যিরমিয় 48:8 - Chakma Bible

⁸ পত্তি শঅর বিরুদ্ধে ভস্তগুরিয়্যেবো এবঅ আর কনঅ শঅর বাদ যেই ন-পারিবো। মঅ কধামজিম কলগ্‌‌‍‍‍কানি ভস্ত অবঅ আর সংজাগানির বিনাশ অবঅ।

যিরমিয় 48:8 Iomraidhean Croise

যিরমিয় 15:8

তারার রানিমিলেগুন মুই সাগর বালুত্‌তুন্‌‍‍অ বেশ্ গুরিম। তুই দঅ যোদ্ধাগুনোর মা, তঅ মানুচ্চনো বিরুদ্ধে দ্বিবুজ্যে অক্তত্ মুই এক্কো ভস্তগুরিয়্যেরে আনিম; মুই তারা উগুরে আদিক্ক্যেনেগুরি পীড়ে আর দর্‌বুক আনিম।‍‍

যিরমিয় 25:9

সেনত্তে মুই উত্তোরর্ বেক জাদ্‌তুনোরে আর মর্ চাগর বাবিলোর রাজা নবূখদ্‌নিৎসররে ডাগি আনিম। এ দেজ্‌‌‌‌চান আর তা আদাম্মেগুনোর বিরুদ্ধে আর চেরোকিত্যে বেক জাদ্‌তুনোর বিরুদ্ধে মুই তারারে আনিম। মুই সেই মানুচ্চুনোরে পুরোপুরিভাবে ভস্ত গুরি দিম আর অমকদ দরর্ আর ঈচ্ গরেপারা গুরিম; তারা দেজ্‌‌‌‌চান মুই জিংকানিবরর্ ভস্তর্ জাগা গুরিম।‌

যিরমিয় 48:18

লগেপ্রভু কোইয়্যেদে, ও দীবোনর আদাম্মেগুন, তমা বাঈনী গরেদে জাগানত্তুন্ লামি এইনে শুগুনো মাদি উগুরে বজ, কিত্তে মোয়াবর্ ভস্তগুরিয়্যেবো তমা বিরুদ্ধে এইনে তমা ঘরানি ভস্ত গুরি দিবো।

যিরমিয় 51:56

বাবিল বিরুদ্ধে এবঅ ভস্তগুরিয়্যেবো; তা যোদ্ধাগুনে ধরা পড়িবাক্ আর তারার ধনুগানি ভাঙি যেবঅ; কিত্যে লগেপ্রভু হেনাসুজিয়ে গোজেন; বাবিলোরে তারা সাজা তারারে দিবো।

যিরমিয় 6:26

ও মঅ মানুচ্চুন, বস্তা পাদা পিনো আর ছেইয়ো উগুরে গজ্জ। এক্কোগুরি পুয়ো মুরিলে যেবাবোত্যেগুরি মান্‌জ্যে ইদোত্ তুলি তুলি কানন্ সেবাবোত্যেগুরি অমকদ আবিলেচ্ গুরিনে তুমি ইদোত্ তুলো, কিত্তে ভস্ত গুরিয়্যেবো আদিক্ক্যেন্‌গুরি আমা উগুরে এইনে লুমিবো।

যিহিষ্কেল 25:9

সেনত্তে মুই মোয়াবর এক কিত্তেন্দি দুযিগান খুলি দিম্। সেক্কে মোয়াবর বাঈনী গরেদে শঅরান বৈৎ-যিশীমোৎ, বাল্-মিয়োন আর কিরিয়াথয়িমরে আক্রমণ গরা অবঅ।

যিহোশূয় 13:17

হিষ্‌বোন আর সংজাগায়ান ভিদিরে আদাম আর শঅ‌রানি। এ আদাম আর শঅরানি অলঅ দীবোন, বামোৎ-বাল, বৈৎ-বাল্‌-মিয়োন,

যিহোশূয় 13:21

ইয়েনি এলঅ‌ সং জাগান ভিদিরে আদাম আহ্‌ শঅর্‌ আর হিষ্‌বোনর ইমোরীয় রাজা সীহোনর পুরো রেজ্যগান্‌। মোশি এ রাজাবোরে আর ইবি, রেকম, সুর, হূর আর রেবা নাঙে মিদিয়নীয় সর্দারুনোরে ওদেই দিলো। ইগুনে সে চাগালাত্‌‌ বজত্তি গুরিদাক্‌ আর সীহোনর অধীনোত্‌ শাজনগুরিয়্যে এলাক্‌।

যিহোশূয় 13:9

তারার্‌ এ জাগায়ান্‌ আরাম্ভ ওইয়্যেদে অর্ণোন কিজিঙো দুযির্ অরোয়র শঅরত্তুন্‌ আর সে কিজিঙোর্‌ সংমোধ্যে আদামত্তুন্‌। সিয়েন ভিদিরে আগেদে দীবোন সং মেদবার পুরো সং জাগায়ান আর অম্মোনীয়গুনোর দেজর দুযি সং হিষ্‌বোনর ইমোরীয় রাজা সীহোনর বেক্‌ আদামানি।