যিরমিয় 46:14 - Chakma Bible

¹⁴ সেই হবরান অলঅ, “তুমি মিসরত্ ফগদাং গরঅ, মিগ্‌দোলত্ ফগদাং গরঅ, নোফ আর তফন্‌হেষত্ ফগদাং গুরিনে কঅ, ‘তুমি জাগা নিইনে থিয়্যেয়ো আর যুক্কোল্ অ, কিত্তে তলোয়ারানে তমা চেরোকিত্তে গজক্ গুরিবো।’

যিরমিয় 46:14 Iomraidhean Croise

২ শমূয়েল 2:26

সেক্কে অব্‌নের যোয়াবরে ডাগিনে কলঅ, “লাম্বা ছুরিগানে কি জিংকানিবর্‌ কাবি কাবি থেবঅ? যেরেন্দি যিয়েনি তিদে ওই উদিবো সিয়েনি কি তুই বুঝি ন-পারর্? কক্কে তুই তঅ মানুচ্চুনোরে তারা ভেইয়ূনোর্‌ পিজেন্দি লড়ানা বন্ধ গুরিবাত্তে উগুম্‌ দিবে?”

যাত্রা 14:2

“তুই ইস্রায়েলীয়গুনোরে কঅ যেনে তারা ঘুরি যেইনেই বড়গাঙ্ আর মিগ্‌দোলর্‌ সংমোধ্যে পী-হহীরোৎ নাঙে জাগান ইধু তারার্‌ তাম্বুলান ফেলান্‌। জাগাগান্‌ বড়্‌গাঙ পারত্‌ বাল্‌-সফোনর মুজুঙেদি।

যিশাইয় 1:20

মাত্তর্ যুনি তুমি বাধ্য অবাত্তে রাজী ন-ওইনে উল্লোমী গরঅ সালে তলোয়ারানে তমারে ভস্ত গুরিবো।” লগেপ্রভু নিজে এ কধাগান কোইয়্যে।

যিশাইয় 19:13

সোয়নর দাঙর্ পোজিশনর্ কামগুরিয়্যেগুনে ভুল্-বেদমা ধোক্ক্যেন ওইয়োন্, আর নোফর নেতাগুনে ঠোক্ক্যন্; মিসরর আজল্ নেতাগুনে মিসরর ভান্ন্যেই পধেদি নেযেয়োন।

যিশাইয় 31:8

লগেপ্রভু কোইয়্যেদে, “মান্‌জ্যর নয় এমন্ এক্কান তলোয়ারত্ আসিরিয়া পুরিবো; সেই তলোয়ারানে তারে গিলিবো। তা মানুচ্চুনে তলোয়ার মুজুঙেত্তুন্ ধেই যেবাক্ আর তারার গাবুজ্যে পুয়োগুনোরে জোর্ গুরিনে খাদা অবঅ।

যিশাইয় 34:6

লগেপ্রভুর তলোয়ারানে লো-লোই গাট্যে; সিয়েন তেল্‌‌লোই নাঢা যেইয়্যে। সেই লো-নি ভেড়া ছাগল ছঅ আর ছাগল লো ধোক্ক্যেন আর তেলানি ভেড়া ছাগল বুগো তেল ধোক্ক্যেন্, কিত্তে লগেপ্রভু বস্রাত এক্কো উৎসর্বর অনুষ্ঠান গুরিবো আর ইদোমত্ ভালোক্কুনোরে কাবি ফেলা অবঅ।

যিরমিয় 12:12

ধূল্যেচর-চাগালার গাজ্‌‌‌বাজ নেইয়্যে মুড়ো উগুরে ভস্ত গুরিয়্যেগুনে এচ্চোন্, কিত্তে লগেপ্রভুর তলোয়ারান দেজর্ এক কিত্তেত্তুন ধুরি অন্য কিত্তেদি সং গিলি ফেল্যে; কনজনে সুগে শান্দিয়্যে নেই।

যিরমিয় 2:16

ইয়েনি বাদেয়ো নোফ আর তফনহেষ শঅরর্ মানুচ্চুনে তঅ মাঢাবো মুড়েই দুয়োন।

যিরমিয় 2:30

মুই তমারে অনত্তক্ সাজা দুয়োং; তুমি শাজনান্ এলাফেলা গোজ্য। পেট্ পুরেত্তে সিংহ ধোক্ক্যেন তমা তলোয়ারানিয়ে তমা ভাববাদীগুনোরে গিলি ফেল্যে।

