যিরমিয় 49:11 - Chakma Bible

¹¹ তমা মা-বাপ নেইয়্যে ঝি-পুয়োগুনোরে থোই যঅ; মুই তারার জিংকানিগানি রোক্ষ্যে গুরিম। তর্ রানিমিলেগুনেয়ো মঅ উগুরে বিশ্বেজ্ গোরোদোক্।”

যিরমিয় 49:11 Iomraidhean Croise

গীতসংহিতা 146:9

লগেপ্রভু বিদেশীগুনো উগুরে চোগ্ রাগায় বাপ মা নেইয়্যে আরে রানিমিলেগুনোরে দেগাশুনো গরে, মাত্তর্ পাজি মানুচ্চুনোর পথ্‌তানি তে বেঙা গরে।

গীতসংহিতা 68:5

গোজেনে তার পবিত্র থেবার জাগানত্ মা-বাপ নেইয়্যেগুনোর বাপ্ আর রানিমিলেগুনোর পক্কে গুজিলোইয়্যে।

গীতসংহিতা 82:3

তুমি নাদা আর মা-বাপ নেইয়্যেগুনোর উগুরে দোল্‌বিচের্ গরঅ, দিন্-দুঘি আর নাদা মানুচ্চুনোর পাইদ্যে অধিকারান্ রোক্ষ্যে গরঅ,

হোশেয় 14:3

আসিরিয়া আমারে উদ্ধোর্ গুরি ন-পারিবো; আমি যুদ্ধো ঘোড়া উগুরে নির্ভর ন-গুরিবোং। আমা নিজো আঢে বানেয়্যে মূত্তিগুনোরে আমি আর কনদিন্‌অ ন-কবং, ‘আমা দেব-দেবদা,’ কিয়া তইদু মা-বাব্ নেইয়্যেগুনে দোয়্যে পান্।”

যোনা 4:11

মাত্তর্ নীনবীত্ এক লাখ্ কুড়ি আজারর্‌অ বেশ্ চিগোন গুরো আগন্ যিগুনে হবর্ ন-পান কুবোন ডেন্ আত্ আর কুবোন বাং আত্; ইগুন বাদেয়ো বোউত্ গোরু-ভেড়ায়ো আগন্। সালে মুই কি গুরিম? মুই কি সেই দাঙর্ শঅরানত্তে মেয়্যে ন-গুরিম?

সখরিয় 7:10

তুমি রানিমিলে, মা-বাপ নেইয়্যে, বিদেশী আর নাঢা মানুচ্চুনো উগুরে অত্যেচার ন-গোজ্য; মনে মনে এক আর একজন বিরুদ্ধে কুজুরোমি ন-গোজ্য।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

দ্বি’লম্বর বিররণ 10:18

নাদা আর রানীমিলেগুনোর্‌ দাবীগানি তে রোক্ষ্যে গরে আর তমা ভিদিরে বজত্তি গুরিয়্যে বিদেশীগুনোরে খানা উরোনা দিইনে তার্‌ কোচ্‌পানাগান দেগায়। তে তারারে হেবাত্তে উরিবাত্তে দে।

১ তীমথিয় 5:5

যে রাণী মিলেবোর্ কেঅ নেই তে গোজেন উগুরে আজা রাগেইনে দিন-রেত্ গোজেন ইধু তবনা আর কোজোলি গরানাত্ থায়।

যাকোব 1:27

রানী মিলে আর বাপ্-মা নেইয়্যেগুনোর্ দুঘোত্ তারার্ দেগাশুনো গরানা আর জগদর্ বেক্‌ কাজরানিত্তুন্ নিজোরে সাব্ রাগানা অলঅ বাবা গোজেনর্ চোগেদি খাটি আর সত্য ধর্ম।