যিরমিয় 49:1 - Chakma Bible

¹ অম্মোনীয়গুনো পৌইদ্যেনে লগেপ্রভু এ কধাগান কোইয়্যে, ইস্রায়েলর কি কনঅ পুয়ো নেই? তা মরানার্ পরেদি তা সোম্বোত্তির্ অধিকারি কি কনজন নেই? সালে মিল্‌‌‌‌‌‌কমে কিত্তে গাদ-গুট্টির জাগানি গজক্ গোজ্যে? কিত্তে মিল্‌‌‌‌‌‌‌কমর পূজোগুরিয়্যেগুন সিদুগোর্ শঅরানিত্ বজত্তি গরদন্?

যিরমিয় 49:1 Iomraidhean Croise

পত্থম 19:38

পরেদি চিগোন ঝিবোর্‌অ এক্কো পুয়ো অলঅ, আর তে তা নাঙান্‌ রাগেল বিন্-অম্মি (যিয়েনর ভেদ্‌‌তান্ “মঅ বংশর্‌ পুয়ো”)। তে সিদুগোর অম্মোনীয়গুনোর আগঅ বাব্‌।

২ রাজাবলী 24:2

লগেপ্রভু যিহোয়াকীমোর বিরুদ্ধে বাবিলোনীয়, অরামীয়, মোয়াবীয় আর অম্মোনীয় লুট্‌ গুরিয়্যে মানুচ্চুনোরে পাধেই দিলো। লগেপ্রভু তা চাগরুনোরে, অত্তাৎ ভাববাদীগুনোরে দিইনে যে কধাগান ফগদাঙ্‌ গোজ্যে সেই মজিম্ যিহূদা দেজ্‌ছানরে ভস্ত গুরিবাত্তে তে তারারে পাধেই দিলো।

২ বংশধর 20:1

ইয়েন পরেন্দি মোয়াবীয়গুনে, অম্মোনীয়গুনে আর মায়োনীয়গুনোর কিজু মান্‌জ্যে যিহোশাফট বিরুদ্ধে যুদ্ধো গুরিবাত্তে এলাক্‌।

নহিমিয় 2:19

মাত্তর্‌ হোরণীয় সন্‌বল্লট, অম্মোনীয় মুরুব্বী টোবিয় আর আরবীয় গেশম্‌ এ কধাগান শুনিনে আমারে ঘিনা ধুরিলাক্‌। তারা কলাক্‌, “তুমি ইয়েন কি গরর্‌? তুমি কি রাজার বিরুদ্ধে উল্লোমি গুরিবা?”

নহিমিয় 4:7

মাত্তর্‌ সন্‌বল্লট, টোবিয়, আরবীয়োগুনে, অম্মোনীয়গুনে আর অস্‌দোদর মানুচ্চুনে যেক্কে শুনিলাক্‌, যিরূশালেমর দেবালান্‌ ঠিগ্‌ গরানার্‌ কামান্‌ উজেই যেইয়্যে আর ফাক্‌কানি বন্দ গরা অর্‌ সেক্কে তারা অমকদ রাগ্‌ তুলিলাক্‌।

গীতসংহিতা 83:7

গবালীয়গুনে, অম্মোনীয়গুনে, অমালেকীয়গুনে আর সোর-আদাম্মেগুনো সমারে পলেষ্টীয়গুনে;

গীতসংহিতা 9:6

শত্রুগুনে উমরত্যে ভস্ত অনার্ মুয়োত্ পোজ্যন্; তারার্ শঅরানি তুই উগুরেনে ফেলেই দুয়োচ্; তারার্ নাঙানিয়ো বাদ্ যেয়েগোই।

যিরমিয় 12:14

লগেপ্রভু কোইয়্যেদে, “মুই অধিকার ইজেবে যে জাগায়ান মঅ মানুচ্চুনোরে দুয়োং মর্ বেক পাজি পাড়াল্যেগুনে সিয়েনত্ হানা দুয়োন। সেনত্তে মুই তারার দেজত্তুন্ তারারে তুলি দিম্ আর তারাত্তুন যিহূদার মানুচ্চুনোরে তুলি আনিম।

যিরমিয় 25:21

ইদোম, মোয়াব আর অম্মোনর মানুচ্চুনোরে;

যিরমিয় 25:9

সেনত্তে মুই উত্তোরর্ বেক জাদ্‌তুনোরে আর মর্ চাগর বাবিলোর রাজা নবূখদ্‌নিৎসররে ডাগি আনিম। এ দেজ্‌‌‌‌চান আর তা আদাম্মেগুনোর বিরুদ্ধে আর চেরোকিত্যে বেক জাদ্‌তুনোর বিরুদ্ধে মুই তারারে আনিম। মুই সেই মানুচ্চুনোরে পুরোপুরিভাবে ভস্ত গুরি দিম আর অমকদ দরর্ আর ঈচ্ গরেপারা গুরিম; তারা দেজ্‌‌‌‌চান মুই জিংকানিবরর্ ভস্তর্ জাগা গুরিম।‌