যিরমিয় 44:1

মিসর দেজত্ যিদুক্কুন যিহূদী মিগ্‌দোল, তফন্‌হেষ, নোফ আর পথ্রোষ চাগালাত্ বজত্তি গুরিদাক্ তারা পৌইদ্যেনে লগেপ্রভুর এ কধাগান যিরমিয় ইধু ফগদাং অলঅ,

যিরমিয় 46:10

মাত্তর্ সেই দিনুন অলঅ বেগত্তুন্ খেমতাবলা প্রভু লগেপ্রভুর দিন। সে দিন্নো অলঅ তা শত্রুগুনো উগুরে হেনা সুজিবার দিন। তলোয়ারর ঈল্ ন-অনা সং, তা লো-গানর্ তিরেস্ ন-পানা সং গ্রাস গরা ধুরিবো; কিত্তে উত্তোরেদি দেজত্, ইউফ্রেটিস গাঙ পাড়ত্ বেগত্তুন্ খেমতাবলা প্রভু লগেপ্রভু উৎসর্বর অনুষ্ঠান গুরিবো।

যিরমিয় 46:19

ও মিসর মানুচ্চুন, তুমি বন্দী ওইনে দূরোত্ যেবাত্তে তমা পযাপিরানি যুক্কোল্ গরঅ, কিত্তে নোফত্ মানুচ্ নেই, পড়ি থেইয়্যে ভূইয়ানি আর ভস্ত ওইয়্যে জাগায়ানি পড়ি থেবঅ।

যিরমিয় 46:2

যোশিয়র পুয়ো যিহূদার রাজা যিহোয়াকীমর রাজাগিরির চের্ বজরত্ বাবিলর রাজা নবূখদ্‌নিৎসরে ইউফ্রেটিস গাঙর্ ইধু কর্কমীশত্ মিসরর রাজা ফরৌণ নখোরে যে সৈন্যদলুনোরে ওদেই দিয়্যে লগেপ্রভু তারা পৌইদ্যেনে কোইয়্যে,

যিহিষ্কেল 21:28

“ও মান্‌জ্যর পুয়োবো‌‌‌, তুই আগাম্ কধা কঅ, অম্মোনীয়গুনো পৌইদ্যেনে আর তারার্ অগমানর্ পৌইদ্যেনে প্রভু লগেপ্রভু কোইয়্যেদে, ‘এক্কান লাম্বাছুরি ধোক্ক্যেন ঝিমিলায়।

যিহিষ্কেল 30:13

“‘মুই নোফর মূত্তিগুন ভস্ত গুরি ফেলেম, তার মূত্তিগুন শেজ্ গুরি দিম। মিসরত্ আর কনঅ শাজন্‌গুরিয়্যে ন-থেবাক্ আর দেজর্ বেক্কানিত্ মুই দর্‌‌‌বুগ্ ফুদেই দিম।

হোশেয় 9:6

যেক্কেনে তারা ভস্ত অইদ্যে আঢত্তুন্ ধেই যেবাক্ সেক্কেনে মিসরে তারারে এগত্তর্ গুরিবো আর মোফ শঅরত্ তারারে গোর্ দিবো। তারার্ তুবেয়্যে রূবো আর তারার্ থেবার ঘরানি হেরপদনা আরি কাদাগাজে ঢাগি ফেলেব।

নহূম 2:13

বেগত্তুন্ খেমতাবলা লগেপ্রভু কোইয়্যেদে, “ও নীনবী, মুই তঅ বিরুদ্ধে; মুই তঅ রথ্‌‌‌তানি পুড়ি ফেলেম, আর লাম্বা ছুরিগানে তর্ বোলা সিংহগুনোরে শেষ্ গুরিবো। মুই তর্ শিগেরত্তে কন কিজু এই পিত্‌থিমীত্ ফেলেই ন-রাগেম‌‌‌। তর্ হবর্ দিয়্যেগুনোর মুয়োর্ রঅগুন্ আর শুনো ন-যেবঅ।”

দ্বি’লম্বর বিররণ 32:42

মারে ফেলেইয়্যে আর বন্দী মানুচ্চুনোর লো হেইয়্যে মর্‌ সেলুনোরে মুই মাত্তল্‌ গুরি তুলিম্‌; মর্‌ তলোয়ারানে য়েরা হেবঅ, লাম্বা-চুলবলাবো শত্রুর মাদাবোর যেরা হেবঅ।”