যিরমিয় 48:37 - Chakma Bible

³⁷ দুঘ্‌কান ফগদাং গুরিবাত্তে বেক্কুনোর মাঢা মুড়োনা আর দাড়ি কাবি ফেলা ওইয়্যে; পত্তিজন আঢ্ আঙুর্ বিঙুর্ আর কমরত্ বস্তাফাদা পিনে ওইয়্যে।

যিরমিয় 48:37 Iomraidhean Croise

পত্থম 37:29

পরেদি রূবেণে সে গাত্তো ইধু যেইনে যোষেফরে ন-দেগিনে দুগে তা কাবড়ান ফাদি ফেলেইনে ভেইয়ুনো মুজুঙোত যেইনে কলঅ, “যোষেফে দঅ সে গাদ্‌তোত্‌ নেই। মুই ইক্কিনে কি গুরিম?”

পত্থম 37:34

যাকোবে তা কাবড়ানি পাদিনে কমরত্‌ বস্তা পিনিনে তা পুয়োবোত্তে ভালোক্‌ দিন সং আবিলেচ্ গুরিলো।

১ রাজাবলী 18:28

সেনত্তে তারা আরঅ দাঙর্‌ গুরিনে রঅ ছাড়া ধুরিলাক্‌ আর তারার্‌ সুদোম মজিম্ কিয়্যেত্‌ লো নালি বেঈ ন-যানা সং ছুড়িলোই আর কাদালোই নিজোরে কাবা ধুরিলাক্‌।

১ রাজাবলী 21:27

আহাবে লগেপ্রভুর কধা শুনিনে নিজো কাবড়ান্‌ ফাদি ফেলেইনে বস্তা ফাদা উরিলো আর উবোস্‌ থেলঅ। তে বস্তা ফাদা উরিনে ঘুম্‌ যেদঅ আর নম্রগুরিনে আঢাউদো গুরিদো।

২ রাজাবলী 6:30

মিলেবোর্‌ কধানি শুনিনে রাজা তা পোজাক্কানি ফাদি ফেলেল। তে সেক্কেয়ো দেবাল উগুরেন্দি আদের্‌। সেক্কে মানুচ্চুনে দেগিলাক্‌, তার্‌ পোজাক্কানি ভিদিরে তে বস্তার্‌ সিলুম্‌ উরি আঘে।

১ বংশধর 19:4

হানূনে সেক্কে দায়ূদো মানুচ্চুনোরে ধুরিনে তারা দাড়িগানি মুড়েই দিলো আর লাম্বা সিলুমুনোর্‌ অদ্দেক্‌, অত্তাৎ কমর্‌ সং কাবি দিইনে তারারে বিদেয় গুরি দিলো।

যিশাইয় 20:2

যে বজর তে আক্রমন গোজ্যে সে বজরত্ লগেপ্রভু আমোসর পুয়ো যিশাইয়রে কোইয়্যেদে, “তঅ কিয়্যেগানত্তুন্ বস্তা পাদা আর টেঙত্তুন্ জদা খুলি ফেলা।” সেনে যিশায়ই লাংটা ওইনে সুদো টেঙোই ঘুরি বেড়া ধুরিলো।

যিশাইয় 3:24

তুম্বাজ বদলে পজা বাজ্, কমর বিজোনি বদলে দুড়ি, দোল্ গুরি আজুজ্যে চুলান্ বদলে টাক্, মংগা কাবড় বদলে বস্তার চট্, আর দোলান বদলে পুজ্যে দাগ থেবঅ।

যিশাইয় 37:1

রাজা হিষ্কিয় এ কধাগান শুনিনে নিজোর্ কাবড়ান ফাদি ফেলেল আর বস্তা পাদা পিনিনে লগেপ্রভুর ঘরত্ গেলঅ।

যিরমিয় 16:6

এ দেজত্ চিগোন-দাঙর্ বেক্কুনে মুরি যেবাক্। কনজনে তারারে গোর্‌অ ন-দিবাক্, তারাত্তে আবিলেচ্অ ন-গুরিবাক্ আর কনজনে তারাত্তে নিজো কিয়্যেগান কাবাকাবিয়ো ন-গুরিবাক্, নিজোর মাঢাবোয়ো ন-মুড়েবাক্।

যিরমিয় 47:5

গাজা আবিলেচ্ গুরিনে তা মাঢাবো মুড়েব; অস্কিলোনরে ভস্ত গরা অবঅ। ও কলগর্ বাদবাগি মানুচ্চুন, আর কয়দিন তুমি নিজো কিয়্যেনি কাবিবা?

