যিরমিয় 46:22 - Chakma Bible

²² শত্রু সৈন্যগুন যেক্কে উজেই এবাক্ সেক্কে মিসরীয়গুনে সাপ ধোক্ক্যেন খস্ খস্ রঅ গুরিনে ধেই যেবাক্; গাজ্‌‌কাবিয়্যেগুনো ধোক্ক্যেন গুরি শত্রুগুনে কুড়োল্লোই মিসর বিরুদ্ধে এবাক্।

যিরমিয় 46:22 Iomraidhean Croise

গীতসংহিতা 74:5

অবস্তা দেগিনে মনে অলঅ যেন কনজনে ঝাড় গাজ কাবিবাত্যে কুড়োল বাজেয়োন্।

যিশাইয় 10:15

কুড়োলানে কি গাজ্ কাবিয়্যেবো উগুরে নিজোরে তুলে বা আড়াগানে কি গাজ-মিস্ত্রিবো মুজুঙোত্ বড়াই গরে? না, সিয়েন ওই ন-পারে। লুদিক্কো লুদিক্ বলাবোরে চালেই ন-পারে আর মুগোর্‌‌‌‌বো মুগোর্ বলাবোরে ঘুরেই ন-পারে, কিত্তে মুগোর্ বলাবো দঅ তক্তা জিনিস নয়।

যিশাইয় 14:8

এমন্ কি, বেরস আর লেবাননর্ এরস গাজ্‌‌ছোয়ো হুজিয়ে বাবিলোর রাজারে কত্তে, ইক্কিনে তরে মাদিত্ ফেলেই দিয়্যে ওইয়্যে বিলিনে কনঅ দার্‌‌‌বো কাবিয়্যে আর আমারে কাবিবাত্তে ন-এজন্।

যিশাইয় 29:4

তরে তলে লামা অবঅ আর তুই মাদিত্তুন্ কধা কবে; ধূল্যেত্তুন্ লেবেরা-জেবেরা গুরি তঅ কধানি শুনো যেবঅ। ভূদো রঅ ধোক্ক্যেন্ মাদিত্তুন্ তঅ রবো এবঅ; ধূল্যেত্তুন্ তঅ কধানি এক্কেনা এক্কেনা গুরি শুনো যেবঅ।

যিশাইয় 37:24

তুই প্রভুরে টিট্‌‌‌কারি দিইনে আর বাড়্‌বো গুরিনে তঅ চাগরুনোরে কোই পাদেয়োচ্, তর্ বেক রথ্‌‌‌তানিলোই তুই মুড়োগুনোর্ মাঢাত্, লেবাননর্ বেগত্তুন্ অজল্ অজল্ মাঢাগুনোত্ উঠ্যস্, তার বেগত্তুন্ লাম্বা লাম্বা এরস গাজ্‌চুন আর গম্ গম্ বেরস গাজ্‌‌‌চুন্ কাবি ফেল্যস্, তার গভীন ঝারর্ দোল্ জাগায়ানত্ চোম্মোচ্,

যিরমিয় 46:21

মিসরর্ বেতনবলা সৈন্যগুন পক্তা মক্তা গোরু ধোক্ক্যেন্। তারায়ো ফিরিনে একসমারে ধেবাক্; তারা থির্ থেইনে যুদ্ধো ন-গুরিবাক্, কিত্তে তারা উগুরে ভস্ত অবার্ দিন এজের্, তারার সাজা পেবার সময় এচ্চ্যে।

যিরমিয় 46:23

মিসর ঝাড়ানি গভিন্ অলেয়ো তারা সিয়েনি কাবি ফেলেবাক্। তারা পুগ্-যুগত্তুনঅ সোংখ্যেদি বেশ্; তারারে গুণো ন-যায়।

মীখা 1:8

ইয়েনত্তে মুই কানাকুদি আর আবিলেচ্ গুরিম; মুই খালি টেঙে লাংটা ওইনে ঘুরি বেড়েম। মুই শিয়েলর আর পেজা ডগরেদে ধোক্ক্যেন গুরি আবিলেচ্ গুরিম।

মীখা 7:16

জাদ্‌‌‌তুনে বোলী অলেয়ো তঅ কামানি দেগিনে লাজাদোক্। তারা মুয়োত্ আঢ্ দেদোক্ আর কানানি নাঢি রাগাদোক্।

সখরিয় 11:2

ও বেরস গাজ্‌সো আবিলেচ্ গর্, কিত্যেই এরস গাজ্‌সো পড়ি যেইয়্যে। সেরা গাজ্‌চুন ভস্ত ওই যেইয়োন্। ও বাশনর এলোন গাজ্, তুমি আবিলেচ্ গরঅ, কিত্যে গভীন্ ঝারর্ বেক গাজ্‌চুন কাবি ফেলা ওইয়্যে।

যিহোশূয় 9:21

তারা আরঅ‌ কলাক্‌, “তারা বাঁজি থাদোক্‌।” সেনত্তেই গিবিয়োনীয়গুনো পৌইদ্যেনে নেতাগুনোর কধা মজিম তারা ইস্রায়েলীয় সমাজর বেক্‌ মানুচ্চুনোত্তে দার্‌বো কাবিবার আর পানি আনিবার মানুচ্‌ অলাক্‌।