যিরমিয় 48:27 - Chakma Bible

²⁷ ও মোয়াব, ইস্রায়েলে কি তর্ আজি-ঠাট্টার্ মানুচ্ ন-এলঅ? তে কি চুরুনো ভিদিরে ধরা পোজ্যস্, তুই যেদকবার তা কধা কচ্ সেদকবার ঈচ্ গুরিনে মাঢাবো লাড়াচ্?

যিরমিয় 48:27 Iomraidhean Croise

ইয়োব 16:4

তমা অবস্থাগান যুনি মঅ ধোক্ক্যেন্ অদঅ সালে মুইয়ো তমা ধোক্ক্যেন্ কধা কোই পাত্তুং, তমা বিরুদ্ধে বোউত্‌ কধা কোই পাত্তুং আর তমারে দেগিনে মাধাবোয়ো লারে পাত্তুং।

গীতসংহিতা 44:13

পাড়াল্যে জাদ্‌‌তুনোর ইদু তুই আমারে ইংসে-নিন্দে গরা হেইয়্যে বানেয়োচ্; চেরোকিত্তে মানুচ্চুনোর ইদু আজি-তামাজার মানুচ্ বানেয়োচ্।

গীতসংহিতা 64:8

তারার জিলান্‌দোই তারা নিজোর দজাগান্ ডাগি আনিবাক্; তারারে চেইনে বেক্কুনে ঈচ্ গুরিনে মাঢা লাড়েবাক্।

গীতসংহিতা 79:4

পাড়াল্যেগুনো ইদু আমি মুয়োন দেগেই ন-পারির্, আমা চেরোকিত্যে মানুচ্চুনোর ইদু ঈচ্ গরা হেইয়্যে মানুচ্ ওইয়্যেই।

যিরমিয় 18:16

সেনত্তে তারা দেজ্‌চান পুরি থেইয়্যে ভূই আর এক্কান জনমর্ ঈচ্ গরেদে জিনিস ওইনে থেবঅ; যিগুনে সে কুরেদি যেবাক্ তারা আমক্ ওইনে মাঢাবো লারেবাক্।‌‌‍‍

যিরমিয় 2:26

“চুর্ ধরা পড়িলে যেবাবোত্যেগুরি অসর্মান অয় সেবাবোত্যেগুরি ইস্রায়েলর বংশবো অসর্মান ওইয়্যে। তারা নিজে, তারার রাজাগুনে আর কাম্ গুরিয়্যেগুনে, তারার ধর্মগুরুগুনে আর ভাববাদীগুনে বেক্কুনে অসর্মানিত ওইয়োন।

আবিলেচ্ 1:12

তুমি যিগুনে মঅ কায়-কুরেদি যঅ তমাত্তুন্ কি কনঅ কিজু গুরিবার নেই? এক্কানা ঘুরিনে রিনি চঅ। মরে যে যন্ত্রনা দিয়্যে ওইয়্যে সেধোক্ক্যেন্ যন্ত্রনা কি আর কাররে দিয়্যে ওইয়্যে, যিয়েন্ লগেপ্রভু তার জোল্‌‌জোল্যে রাগর্ দিনোত্ মরে দিয়্যে?

আবিলেচ্ 1:7

যিরূশালেমানে তার দুঘোর্ আর ঘুরি বেড়েবার দিনুনোত্ তার পুরোণি দিনোর ধন-সম্পদর কধানি ইদোত্ তুল্যে। তা মানুচ্চুন যেক্কে শত্রু আঢত্ পোজ্যন সেক্কে তারে সাহায্য গুরিবার কনজন ন-এলঅ। তা শত্রুগুনে তাইন্দি রিনি চেইনে তারে ভস্ত গুরিবাত্তে ঠাট্টা-মশ্‌‌‌‌কারি গোজ্যন।

যিহিষ্কেল 25:8

পরেদি প্রভু লগেপ্রভু কোইয়্যেদে, “মোয়াব আর সেয়ীরে কত্তে, ‘চাহ্, যিহূদার মানুচ্চুনে অন্য বেক্ জাদ্‌‌‌‌‌তুনো ধোক্ক্যেন ওই যেইয়োন।’

