যিরমিয় 44:6 - Chakma Bible

⁶ সেনত্তে মর্ অমকদ রাগ্‌‍‌কান ঢালি দিয়্যে ওইয়্যে; সিয়েন যিহূদার শঅরত্ শঅরত্ আর যিরূশালেমর পধে পধে জুলি উঠ্যে আর সেনত্তে এচ্চ্যে সিয়েনি মানুচ্ নেইয়্যে আর ভস্ত ওই পড়ি আঘে।

যিরমিয় 44:6 Iomraidhean Croise

যিশাইয় 1:7

তমা দেজ্‌ছান ভস্ত ওইনে পড়ি রোইয়্যে, শঅরানি আগুন্দোই পুড়ি দিয়্যে ওইয়্যে। তমার্ বেক্ খেত-খেত্তিগানি তমা চোগো মুজুঙোত্ বিদেশিগুনে লুদেয়োন্; বিদেশিগুনে দেজ্‌ছান ভস্ত ওইয়্যে জাগা গুরি রাগেয়োন।

যিশাইয় 51:17

ও যিরূশালেম, জাগি উঠ্, থিয়্যে। তুই দঅ লগেপ্রভুর আঢত্তুন্ তার রাগর গলচ্চোলোই হেইয়োচ্; মান্‌জ্যে যে গলচ্চোত্তুন্ হেইনে টলে পড়া ধোজ্যন্ সেই গলচ্চো তলা সং তুই লেই লেই হেইয়োচ্।

যিশাইয় 51:20

তঅ পুয়োগুনে অজ্ঞান ওই যেইয়োন্; তারা জালত্ পোজ্যে উরিঙো ধোক্ক্যেন পত্তি পধ মাদাথ্ পড়ি থান্। তারা উগুরে লগেপ্রভুর রাগ্‌কান, তর্ গোজেনর সাজাগান ভর্‌‍পুনোং গুরি লামি এচ্চ্যে।‍

যিশাইয় 6:11

সেক্কে মুই কলুং, “ও প্রভু, আর কয়দিন?” জোবত্ তে কলঅ, “যেদকদিন্ সং শঅরানি ভস্ত ওইনে মানুচ্ নেইয়্যে ন-অন্, ঘরানি খালি ওই ন-যায় আর খেত্-খামারানি ভস্ত আর ছার্‌খার ন-অয়;

যিরমিয় 21:12

‘ও দায়ূদর বংশ, মুই লগেপ্রভু কঙর্, তুমি পত্তিদিন বেন্যেমাদান্ ন্যায়বিচের গুরিবে। যিবেরে লুদো ওইয়্যে তারে তা অত্যেচারির আঢত্তুন্ উদ্ধোর গুরিবে; সিয়েন ন-গুরিলে তমা ভান্ন্যেই কামানিত্তে মঅ রাগ্‌‌কান নিগিলেনেই আগুনো ধোক্ক্যেন জুলিবো, কনজনে সিয়েন মারেই ন-পারিবো।

যিরমিয় 21:5

মর্ খেমতাবলা আঢ্‌তান বাবেই দিইনে মুই অহুজি ওইনে, রাগে অমকদ উবোল্‌পাল্ ওইনে নিজেই তঅ বিরুদ্ধে যুদ্ধো গুরিম।‌

যিরমিয় 34:22

মুই তারারে উগুম দিইনে এ শঅরত্ ফিরেই আনিম। তারা এ শঅর বিরুদ্ধে যুদ্ধো গুরিবাক্ আর সিয়েন গজক্ গুরিনে পুড়ি দিবাক্। মুই যিহূদার শঅরানিরে ভস্ত গুরিনে মানুচ্ নেইয়্যে গুরিম।”

যিরমিয় 36:7

অয়ত তারা লগেপ্রভু ইধু তবনা গুরিবাক্ আর পত্তিজনে তারার ভান্ন্যেই পধত্তুন ফিরিবাক্, কিত্তে এ মানুচ্চুনো বিরুদ্ধে লগেপ্রভু অমকদ অহুজি আর রাগর্ কধা কোইয়্যে।”

