যিরমিয় 46:10 - Chakma Bible

¹⁰ মাত্তর্ সেই দিনুন অলঅ বেগত্তুন্ খেমতাবলা প্রভু লগেপ্রভুর দিন। সে দিন্নো অলঅ তা শত্রুগুনো উগুরে হেনা সুজিবার দিন। তলোয়ারর ঈল্ ন-অনা সং, তা লো-গানর্ তিরেস্ ন-পানা সং গ্রাস গরা ধুরিবো; কিত্তে উত্তোরেদি দেজত্, ইউফ্রেটিস গাঙ পাড়ত্ বেগত্তুন্ খেমতাবলা প্রভু লগেপ্রভু উৎসর্বর অনুষ্ঠান গুরিবো।

যিরমিয় 46:10 Iomraidhean Croise

২ রাজাবলী 24:7

মিসরর রাজা যুদ্ধো গুরিবাত্তে তা রেজ্যগানত্তুন্‌ আর ন-নিগিলিলো, কিত্তেই বাবিলো রাজা মিসরর শুগুনো গাঙানত্তুন্‌ ইউফ্রেটিস গাঙান্‌ সং পুরো রেজ্যগান্‌ গজক্ গুরি নেযেল।

ইয়োব 24:1

বেগত্তুন খেমতাবলা গোজেনে বিচেরত্তে কিত্যে সময়ান্ ঠিগ্ ন গরে? যিগুনে তারে হবর্ পান তারা কিত্তে সেদিন্যে ন-দেগন?

যিশাইয় 13:6

তুমি দাঙর্ দাঙর্ গুরি কান, কিত্তে লগেপ্রভুর দিন্নো কায়-কুরে এচ্চ্যে; সেদিন্যে খেমতাবলা গোজেনত্তুন্ ভস্তগান্ এবঅ।

যিশাইয় 2:12

বেগত্তুন্ খেমতাবলা লগেপ্রভু অহংকারী আহ্ বাড়্‌বো গোজ্যে মানুচ্চুনোরে আর যিগুনে গম্ পোজিশনত্ আগন্ বেক্কুনোত্তে এক্কো দিন ঠিগ্ গোজ্যে; সেদিন্যে তারারে বেক্কুনোরে তলে ফেলা অবঅ।

যিশাইয় 31:8

লগেপ্রভু কোইয়্যেদে, “মান্‌জ্যর নয় এমন্ এক্কান তলোয়ারত্ আসিরিয়া পুরিবো; সেই তলোয়ারানে তারে গিলিবো। তা মানুচ্চুনে তলোয়ার মুজুঙেত্তুন্ ধেই যেবাক্ আর তারার গাবুজ্যে পুয়োগুনোরে জোর্ গুরিনে খাদা অবঅ।

যিশাইয় 61:2

যেন মুই লগেপ্রভুর দোয়্যে দেগেবার সময়োর কধা আর আমা গোজেনর্ হেনা সুজিবার দিনোর কধা ফগদাং গুরি পারং আর যিগুনে আবিলেচ্ গোজ্যন তারারে বুঝেই পারং;

যিশাইয় 63:4

ইক্কিনে উদ্ধোর্ গুরিবার অক্ত এচ্চ্যে; সেনত্তে মুই হেনা সুজিবার যে অক্তবো ঠিগ্ গোজ্যং সিবেয়ো এচ্চ্যে।

যিরমিয় 12:12

ধূল্যেচর-চাগালার গাজ্‌‌‌বাজ নেইয়্যে মুড়ো উগুরে ভস্ত গুরিয়্যেগুনে এচ্চোন্, কিত্তে লগেপ্রভুর তলোয়ারান দেজর্ এক কিত্তেত্তুন ধুরি অন্য কিত্তেদি সং গিলি ফেল্যে; কনজনে সুগে শান্দিয়্যে নেই।

যিরমিয় 46:14

সেই হবরান অলঅ, “তুমি মিসরত্ ফগদাং গরঅ, মিগ্‌দোলত্ ফগদাং গরঅ, নোফ আর তফন্‌হেষত্ ফগদাং গুরিনে কঅ, ‘তুমি জাগা নিইনে থিয়্যেয়ো আর যুক্কোল্ অ, কিত্তে তলোয়ারানে তমা চেরোকিত্তে গজক্ গুরিবো।’

