যিরমিয় 49:16 - Chakma Bible

¹⁶ ও পাত্তর ফাদামারাত্ বজত্তি গুরিয়্যে মুড়োমুড়ির অজল্ জাগানর গিরোজ্, তুই দর্‌‍‍‌গরেপারা বিলিনে তঅ মনর্ যে বাড়্‌বোগানে তরে ছলনা গোজ্যে। যুনিয়ো তুই ঈগল ধোক্ক্যেন অজল্ জাগাত্ তঅ ঘরান বানাচ্ তো সিয়েনত্তুন্ মুই তরে তলেদি লামেই অনিম।

যিরমিয় 49:16 Iomraidhean Croise

২ রাজাবলী 14:7

অমৎসিয় নুন-কলগত্ দশ আজার ইদোমীয়রে মারে ফেলেল আর যুদ্ধো গুরিনে সেলা গজক্ গুরিনে তা নাঙান্‌ রাগেল যক্তেল; সে নাঙান্‌ এজঅ আঘে।

ইয়োব 39:27

তর্ উগুমে কি ঈগল পেক্কুনে উগুরেদি উড়োন্ আর অজল জাগাত্ নিজোর্ বাসা বানন্?

গম্ উপদেজ্ 16:18

বাড়্‌বোগানে ভস্ত গরে আর বাড়্‌‌বো মনানিয়ে পতন্ আনে।

গম্ উপদেজ্ 18:21

মুয়ো কধানি উগুরে নির্ভর গরে জিংকানি আর মরণান; যিগুনে যগাজ্যে কধা কবাত্তে গম্ পান তারা সিয়েনর ফল পেবাক্।

গম্ উপদেজ্ 29:23

বাড়্‌বো গরানাগানে মান্‌‌‌‌‌‌জ্যরে তলে ফেলায়, মাত্তর্ নম্র স্বভাবর মান্‌‌জ্যে সর্মান পান্।

পরমগীত 2:14

মর্ কবো, তুই মুড়োবোর্ ফাদাগানত্, মুড়োবো ইদু লুগেয়্যে জাগানত্ আগচ্; মরে তঅ মুয়োন্ দেগা, তঅ মুয়োর্ রবো শুনিবাত্তে দে, কিত্তে তঅ রবো মিদে আর মুয়ো চেঙারাগান্ দোল্।

যিশাইয় 10:14

যেধোক্ক্যেন্ গুরি মান্‌জ্যে পেগো বাহ্‌‌‌ত্ আঢ্ দুয়োন সেধোক্ক্যেন্ গুরি মুই জাদ্‌তুনোর ধন-সোম্বোত্তিগানিত্ আঢ্ দুয়োং। মান্‌জ্যে যেধোক্ক্যেন্ গুরি পড়ি থেইয়্যে বদাগুন তুবোন্ সেধোক্ক্যেন্ গুরি পিত্‌থিমীর বেক্ দেজ্‌‌‌‌ছানিরে মুই এগত্তর্ গোজ্যং। কনজনে ডুয়ো ন-লাড়ান্ বা কনজনে কিজিক্ কাজাক্ গুরিবাত্তে মুয়োন্ ন-খুলোন‌্।’ ”

যিশাইয় 2:21

লগেপ্রভু যেক্কে পিত্‌থিমীর মানুচ্চুনোরে দর্ জিনিস্‌ছান দেগেবাত্তে এবঅ সেক্কে তার দর্‌গরেপারা আর তার মহিমার্ জোল্‌জোল্যেগান আঢত্তুন্ রোক্ষ্যে পেবাত্তে মান্‌জ্যে দাঙর্ দাঙর্ শিলো ফাগত্ আর মোন-মুড়ো ফাদা সেরে ধেই যেবাক্।

যিশাইয় 49:25

মাত্তর্ লগেপ্রভু কোইয়্যেদে, “অয়, যুদ্ধোগুরিয়্যেগুনো আঢত্তুন্ বন্দীগুনোরে নেযা অবঅ আর দর্‌গরেপারা মানজ্যর্ আঢত্তুন্ লুদেয়্যে পযাপিরানি উদ্ধোর গরা অবঅ। যিগুনে তঅ লগে কোজ্যে বাজেবাক্ তারা লগে মুয়ই কোজ্যে বাজেম্ আর তঅ পুয়োগুনোরে মুয়ই রোক্ষ্যে গুরিম।‍

যিরমিয় 48:14

“তুমি কিবাবোত্যেগুরি কোই পারঅ, ‘আমি যোদ্ধা, যুদ্ধোত্ সাহসী মানুচ্’?

যিরমিয় 49:15

লগেপ্রভু কোইয়্যেদে, ইক্কিনে মুই জাদ্‌‍‍তুনো ভিদিরে তরে বেগত্তুন চিগোন্ বানেম আর মানুচ্চুনো ভিদিরে ঈচ্ গরেদে বাবোত্যে গুরিম।

যিরমিয় 50:29

লগেপ্রভু কোইয়্যেদে, “বাবিল বিরুদ্ধে বেক্ ধনুবলাগুনোরে ডাগঅ। সিয়েনর চেরোকিত্তে সৈন্যগুনো-তাম্বুল ফেলঅ; কাররে ধেই যেবাত্তে ন-দুয়ো। তা কামর্ ফল্ তারে দুয়ো। তে যেবাবোত্যে গোজ্যে তা উগুরে সেবাবোত্যে গরঅ, কিত্তে তে লগেপ্রভুর বিরুদ্ধে, ইস্রায়েলর সেই সুদ্ধো-সাংগ মানুচ্চোর বিরুদ্ধে নিজোরে দাঙর্ গুরি দেগেয়্যে।

যিরমিয় 51:53

বাবিলান যুনি আগাজত্ সংঅ লুমেগোই আর সিয়েনত্ দরমর ঘর্ তুলে, তো মুই তা বিরুদ্ধে ভস্তগুরিয়্যেগুনোরে পাধেই দিম্।”

আমোষ 9:2

তারা মরণ জাগানর্ গভীন সং খুড়িনে সিদু গেলেয়ো মঅ আঢ্‌‌‌তানিয়ে সিত্তুন্ তারারে আনিবো। তারা আগাজ সং উদিলেয়ো সিত্তুন্ তারারে লামেই আনিম।

হবক্‌‌‌‌কূক 2:9

জাদ্‌‌‌তুনে কবাক্‌, অভিশাব্ পোড়োক্ তার্, যে অন্যেয় গুরিনে লাভবান্ ওইনে তার্ থেবার ঘরান্ তুলে যেনে তে গমেডালে থেই পারে আর দযাত্তুন্ রোক্ষ্যে পায়।