যিরমিয় 48:3 - Chakma Bible

³ হোরোণয়িমত্তুন্ কানানি রঅ শুনো, ভস্ত আর নাশ্ অবার্ কানানি।

যিরমিয় 48:3 Iomraidhean Croise

যিশাইয় 15:2

মোয়াব মানুচ্চুনে কানিবাত্তে দীবোন মন্দিরোত্ আর পূজোর অজল্ জাগানত্ উদি যেয়োন। তারা নবো আর মেদবাত্তে আবিলেচ্ গত্তন্। তারার বেক্কুনোর্ মাঢাগুন্ মুড়ো ওইয়্যে আর দাড়িগানিয়ো কাবা ওইয়্যে।

যিশাইয় 15:5

মোয়াবত্তে মঅ মনান কানের্; তা মানুচ্চুনে সোয়র ইন্দি ইগ্লৎ-শলিশীয়া সং ধেই যাদন্। তারা কানদে কানদে লূহীতোর মুড়োমুড়ি পথ্‌তানত্ উদি যাদন্; তারার জাগানি ভস্ত ওইয়্যে বিলিনে তারা আবিলেচ্ গত্তে গত্তে হোরণয়িমর পধেদি যাদন্।

যিশাইয় 15:8

মোয়াব দুযিগানর্ চেরোকিত্তেদি তারার কানানি রগুন্ শুনো যার্; ইগ্লয়িম আর বের-এলিম সং তারার আবিলেচ্ গরাগান শুনো যার্।

যিশাইয় 22:4

সেনত্তে মুই কলুং, “মঅ কায়-কুরেত্তুন যগোই; মরে যদবদে কানিবাত্তে দুয়ো। মঅ মানুচ্চুন ভস্ত ওইয়োন বিলিনে মরে বুঝেবার চেষ্ট্যা ন-গোজ্জ্য।”

যিরমিয় 20:16

লগেপ্রভু মেয়্যে ন-গুরিনে যেদক্কানি শঅরর্ সর্বনাশ গোজ্যে সে মানুচ্চো সিগুনো ধোক্ক্যেন ওক্। তে বেন্যেমাদান্ কানাকুদির্ রঅ শুনোক্ আর দিবুজ্যে শুনোদোক্ দযার্ রঅ;

যিরমিয় 47:2

“চঅ, উত্তোরেদি কিবাবোত্যেগুরি পানিগান ফুলি উদের্; সিয়েন ওই উদিবো বান পানি গঙার ধোক্ক্যেন্। সিয়েনে দেজত্ আর সিয়েন ভিদিরে বেক্কানি, বেক্ আদাম আর শঅরানি আর সিয়েন ভিদিরে বজত্তি গুরিয়্যে বেক্কুনোরে ডুবেই দিবো। সেক্কে মানুচ্চুনে কানাকুদি গুরিবাক্; দেজত্ বজত্তি গুরিয়্যে বেক্কুনে আবিলেচ্ গুরিবাক্।

যিরমিয় 48:34

“তারার্ কানানি রঅগুন্ হিশ্‌‌‌‌‌‌‌‌বোনত্তুন ইলিয়ালী আর যহস সং, সোয়রত্তুন্ হোরোণয়িম আর ইগ্লৎ-শলিশীয়া সং লুম্মেগোই, কিত্তে নিম্রীমর পানিগানঅ শুগেই যার্।

যিরমিয় 48:4

মোয়াবরে ভাঙি ফেলা অবঅ; তারা চিগোন পুয়ো-ছাগুনে কানি উদিবাক্।

যিরমিয় 48:5

লূহীত পধেদি উদি যেবার্ অক্তত্ মান্‌‌‍‍জ্যে অমকদ কানি কানি যেবাক্; যে পথ্‌‌‍‍তান হোরোণয়িমর ইন্দি লামি যেইয়্যে সিয়েনত্ ভস্ত অনাত্তে অমকদ মনত্ দুঘোর্ কানানি শুনো যেবঅ।

যিরমিয় 51:54

বাবিলত্তুন্ কানানি রঅ শুনো যার্, বাবিলীয়গুনো দেজত্তুন বিরাট্ ভস্ত অনার্ রবো উদি এজের্,