যিরমিয় 45:4 - Chakma Bible

⁴ “লগেপ্রভু মরে এ কধাগান তরে কবাত্তে কোইয়্যে, ‘মুই লগেপ্রভু সারা দেজ ভিদিরে যিয়েনি বানেয়োং সিয়েনি ভাঙি ফেলেম আর যিয়েনি লাগেয়োং সিয়েনি উগুড়েই ফেলেম।

যিরমিয় 45:4 Iomraidhean Croise

উপদেশক 3:3

মারে ফেলেবার্ সময় আর গম্ গুরিবার সময়, ভাঙি ফেলেবার্ সময় আর বানেবার্ সময়,

যিরমিয় 1:10

চাহ্, উগুরি ফেলেবাত্যে আর ভাঙি ফেলেবাত্তে, ভস্ত আর সর্বনাশ গুরিবাত্তে আর বানেবাত্তে আহ্ থিদেবর্ গুরিবাত্তে এচ্চ্যে মুই তরে জাদ উগুরে আর রেজ্যগানি উগুরে নেযেলুং।”

যিরমিয় 11:17

বেগত্তুন্ খেমতাবলা লগেপ্রভু, যে তারে লাগেয়্যে তেয়ই তার সর্বনাজর্ রায়য়ান দিয়্যে, কিত্তে যিহূদা আর ইস্রায়েলর মানুচ্চুনে ভান্ন্যেই কাম্ গোজ্যন আর বাল দেবেদার নাঙে আগর্‌বাট্টি জ্বালেইনে তার রাগ্‌কান জাগেই তুল্যন্।

যিরমিয় 12:2

তুয়ই তারারে লাগেয়োচ্ আর তারা শিঙোর্ বোজেয়োন; তারা দাঙর্ অন আর তারার গুলোগুলি ধরন। মুয়োদি তারা আমিঝে তঅ কধা কন্ মাত্তর্ তারার মনান তত্তুন দূরোত্ থায়।

যিরমিয় 31:28

মুই যেবাবোত্যেগুরি তারারে উগুড়ে ফেলানা, ভাঙি ফেলানা আর মেলা মারিবাত্যে আর তারা উগুরে ভস্ত আর দজা আনানা ইন্দি খিয়েল্ রাগেয়োং সেবাবোত্যেগুরি তারারে শিগেইনে তুলিবার আর চারা ধোক্ক্যেন লাগেই দেনার্ ইন্দিয়ো খিয়েল্ রাগেম।

আবিলেচ্ 2:6

তে বাগান গাজ ধোক্ক্যেন্‌গুরি তার থেবার জাগায়ানরে উগুরে ফেলেয়্যে; ভস্ত গুরি দিয়্যে তার নিদ্দিষ্ট এগত্তর্ অইদ্যে জাগায়ানরে। লগেপ্রভু সিয়োনরে তার বেক্ পরব্ আর জিরেবার দিন্নো কধানি ভুলেই দিয়্যে; দর্‌গরেপারা রাগে রাজারে আর ধর্মগুরুবোরে তে এলাফেলা গোজ্যে।

হোশেয় 2:14

পরেদি মুই তারে মিদে কধা কোইনে ধূল্যেচর-চাগালাত্ নেযেম আর তা সমারে কোচ্‌পানার কধা কোম।‌‌

দ্বি’লম্বর বিররণ 28:63

যে খুজিলোই লগেপ্রভু তমারে ভালেদি গোজ্যে আর তমার মান্‌জ্যর সোংখ্যে বাড়েই দিয়্যে সেই খুজিলোই সেক্কে তে তমারে ভস্ত গুরিনে শেজ্‌ গুরি দিবো। যে দেজ্‌ছান তুমি গজক্ গুরিবাত্তে যর্‌ সে দেজ্‌ছানত্তুন শিঙোর্‌ সুদ্ধো তমারে তুলি ফেলা অবঅ।