যিরমিয় 46:5 - Chakma Bible

⁵ মুই কিত্তে ইয়েনি দেগঙর্? তারা দোরেয়োন, তারা পিজেদি যেইয়োন, তারার যোদ্ধাগুন উদিই যেইয়োন। তারা পিজেদি ন-চেইনে যাদিমাদি ধেই যাদন, আর চেরোকিত্তে অমকদ দর্।

যিরমিয় 46:5 Iomraidhean Croise

পত্থম 19:17

বেক্কুনোরে নিগিলে আনানার্‌ পরেদি সে দ্বিজনত্তুন্‌ একজনে কলঅ, “বাঁজিবার্‌ চেলে ধেই যঅ। পিজেন্দি ন-চেবা আর এ সংজাগানর্‌ কনঅ জাগাত্‌ ন থামেবা। মুড়ো উগুরে ধেই যঅ; সিয়েন্‌ ন-গুরিলে তমাত্তুনো মরা পুড়িবো।”

যিশাইয় 13:8

তারা অমকদ দোরেবাক্, তারার্ পিড়ে আর অমকদ সুলোনি অবঅ, পুয়ো পুদোইদ্যে মিলে ধোক্ক্যেন্ তারা সুলোনিলোই কিয়্যে মুজুরিবাক্, তারা বুদ্ধি আরেইনে একজনে আর একজন ইদু রিনি চেবাক্ আর তারার্ মুয়োনি আগুনো জিলো ধোক্ক্যেন্ অবঅ।

যিশাইয় 19:16

সেদিন্যে মিসরীয়গুনে মিলে ধোক্ক্যেন অবাক্। তারা বিরুদ্ধে বেগত্তুন্ খেমতাবলা লগেপ্রভু আঢ্ তুলিবো আর সিয়েন দেগিনে তারা দরে গির্‌গিরেবাক্।‍

যিশাইয় 42:17

মাত্তর্ যিগুনে বানেয়্যে মূত্তি উগুরে বিশ্বেজ্ গরন, যিগুনে ছাজিনে ঢাল্যে মূত্তিগুনোরে কন্, তুমি আমার দেবেদা, মুই তারারে অমকদ লাজত্ ফেলেইনে ফিরেই দিম্।

যিশাইয় 5:25

সেনত্তে লগেপ্রভুর রাগ্‌‌কান তা মানুচ্চুনো বিরুদ্ধে জুলি উঠ্যে; তে আঢ্ তুলিনে তারারে আঘাত্ গোজ্যে। মুড়ো-মুড়ি গির্‌‌গিরাদন্ আর মরাকিয়্যেনি পধত্ পেজা কুড়ো ধোক্ক্যেন্ পোজ্যে আঘে। ইয়েনর্ পরেদিয়ো তা রাগ্‌‌কান্ ন-থামায়, তে আঢ্ তুলি রাগেয়্যে।

যিরমিয় 20:10

মঅ চেরোকিত্তেদি অমকদ দর্, কিত্তে মুই এ কধানি বোউত্ মানজ্যে চুবে চুবে গুরি কধে শুনোং, “তা নাঙে আবিত্তি গরঅ; আমি তা নাঙে আবিত্তি গুরিই।”‌‌‍‍ মর্ বেক সমাজ্যেগুনে ইয়েন কোইনে মুই বিজিদি যেবাত্তে বাজ্জেই আগন, “অয়ত আমি তারে ঠোগেই পারিবোং, আর সেক্কে আমি তা উগুরে জিদিবোং আর হেনা সুজিবোং।”

যিরমিয় 46:15

তমা যোদ্ধাগুনে কিত্তে উদিই যেবাক্? তারা থিয়্যেই ন-পারিবাক্, কিত্তে লগেপ্রভু তারারে ঠিলিনে তলে ফেলেব।

যিরমিয় 46:21

মিসরর্ বেতনবলা সৈন্যগুন পক্তা মক্তা গোরু ধোক্ক্যেন্। তারায়ো ফিরিনে একসমারে ধেবাক্; তারা থির্ থেইনে যুদ্ধো ন-গুরিবাক্, কিত্তে তারা উগুরে ভস্ত অবার্ দিন এজের্, তারার সাজা পেবার সময় এচ্চ্যে।

যিরমিয় 49:29

মানুচ্চুনে তারার বেক্ তাম্বুলানি আর য়েমান পালুন নেযেবাক্ আর তারার বেক্ পযাপিরানি, তাম্বুলো পর্দানি আর উট্‌তুন নেযেবাক্। তারা রঅ ছাড়িনে তারারে কবাক্, ‘চেরোকিত্তে অমকদ দর্!’ ”

যিরমিয় 49:5

মুই বেগত্তুন্ খেমতাবলা প্রভু লগেপ্রভু কঙর্, তঅ চেরোকিত্তে বেক্কুনোত্তুন্ মুই তঅ উগুরে অমকদ দর্‌‌‌‌বুগ আনিম। তমারে পত্তিজনরে ধাবেই দিয়্যে অবঅ; ধেই যেইয়্যে মানুচ্চুনোরে এগত্তর্ গুরিবাত্তে কনজন ন-থেবাক্।

যিরমিয় 6:25

তুমি মাদত্ ন-যেয়ো বা পদথ্ ন-আত্য, কিত্তে শত্রুগুনো আঢত্ তলোয়ার আঘে আর চেরোকিত্তেদি রোইয়্যেদে অমকদ দর্।

যিহিষ্কেল 32:10

মুই তঅ উগুরে যিয়েনি গুরিম সিয়েনি দেগিনে ভালোক্কুন্ জাদে আমক্ অবাক্। মুই যেক্কেনে তারা মুজুঙোত্ মঅ লাম্বা ছুরিগান্ ঘুরেম সেক্কে তারার রাজাগুনে দরে গির্‌‌‌‌‌‌‌গিরেবাক। তর্ পতনর দিনোত্ তারার পত্তিজনে তা নিজোর পরাণান দরে আমিযে গির্‌‌‌‌‌‌‌গিরে গির্‌‌‌‌‌‌‌গিরে থেবাক্।

যিহিষ্কেল 39:18

তুমি খেমতাবলা মানুচ্চুনোর য়েরা হেবা আর পিত্‌‌‌‌‌থিমীর শাজন্‌গুরিয়্যেগুনোর লো হেবা; এ মানুচ্চুনে যেন বাশন দেজর্ পক্তামক্তা পাডা ভেড়া, ভেড়া ছঅ, পাডা আর বলদ্।

নহূম 2:8

নীনবীগান এক্কান গদা-ভাঙি যেইয়্যে পুয়োরো ধোক্ক্যেন যিয়েনর পানিগান নিগিলি যার্। তে “থাম, থাম,” কোইনে রঅ ছাড়ের্ মাত্তর্ তা মানুচ্চুনে কনজনে পিজেদি ন-ফিত্তোন্।

নহূম 2:9

তার রূবোগানি লুদো, সোনাগানি লুদো। ইয়েনি বেক্কানি ন-ফুরেইয়্যে; ইয়েনি তার বেক্কানি ধন ভান্ডালর্ ধন-সম্পদ।

সফনিয় 1:14

লগেপ্রভুর সেই দাঙর্ দিন্নো কায়কুরে লুম্মেগি আর যাদিমাদি এজের্। উইয়ো শুনো, লগেপ্রভুর দিনুনোর রবো! সেক্কে যোদ্ধাগুনে পীড়েই রঅ ছাড়িবাক্।