যিরমিয় 27:3

সে পরেদি যিদুক্কুন দূতে ইদোম, মোয়াব, অম্মোন, সোর আর সিদোনর রাজাগুনোত্তুন যিরূশালেমত্ যিহূদার রাজা সিদিকিয় ইধু এচ্চ্যন্ তারারে দিইনে সে রাজাগুনো ইধু হবর্ পাদেবে।

যিরমিয় 48:1

মোয়াব পৌইদ্যেনে ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, “হায় নবো! সিয়েন দঅ ভস্ত ওই যেবঅ। কিরিয়াথয়িমে অসর্মান ওইনে অন্যগুনো আঢত্ যেবঅ; তা ঘিজ্যে দেবালান ভাঙি যেইনে মাজারা ন-থেবঅ।

যিরমিয় 49:23

দামেস্ক পৌইদ্যেনে লগেপ্রভু কোইয়্যেদে, “হমাৎ আর অর্পদে দরে থির্‌‍‍‌‌‌‌‌নেইয়্যে ওইয়্যে, কিত্তে তারা ভান্ন্যেই হবর্ শুন্নোন্। তারা আশানেইয়্যে ওইয়োন, থির্ নেইয়্যে সাগর ধোক্ক্যেন ওলোঝোলো ওইয়োন্।

যিরমিয় 49:28

বাবিল রাজা নবূখদ্‌নিৎসরে কেদর আর হাৎসোরর যে রেজ্যগানিরে ওদেই দিয়্যে সিয়েনি পৌইদ্যেনে লগেপ্রভু কোইয়্যেদে, “উদো, কেদর আক্রমণ গরঅ আর পূগেদি দেজ মানুচ্চুনোরে ভস্ত গরঅ।

যিরমিয় 49:7

ইদোমর পৌইদ্যেনে বেগত্তুন্ খেমতাবলা লগেপ্রভু কোইয়্যেদে, “তৈমনত্ কি জ্ঞান নেই? বুদ্ধিবলাগুনোত্তুন্ কি উপদেশ থুম্ ওই যেইয়্যে? তারার জ্ঞান কি ক্ষয় ওই যেইয়্যে?

যিহিষ্কেল 21:25

ও অসিজি আর পাজি ইস্রায়েলর রাজা, তঅ দিন্নো আজিল্ ওইয়্যে, তর্ সাজার্ সময় এচ্চ্যে।

যিহিষ্কেল 25:1

পরেদি লগেপ্রভু মরে কলঅ,

সফনিয় 1:5

যিগুনে আগাজর্ বেক তারাগুনোরে পূজো গুরিবাত্তে ছালঅ উগুরে উদিনে জু জু গরন্ আর যিগুনে লগেপ্রভুর নাঙে জু জু গুরিনে শমক্ গরানার্ পরেদি মিল্‌কম দেবেদার নাঙেও শমক্ গরন তারারে মুই ভস্ত গুরি ফেলেম।

গণাণা 1:24

গাদর বংশধরুনো ভিদিরে যিগুনোর্‌ বয়স কুড়ি বা তাত্তুন্‌ বেশ্‌, অত্তাৎ যিগুনে যুদ্ধোত্‌ যেবার্‌ অক্ত ওইয়োন, বংশ আর পরিবারর্‌ পরিচয় মজিম তারার্‌ নাঙানি লিগি নেযা অলঅ।

দ্বি’লম্বর বিররণ 2:19

মাত্তর্‌ তুমি যেক্কে অম্মোনীয়গুনো ইদু যেইনে লুমিবা সেক্কে তারারে লবাদোস্যে ন গুরিবা বা যুদ্ধোর্‌ উচ্চোমি ন দিবা, কিত্যে অম্মোনীয়গুনোর্‌ দেজত্‌ কনঅ ভাগই মুই তমারে ন-দিম্‌। লোটোর বংশধরুনোরে মুই সিয়েন্‌ সোম্বোত্তি ইজেবে দিইনে রাগেয়োং।’”

দ্বি’লম্বর বিররণ 23:3

কনঅ অম্মোনীয় বা মোয়াবীয় লগেপ্রভুর মানুচ্চুনো সমাজত্‌ মিজেই ন-পারিবাক্; তার্‌ চৌদ্দো গুট্টিয়েও কনজনে সিয়েন কনদিনঅ গুরি ন-পারিবাক্।

দ্বি’লম্বর বিররণ 23:4

মিসর দেজত্তুন্‌ নিগিলি এজানার্‌ পরেন্দি তমার যেবার্‌ পদথ্‌ তারা হানা আর পানি লোইনে তমা ইদু উজেই ন-এজন, মাত্তর্‌ তমারে অভিশাব দিবাত্তে তারা অরাম-নহরয়িম দেজর্‌ পথোর শঅরত্তুন্‌ বিয়োরর পূঅ বিলিয়মরে টেঙা দিইনে লোই এচ্চ্যন।