যিরমিয় 48:40 - Chakma Bible

⁴⁰ লগেপ্রভু কোইয়্যেদে, চঅ, এক্কো মানুচ্ ঈগল ধোক্ক্যেন শো শো গুরি লামি এজের্ আর মোয়াব বিরুদ্ধে তা ডুয়োনি ছিদি দের্।

যিরমিয় 48:40 Iomraidhean Croise

গম্ উপদেজ্ 30:19

কেধোক্ক্যেন্ গুরিনে ঈগল পেক্কো আগাজত্ উড়ে, কেধোক্ক্যেন্ গুরিনে সাপ্পো পাত্তর উগুরে আঢে, কেধোক্ক্যেন্ গুরিনে জাহাজ্‌‌ছান দাঙর্ সাগরত্ যায়, কেধোক্ক্যেন গুরিনে গাবুজ্যে মরদ আর গাবুজ্যে মিলে মিজেনার কারনে জিংকানি শুরু অয়।

যিশাইয় 11:14

তারা পোজিমেদি পলেষ্টীয়গুনো দেজত্ সং জাগাত্ ছো মারিবাক্, তারা এক সমারে পূগেদি দেজ্‌চানি লুদেবাক্। তারা ইদোম আর মোয়াব গজক্ গুরি নেযেবাক্ আর অম্মোনীয়গুনে তারার্ তলেদি অবাক্।

যিশাইয় 8:8

আর সিয়েন যিহূদা দেজ ভিদিরে জোড়ে এইনে পুরিবো আর উদুরে উদিনে গত্তনা সং বাড়িবো। ও ইম্মানূয়েল, আসিরিয়ার রাজা তা মেল্যে ডুয়োগানিলোই তঅ পুরো দেজ্‌ছান নাঢি ফেলেব।

যিরমিয় 4:13

চঅ, তে মেঘ ধোক্ক্যেন গুরি উজেই এজের্। তার রথ্‌‌তানি টুত্যে বোইয়্যের ধোক্ক্যেন এজের্ আর তার ঘোড়াগুন ধবাচিল পেগোত্তুন্‌অ জোরে দাবা দুয়োন্। হায়, হায়, আমি ভস্ত ওই গেলং!

যিরমিয় 49:22

চঅ, তারার শত্রুগুন ঈগল ধোক্ক্যেন গুরি অজলত্ উড়িবাক্ আর বস্রাগান উগুরে ডুয়ো মিলিনে শো গুরিনে তলেদি লামি এবাক্। সেদিন্যে ইদোম যোদ্ধাগুনোর মনত্ পুয়ো ফুদোইদ্যে মিলে মনান ধোক্ক্যেন অবঅ।

আবিলেচ্ 4:19

আমারে যিগুনে লোড়েদাক্ তারা আগাজ ঈগল পেগোত্তুন্‌অ বেশ্ জোরে যেদাক্; তারা মুড়োই মুড়োই আমারে লোড়েদাক্ আর ধূল্যেচর-চাগালাত্ হাফ্ দি থেদাক্ আমাত্তে।

যিহিষ্কেল 17:3

প্রভু লগেপ্রভু কোইয়্যেদে, নানান্ রঙর্ লাম্বা লাম্বা পোর্‌লোই ভরা দাঙর্ ডুয়োবলা এক্কো দাঙর্ ঈগল পেখ্ লেবাননত্ এলঅ। সিবে সিদুগোর্ এক্কো এরস গাজর্ বেগত্তুন অজল্ ডেলা ভাঙিনে বণিক্‌‌কুনোর দেজত্ নেযেইনে বেপারিগুনো শঅরত্ লাগেই দিলো।

দানিয়েল 7:4

পৌইল্যাবো এলঅ সিংহ ধোক্ক্যেন আর তার সাড়াল্যে চিলো ধোক্ক্যেন ডুয়ো এলঅ। রিনি চাদে চাদে তার ডুয়ো দ্বিয়েন ছিনি দিয়্যে অলঅ আর তারে মাদিত্তুন্ উগুরে তুলো অলঅ। সেক্কে সিবে মান্‌জ্য‌ ধোক্ক্যেন দ্বিয়েন টেঙোই থিয়্যেল আর তারে মান্‌‌জ্যর মন দিয়্যে অলঅ। ‌‌‌

হোশেয় 8:1

তুই শিংগা বাজা। লগেপ্রভুর মানুচ্চুনোর্ বিরুদ্ধে শত্রুগুনে সাড়াল্যে চিল ধোক্ক্যেন এত্তন্, কিত্যে মানুচ্চুনে মর্ দিয়্যে সুদোমান্ অমান্য গোজ্যন আর মঅ রীদি-সুদোমানির্ বিরুদ্ধে উল্লোমী গোজ্যন্।

হবক্‌‌‌‌কূক 1:8

তারার্ ঘোড়াগুন হোক্যে বাঘত্তুন্অ বেশ্ যান, সিগুন সাজোন্যে নেকড়ে বাঘত্তুন্অ বেশ্ দর্‌‌‌গরেপারা। তারার্ ঘোড়া চালেয়্যেগুনে দূরত্তুন্ দাবা এজন্; গিলিবাত্তে তারা শকুনো ধোক্ক্যেন যাদিমাদি এজন্।

দ্বি’লম্বর বিররণ 28:49

লগেপ্রভু দূরোত্তুন, পিত্‌থিমীর শেজ্‌ দুঝিত্তুন এমন্‌ এক্কো জাদরে তমার বিরুদ্ধে লোই আনিবো যিগুনোর কধানি তুমি ন-বুঝিবা। ঈগল পেগো ধোক্ক্যেন গুরি সে জাত্তো ছোঁ মারিনে তমা উগুরে লামি এবঅ।