যিরমিয় 48:47 - Chakma Bible47 মাত্তর্ আগামিদি মুই মোয়াবর অবস্থা ফিরেম। মুই লগেপ্রভু এ কধাগান কঙর্।” মোয়াবর বিচেরর কধা ইয়োত্ থুম্ ওইয়্যে। Faic an caibideil |
যিরমিয় 48:47
22 Iomraidhean Croise
সে সময়োত্ বেগত্তুন্ খেমতাবলা লগেপ্রভু ইদু সেই লাম্বা আর নরম চামাড়ার্ জাদ্তুনো ইত্তুন্ বক্শিজ্ এবঅ। ইবে সেই জাদ্ যিবেরে কায়কুরে আর দূরো মানুচ্চুনে দরান্। ইবে সেই খেমতাবলা জাদ্ যে অন্যগুনোরে টেঙোই মাড়ে আর যিবের দেজ্ গাঙে-ছড়ালোই ভাগ্ গোজ্যে। সে জাদর্ বক্শিজ্চানি সিয়োন মুড়োবোত, বেগত্তুন্ খেমতাবলা লগেপ্রভুর থেবার্ জাগানত্ আনা অবঅ।
ভালোক্ বজর্ পরেদি তরে যুদ্ধোত্তে ডাগা অবঅ। সেক্কে তুই এমন এক্কান দেজ্ আক্রমণ গুরিবে যে দেজ্চান যুদ্ধোত্তুন্ রেহাই পেইয়্যে, যার মানুচ্চুনে ভালোক্ জাদ ভিদিরেত্তুন্ ইস্রায়েলর্ মুড়ো-মুড়িত্ এগত্তর্ ওইয়োন। সেই দেজ্চান ভালোক্ দিন ধুরিনে মানুচ্ নেইয়্যে এলঅ, মাত্তর্ তর্ আক্রমনর্ আগেদি নানান্ জাদ ভিদিরেত্তুন্ তা মানুচ্চুনোরে নিগিলেই আনা অবঅ, আর সেক্কেনে তারা বেক্কুনে গমেডালে বজত্তি গুরিবাক্।
মুই হবর্ পাংগে যে, মর্ মরাণার পরেন্দি তুমি এক্কুবারে ভান্ন্যেই ওই যেবা আর যে পদেন্দি মুই তমারে চলিবার উগুম দুয়োঙর্ তুমি সিয়েনত্তুন সোরেই যেবা। আগামিদি তমা উগুরে দযা লামি এবঅ, কিত্যে লগেপ্রভুর চোগোত্ যিয়েনি ভান্ন্যেই তুমি সিয়েনি গুরিবা আর তমার নিজোর আঢ্তোই বানেয়্যে মূত্তিলোই তুমি তারে অখুজি গুরিবা।”
Sanasan