যিরমিয় 49:3

“ও হিশ্‌বোন, আবিলেচ্ গর্, কিত্তে অয় শঅর ভস্ত ওই যেইয়্যে। ও রব্বা শঅরর্ আদাম্মেগুন, কানঅ; বস্তা ফাদা উরিনে আবিলেচ্ গরঅ। দেবাল ভিদিরে দাবাদেদি গরঅ, কিত্তে তঅ দেবেদা মিল্‌‌কমে বন্দী ওইনে দূর দেজত্ যেবঅ, আর তা লগে যেবাক্ তার ধর্মগুরু আর দাঙর্ পোজিশন কামগুরিয়্যেগুনে।

যিহিষ্কেল 27:31

তারা তত্তে মাঢা মুড়েবাক্ আর বস্তা ফাদা পিনিবাক্। তারা মনত্ দুঘে তত্তে আবিলেচ্ গুরি গুরি অমকদ কানিবাক্।

যিহিষ্কেল 29:18

ও মান্‌‌‌‌‌‌জ্যর পুয়োবো, বাবিলর রাজা নবূখদ্‌নিৎসর সোরের বিরুদ্ধে যুদ্ধোর সময় তার সৈন্যদলরে এদক্ বেশ্ খাদেয়্যেদে যে, তারার্ বেক্কুনোর মাঢার্ চুল উদি যেইয়্যে আর কানাগানির চামাড়ানি উদি যেইয়্যে। তো সোরর বিরুদ্ধে তে যে যুদ্ধো চালেয়্যে সিয়োত্ তার বা তা সৈন্যদলর কনঅ লাভ ন-অয়।

যিহিষ্কেল 7:18

তারা বস্তা পাদা পিনিবাক্ আর অমকদ দরে গির্‌‌‌‌‌‌‌‌‌গিরেবাক্। তারা লাজত্ পড়িবাক্ আর তারার্ মাঢাগুন চুলানি মুড়েই দিয়্যে অবঅ।‌‌‌‌‌‌‌

লেবীয় 19:28

মরা মানুচ্চুনোত্তে দুঘ্-ফগদাঙ্‌ গুরিবাত্তে যেইনে কিয়্যেগানর্‌ কনঅ জাগাত্‌ ঘা গরানা ন-চলিবো। কিয়্যেত্‌ কনঅ উল্‌কি-চিহ্নো দেনা ন-চলিবো। মুই লগেপ্রভু।

আমোষ 8:10

মুই তমার্ পরব্‌‌পুন দুঘে আর বেক্ গানুন্ আবিলেচ্ গরে পারা বুদুলি দিম। মুই তমারে বেক্কুনোরে বস্তা ফাদা পিনেম্ আর মাঢাগুনোত্ টাক্ গুরি দিম। মুই সেই সময়ানরে বানা এক্কো গুরি পুয়োর্ মরণর্ আবিলেজর্ সময় ধোক্ক্যেন গুরিম আর সিয়েন থুম্ সং চলিবো অমকদ দুঘে।”

মীখা 1:16

যে পুয়ো-ছাগুনোরে নিইনে তুমি হুজি অদা তারাত্তে আবিলেচ্ গুরিবাত্তে যেইনে তমা মাঢাগুন মুড়েই ফেলঅ; শকুনো মাঢা ধোক্ক্যেন তুমি মাঢাগুন টাক্ গুরি ফেলঅ, কিত্যে তারা বন্দী ওইনে তমাত্তুন্ দূরোত্ যেবাক্।

মার্ক 5:5

তে দিনরেত্ কবরত্ আর মুড়োই মুড়োই রঅ ছাড়ি ছাড়ি বেড়েদ আর পাত্তর্‌লোই নিজে নিজোর্ কিয়্যেগান্ কাবিদো।

ফগদাং পেইয়্যে 11:3

মাত্তর্ মুই মর্ দ্বিজন সাক্ষীরে এন্‌ খেমতা দিম যে কারনে তারা বস্তা পিনিনে এক আজার দ্বিশ ষায়েট দিন সং ভাববাদী ইজেবে কধা কবাক্।”