যিরমিয় 47:3 - Chakma Bible

³ তারা জোরে দাবা যেইয়্যে ঘোড়া টেঙ থুগো রঅ, শত্রুগুনোর রথ রঅ আর রথ চাক্কার ঘড় ঘড় রঅ শুনিবা। বাব্‌‌পুনে তারা পুয়ো-ছাগুনোরে সাহায্য গুরিবাত্তে ন-ফিরিবাক্; তারা আঢ্‌‌তানি লুলো ওইনে দুলি দুলি থেবঅ।

যিরমিয় 47:3 Iomraidhean Croise

যিশাইয় 5:28

তারার্ সেলুন্ ধারেয়্যে, তারার্ বেক্ ধনুগানিত্ সেল্ লাগেয়্যে আঘে; তারার্ ঘোড়াগুনোর্ টেঙ মুরিগুন্ চোক্‌চোক্যে পাত্তর্ ধোক্ক্যেন্ দরমর, আর তারার্ রথ্‌তানির চাক্কাগুন্ থুঠ্যে বোইয়্যের ধোক্ক্যেন্।‌

যিরমিয় 46:9

ও বেক্ ঘোড়াগুন, তুমি আক্রমণ গরঅ। ও রথ চালেয়্যেগুন্, ঢাল-বোইয়্যে কূশ আর পুটর মানুচ্চুন্, ধনুবলা লূদীয়গুন, তুমি উজেই যঅ।

যিরমিয় 50:42

তারা ধনু আর তলোয়ারবলা; তারা চিৎনপুজ্যে আর দোয়্যেনেইয়্যে। তারা ঘোড়াত্ গুরি এবার্ অক্তত্ সাগর গুজুরোনি রঅ অর্; ও বাবিল-ঝি, তরে আক্রমণ গুরিবাত্তে তারা যুদ্ধোর্ সাজে এত্তন্।

যিরমিয় 8:16

দান শঅরত্তুন্ শত্রুগুনোর ঘোড়াগুনোর্ নাগ রঅ শুনো যার্; তারার্ ঘোড়াগুনোর রগুন্দোই পুরো দেজ্‌চান গির্‌গিরের। দেজ্ আর সিয়েন ভিদিরে বেক্কানিযার্ আর শঅর আর শঅরত্ থেইয়্যেগুনোরে তারা গিলিবাত্তে এত্তন্।

যিহিষ্কেল 23:24

তারা আত্যের্, রথ, গাড়ি আর মান্‌‌‌জ্যর এক্কো দাঙর্ দল্লোই তঅ বিরুদ্ধে এবাক্। তারা চিগোন আর দাঙর্ ঢাল্লোই মাঢা রোক্ষ্যে গুরিবার তোক্ক্যে পিনিনে তরে ঘিরিবাক্। সাজা পেবাত্তে মুই তরে তারা আঢত্ তুলি দিম আর তারা তারার্ বিচেরর্ সুদোম্ মজিম তরে সাজা দিবাক্।

নহূম 2:4

তারার্ বেক রথ্‌তানি পধে পধে ঝড় ধোক্ক্যেন্ চলের্ আর শঅর খুলো জাগানির ভিদিরেদি আবাংপাদারে ইন্দি-উন্দি যার্। সিয়েনি রিনি চাদে জ্বোল্‌‌জোল্যে বোম্বা ধোক্ক্যেন; সিয়েনি কারেন ধোক্ক্যেন দাবা যার্।

নহূম 2:8

নীনবীগান এক্কান গদা-ভাঙি যেইয়্যে পুয়োরো ধোক্ক্যেন যিয়েনর পানিগান নিগিলি যার্। তে “থাম, থাম,” কোইনে রঅ ছাড়ের্ মাত্তর্ তা মানুচ্চুনে কনজনে পিজেদি ন-ফিত্তোন্।

ফগদাং পেইয়্যে 9:9

তারার্ বুগোত্ বুগ রোক্ষ্যে গুরিবার লুয়ো পজাক্ এলঅ। ভালোক্কুন ঘোড়া একসমারে যুদ্ধোর রথ্‌তানি টানিনে দাবা দিলে যেধোক্ক্যেন রঅ অয়, তারার্ ডুয়োগানির রঅগুন ঠিগ্ সেধোক্ক্যেন এলঅ।

বিচের গুরিয়্যেগুন 5:22

সে পরেন্দি মাদিগান গির্‌গিরেই উদিলো ঘোড়ার টুক্‌কুনোত্‌ ঘা ওইনে আর বোলীবন্দ ঘোড়াগুনে আদিলাক্ খট্‌-খটা-খট্‌ গুরিনে।