যিরমিয় 46:27 - Chakma Bible

²⁷ “ও মর্ চাগর যাকোব, ন-দোরেচ্; ও ইস্রায়েল, আজা নেইয়্যে ন-ওচ্। মুই দূর্ দেজত্তুন্, বন্দী থেইয়্যে দেজত্তুন্ তরে আর তঅ বংশধরুনোরে ঘেচ্চেকগুরি উদ্ধোর্ গুরিম। যাকোবে আরঅ সুগে-শান্দিয়্যে আর গমেডালে থেবঅ, কনজনে তারে দর্ ন-দেগেবাক্।

যিরমিয় 46:27 Iomraidhean Croise

যিশাইয় 14:3

ও ইস্রায়েল, লগেপ্রভু যেদিন্যে তরে সুলোনি, হাংগামা আর চিৎনপুজ্যে চাগর্ কাদানাত্তুন্ রেহাই দিবো সেদিন্যে তুই বাবিলো রাজার্ বিরুদ্ধে এবাবোত্যে গুরি ঠাট্টা গুরিনে কবে, একবুচ্চ্যে নেতাবো কিবাবোত্যেগুরি শেজ্ ওইয়্যে! তার দর্‌গরেপারা অত্যেচার আর্ নেই।

যিশাইয় 43:1

ও যাকোব, যিবে তরে সৃট্টি গোজ্যে, ও ইস্রায়েল, যিবে তরে বানেয়্যে, সেই লগেপ্রভু ইক্কিনে এ কধাগান কত্তে, “তুই ন-দোরেচ্, কিত্তে মুই তরে উদ্ধোর্ গোজ্যং। মুই তঅ নাঙান্ ধুরিনে ডাক্যং, তুই মর্।

যিশাইয় 43:5

তুই ন-দোরেচ্, কিত্তে মুই তঅ লগে লগে আগং। পূগেদিত্তুন্ মুই তঅ বংশবোরে আনিম আর পজিমেত্তুন্ তরে এগত্তর্ গুরিম।

যিশাইয় 44:1

লগেপ্রভু কত্তে, “ও মঅ চাগর্ যাকোব, মর্ বেঈ লোইয়্যে ইস্রায়েল, তুই ইক্কিনে শুন্।

যিশাইয় 44:2

লগেপ্রভু, যিবে তরে বানেয়্যে, মা পেদত্ দাঙর্ গোজ্যে আর তরে সাহায্য গুরিবো, তে এ কধাগান কোইয়্যে, ‘ও মর্ চাগর্ যাকোব, মর্ বেঈ লোইয়্যে যিশুরূণ, তুই ন-দোরেস্;

যিরমিয় 23:6

তা সময়োত্ যিহূদা রোক্ষ্যে পেবঅ আর ইস্রায়েলে গমেডালে বজত্তি গুরি পারিবো। তারে লগেপ্রভু আমার উদ্ধোর্ গুরিয়্যে বিলিনে ডাকা অবঅ।

যিরমিয় 29:14

তুমি মরে হবর্ পেবা, আর মুই তমারে বন্দী দজাত্তুন্ ফিরেই আনিম। যিদুক্কুন জাদে আর যেদক্কানি জাগা ভিদিরে মুই তমারে ধাবেই দুয়োং সিয়েনত্তুন মুই তমারে এগত্তর্ গুরিম। যে জাগানত্তুন্ মুই তমারে বন্দী গুরি নেযেয়োং মুই সিয়োদোই তরে ফিরেই আনিম। মুই লগেপ্রভু এ কধাগান কঙর্।”

যিরমিয় 32:37

মুই অমকদ বেজার্ আর জ্বোল্‌‌‍জোল্যে আর দর্‌গরেপারা রাগে মুই তারারে যেদক্কানি দেজত্ ধাবেই দুয়োং সিয়েনিত্তুন মুই হামাক্কায় তারারে এগত্তর্ গুরিম। মুই এ জাগাত্ তারারে ফিরেই আনিম আর গমেডালে বজত্তি গুরিবাত্তে দিম্।‌‍‍‍

যিরমিয় 33:16

সে অক্তত্ যিহূদার মানুচ্চুনে উদ্ধোর্ পেবাক্ আর যিরূশালেমর মানুচ্চুনে গমেডালে বজত্তি গুরিবাক্। তারে এ নাঙে ডাগা অবঅ-লগেপ্রভু আমার্ নিদ্দুষিতা।

যিরমিয় 50:19

মাত্তর্ ইস্রায়েলরে মুই তার নিজো চোড়েয়্যে ভূইয়োত্ ফিরেই আনিম আর তে কর্মিল আহ্ বাশন উগুরে চরি বেড়েব; ইফ্রয়িম আর গিলিয়দর মুড়োমুড়িগুনোত্ তার পরানান্ জুড়েব।

যিরমিয় 51:46

যেক্কে নানান্ বাবোত্যে গুজব শুনো যেবঅ সেক্কে আশা ন-আরেয়ো বা ন-দোরেয়ো; এক বজরত্ এক্কান গুজব উদিবো আর অন্য বজরত্ আর এক্কান গুজব উদিবো। সেই গুজব্‌‌‌‌‌‌পান অলঅ, বাবিলোত্ অত্যেচার অর্ আর এক শাজন্‌গুরিয়্যে আর এক শাজন্‌গুরিয়্যের্ বিরুদ্ধে লাক্যে।

যিহিষ্কেল 16:53

যাওক্, মুই সদোম আর তার মিলেগুনোরে, শমরিয়া আর তার মিলেগুনোরে আর তারা লগে লগে তর্‌অ অবস্থা ফিরেম।

যিহিষ্কেল 36:24

মুই জাদ ভিদিরেত্তুন্ তমারে নিগিলেই আনিম; বেক্ দেজ্‌‌‌‌‌‌‌‌‌‌‌‌চানিত্তুন্ মুই তমারে এগত্তর্ গুরিনে তমা নিজো দেজত্ ফিরেই আনিম।

যিহিষ্কেল 39:25

প্রভু লগেপ্রভু আরঅ কোইয়্যেদে, “মুই ইক্কিনে যাকোবরে বন্দীদজাত্তুন্ ফিরেই আনিম আর ইস্রায়েলর বেক্ মানুচ্চুনোরে মেয়্যে গুরিম আরে মঅ নাঙানর্ পবিত্রতাগানত্তে আওজি ওম্।

আমোষ 9:14

বন্দীদজাত্ থেইয়্যে মঅ মানুচ্ ইস্রায়েলীয়গুনোরে মুই ফিরেই আনিম; তারা ভস্ত ওই যেইয়্যে শঅরানি আরঅ বানেবাক্ আর সিয়েনিত্ বজত্তি গুরিবাক্। তারা আংগুর খেত্ গুরিনে আংগুর-রস হেবাক্; তারা বাগান গুরিনে সিয়েনর্ ফলুন হেবাক্।