যিহিষ্কেল 35:15

ইস্রায়েল জাদে অধিকার ইজেবে যে দেজ্‌‌‌‌‌‌‌চান পেইয়্যে সিয়েন মানুচ্ নেইয়্যে দেগিনে তুই যেবাবোত্যে ফুত্তি গোজ্যস্ সেবাবোত্যেগুরি মুই তঅ লগে বেবহার গুরিম। ও সেয়ীর মুড়োবো, তুই আর ইদোমর বাদবাগি বেক জাগায়ানি মানুচ্ নেইয়্যে অবাক্। সেক্কে মানুচ্চুনে হবর্ পেবাক যে, মুয়ই লগেপ্রভু।”

যিহিষ্কেল 36:4

সেনত্তে ও ইস্রায়েলর মুড়ো-মুড়িগুন, তুমি মঅ কধা শুনো। ও দাঙর্ দাঙর্ আর চিগোন্ চিগোন্ মুড়োগুন, খাট্যং আর কলগ্‌‌‌‌‌কানি, মানুচ্ নেইয়্যে বেক্ ভস্তর্ জাগানি আর তমা চেরোকিত্তে অন্য জাদ্‌‌‌‌‌তুনে যিগুনোরে লুদেয়্যে আর আজি এজে পারা গোজ্যন্ সেই বেক ছাড়ি যেইয়্যে শঅরানি,

সফনিয় 2:10

তারা বাড়্‌বো গরানাত্তে তারা এ ফল্ পেবাক্, কিত্যেই তারা বেগত্তুন্ খেমতাবলা গোজেন লগেপ্রভুর মানুচ্চুনো বিরুদ্ধে ঠাট্টা-মশ্‌‌কারী গোজ্যন্ আর তারা বিরুদ্ধে নিজোরে দাঙর্ গুরি কোইয়োন।

সফনিয় 2:8

ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, “মুই মোয়াবর্ অগমান গরানার কধা আর অম্মোনীয়গুনোর ঠাট্টা-মশ্‌‌কারী গরানার কধানি শুন্যং; তারা মঅ মানুচ্চুনোরে অগমান গোজ্যন্ আর তারার্ দেজ্‌‌চান গজক্ গুরিবাক্ বিলি বাড়্‌বো গোজ্যন। মঅ জিংকানির নাঙে কঙর্, মোয়াব্‌পান্ হামাক্কায় সদোম ধোক্ক্যেন আর অম্মোনীয়গুনোর দেজ্‌‌চান ঘমোরা ধোক্ক্যেন অবঅ-সিয়েন হের্‌পদনার্ জাগা, নুনো খেত্ আর উমরর্ উগুজ্যে ভূই ওই থেবঅ। মঅ জাদর্ বাঁজি থেইয়্যে মানুচ্চুনে তারারে লুদেবাক্ আর তারা দেজ্‌‌চানি গজক্ গুরিবাক্ ।”

মথি লেখ্যে গম্ হবর্ 26:55

পরেদি যীশু মানুচ্চুনোরে কলঅ, “মুই কি ডাগেত্, তুমি ছুরি আর মুগোর্‌লোই মরে ধুরিবাত্তে এচ্চো? মুই পত্তিদিন্ উবোসনা-ঘরত্ বুয়োইনে শিক্ষ্যে দিদুং, আর সেক্কে দঅ তুমি মরে ন-ধরঅ।

মথি লেখ্যে গম্ হবর্ 27:38

তারা দ্বিজন ডাগেদরেয়ো যীশু লগে ক্রুশোত্ দিলাক্, একজনরে ডেনেদি আর অন্যজনরে বাঙেদি।

মথি লেখ্যে গম্ হবর্ 7:2

কিয়া যেবাবোত্যেগুরি তুমি অন্যগুনোর দুষ্ ধরঅ সেবাবোত্যেগুরি তমারেয়ো দুষ্ ধরা অবঅ, আর যেবাবোত্যেগুরি তুমি মাবি দুয়ো সেবাবোত্যেগুরি তমাত্তেয়ো মাবা অবঅ।