগুরি সদোম আর ঘমোরাগানরে ভস্ত গোজ্যং সেবাবোত্যেগুরি তমারে বোউত্ জনরে ভস্ত গুরিলুং। তুমি ওইয়ো আগুনোত্তুন্ তুলি লোইয়্যে জ্বোল্‌‌‌জোল্যে দার্‌‌‌বো ধোক্ক্যেন, তো তুমি মইদু ফিরি ন-এলা।

রোমীয় 9:29

যিশাইয় আরঅ কোইয়্যেদে, “বেগত্তুন্ খেমতাবলা প্রভু যুনি কিজু বংশধর আমাত্যে থোই ন-যেদঅ সালে আমা অবস্থা সদোম আর ঘমোরা শঅর ধোক্ক্যেন্ অদঅ।”

দ্বি’লম্বর বিররণ 29:22

এধোক্ক্যেনগুরি এই দেজ উগুরে যেদক্কানি আঘাত লামি এবঅ আর লগেপ্রভু যেদক্কানি পিড়ে দেজ উগুরে পাধেই দিবো সে পৌইদ্যেনে তমার বংশধরুনে আর দূর দেজত্তুন এচ্চ্যে বিদেশীগুনে তমারে পিযের্ গুরিবাক।

দ্বি’লম্বর বিররণ 29:23

পুরো দেজ্‌ছান নুন্দোই আর গন্ধরক্‌কোই পড়ি থেবঅ। সেক্কে কিচ্চু লাগা ন-অবঅ, কিচ্ছু ন-উদিবো আর কনঅ ঘাস বা ঝুপ্‌-ঝাড় সিয়েন উগুরে ন-থেবঅ। এ দেজর অবস্থা অবঅ সদোম, ঘমোরা, অদ্‌মা আর সবোয়িমো ধোক্ক্যেন, যিয়েন লগেপ্রভু তার অমকদ রাগে জুলি উদিনে ভস্ত গুরি দিয়্যে।

২ পিতর 2:6

সদোম আর ঘমোরা শঅরান্ আগুন্দোই ভস্ত গুরিনে গোজেনে সেই শঅর মানুচ্চুনোরে সাজা দিয়্যে আর এবাবোত্যেগুরি তে দেগেয়্যে, যিগুনে গোজেনরে ভোক্তি ন-গরন সিগুনোর্ অবস্থা কি অবঅ;

যিহূদা 1:7

সদোম, ঘমোরা আর তারার্ কায়কুরে বেক্‌ শঅরর্ মানুচ্চুনেয়ো ঠিগ তারা ধোক্ক্যেন পর্‌‌‌‌পাগোল্যে, এন্‌ কি, অমকদ পর্‌‌‌‌পাগোল্যে এলাক্। যিগুনে উমরর্ আগুনোত্ পুড়ি যেবার সাজা পেবাক্ ইগুনে সিগুনোর্ চিহ্নো ওই আঘন্।