যিরমিয় 46:2

যোশিয়র পুয়ো যিহূদার রাজা যিহোয়াকীমর রাজাগিরির চের্ বজরত্ বাবিলর রাজা নবূখদ্‌নিৎসরে ইউফ্রেটিস গাঙর্ ইধু কর্কমীশত্ মিসরর রাজা ফরৌণ নখোরে যে সৈন্যদলুনোরে ওদেই দিয়্যে লগেপ্রভু তারা পৌইদ্যেনে কোইয়্যে,

যিরমিয় 46:6

যিগুনে যাদিমাদি ধাবা দি পারন তারায়ো ধেইযেই ন-পাত্তন্; খেমতাবলা গুনেয়ো ধেইযেই ন-পাত্তন্। উত্তোরেদি ইউফ্রেটিস নাঙ ইধু তারা উজোত্ হেইনে পড়ি যেয়োন।

যিরমিয় 50:15

তা বিরুদ্ধে চেরোকিত্তেত্তুন্ যুদ্ধোর্ রঅ ছাড়অ। তে উদিই যানা স্বিগের্ গোজ্যে, তার্ রোক্ষ্যে অনার বেবস্থাগান ভাঙি যেইয়্যে আর তা দেবালান্ ভস্ত ওইয়্যে। লগেপ্রভু সিয়েন উগুরে হেনা সুজের্, তুমিয়ো হেনা সুজো। তে অন্যগুনোরে যেবাবোত্যে গোজ্যে তুমিয়ো তা উগুরে সেবাবোত্যে গরঅ।

যিরমিয় 50:18

সেনত্তে মুই ইস্রায়েলর্ গোজেন বেগত্তুন্ খেমতাবলা লগেপ্রভু আসিরিয়ার রাজারে যেবাবোত্যে সাজা দুয়োং সেবাবোত্যেগুরি বাবিল রাজা আর তা দেজ্‌‌‌চানরে মুই সাজা দিম্।

যিরমিয় 51:6

তুমি বাবিলত্তুন্ ধেই যঅ। তুমি পত্তিজনে নিজো নিজো জিংকানিগানি রোক্ষ্যে গরঅ। তা পাপত্তে তুমি ভস্ত ওই ন-যেয়ো। লগেপ্রভুর হেনা সুজিবার্ অক্ত ওইয়্যে; তার যিয়েন পেবার্ তারে তে সিয়েন দিবো।

যিহিষ্কেল 21:28

“ও মান্‌জ্যর পুয়োবো‌‌‌, তুই আগাম্ কধা কঅ, অম্মোনীয়গুনো পৌইদ্যেনে আর তারার্ অগমানর্ পৌইদ্যেনে প্রভু লগেপ্রভু কোইয়্যেদে, ‘এক্কান লাম্বাছুরি ধোক্ক্যেন ঝিমিলায়।

যোয়েল 1:15

হায়, কি দর্‌‌‌গরেপারা দিন! কিত্যে লগেপ্রভুর দিন কায়কুরে লুম্মেগি; ভস্তগুরিয়্যে দিন ইজেবে সেই দিন্নো বেগত্তুন্ খেমতাবলা গোজেন ইত্তুন্ এজের্।

যোয়েল 2:1

তুমি সিয়োনত্ তূরী বাজঅ, বাজঅ দযার্-সংকেত মঅ সুদ্ধো-সাংগ মুড়োবোত্। দেজত্ বজত্তি গুরিয়্যে বেক্কুনে গির্‌গিরাদোক্, কিত্যে লগেপ্রভুর্ দিন্নো এজের্; সেদিন্নো কায়কুরে লুম্মেগি।

সখরিয় 6:6

কালা ঘোড়ার্ রথ্‌‌তান উত্তোরেদি দেজ ইন্দি যার্, ধুব্ ঘোড়ার্ রথ্‌‌তান পোজিমেদি যার্ আর চিদিরে-বদরা রঙর্ ঘোড়ার্ রথ্‌‌তান যার্ দোগিণেদি।”

লূকে লেখ্যে গম্ হবর্ 21:22

কিয়া এ দিনুন্ অবঅ সাজা পেবার্ দিন, আর ইয়োত্ পবিত্র বোইবোত্ যিয়েনি লেগা আঘে সিয়েনি পূরোণ্ অবঅ।

দ্বি’লম্বর বিররণ 32:42

মারে ফেলেইয়্যে আর বন্দী মানুচ্চুনোর লো হেইয়্যে মর্‌ সেলুনোরে মুই মাত্তল্‌ গুরি তুলিম্‌; মর্‌ তলোয়ারানে য়েরা হেবঅ, লাম্বা-চুলবলাবো শত্রুর মাদাবোর যেরা হেবঅ।”