যিরমিয় 4:27

লগেপ্রভু কোইয়্যেদে, “পুরো দেজ্‌‌‍চান ভস্ত ওই যেবঅ, যুনিয়ো মুই সিয়েন পুরোপুরি গুরিনে ভস্ত অবাত্তে ন-দিম্।‍

যিরমিয় 4:4

ও যিহূদা আর যিরূশালেমর মানুচ্চুন, লগেপ্রভুর বাধ্য অবাত্তে তমার চুনুগুলোবোর্ মাঢাবোর্ চামান কাবঅ , অত্তাৎ তমা মন ভিদিরে কজরাগানি দূর্ গরঅ; সিয়েন ন-গুরিলে তমা ভান্ন্যেই কামানিত্তে মঅ রাগ্‌কান নিগিলিনে আগুনো ধোক্ক্যেন জুলি উদিবো, কনজনে সিয়েন মারেই ন-পারিবো।‍‌‍

যিরমিয় 42:18

ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, যিগুনে যিরূশালেমত্ বজত্তি গুরিদাক্ তারা উগুরে যেবাবোত্যে মর্ অহুজি আর রাগ্ ঢালি পোজ্যে তুমি মিসরত্ গেলে সেবাবোত্যেগুরি মঅ রাগ্‌কান তমা উগুরেয়ো পুরিবো। তুমি অবা ঠাট্টা আর ঈচ্ গরা হেইয়্যে মানুচ্; তমা অবস্থা দেগিনে মানুচ্চুনে আমক্ অবাক্ আর তমা নাঙানিলোই মান্‌জ্যে অভিশাব্ দিবাক্। তুমি আর কনদিন্‌অ এ জাগায়ান ন-দেগিবা।

যিরমিয় 44:22

তমা ভান্ন্যেই আর জঘন্য কামানি লগেপ্রভু যেক্কে আর সোজ্য গুরি ন-পারিলো সেক্কে তমা দেজ্‌‌‌‌চান মানুচ্ নেইয়্যে, ভস্ত ওইয়্যে জাগা আর ঈচ্ গরে পারা ওই গেলঅ আর সে দেজ নাঙান মানুচ্চুনে অভিশাব্ ইজেবে বেবহার গরন। এজঅ সেবাবোত্যে রোইয়্যে।

যিরমিয় 7:17

তুই কি ন-দেগর্ তারা যিহূদার শঅরানিত্ আর যিরূশালেমর পধে পধে কি গত্তন্?

যিরমিয় 7:20

সেনত্তে প্রভু লগেপ্রভু কোইয়্যেদে, “মর্ বেজার্ অনা আর রাগ এ জাগায়ান উগুরে, মানুচ্ আর এ্যামানুনো উগুরে, মাদর্ গাজপালা আর মাদি উগুরে গুলোগুলি উগুরে ঢালা অবঅ, আর সেই রাগ্‌কান জুলিবো, ন-মুরিবো।”

যিরমিয় 7:34

মুই যিহূদার শঅরানিত্ আর যিহূদার বেক্ পধে পধে হুজি আর ফুত্তির্ রঅ আর নেগ-মোগোর মুয়োর রঅ বন্ধ গুরি দিম, কিত্তে দেজ্‌চান ভস্তর জাগা ওই যেবঅ।” ‌‌‌‍

যিরমিয় 8:3

যিয়েনত্ মুই তারারে দূর্ গুরি দিম সিয়েনত্ এ পাজি জাদ্‌‌তুনোর বাঁজি থেইয়্যে মানুচ্চুনে জিংকানিগানত্তুন্ মরণানরে গম্ পেবাক। এ কধাগান মুই বেগত্তুন খেমতাবলা লগেপ্রভু কঙর্।”

আবিলেচ্ 1:1

হায়! যে শঅরানত্ একদিন মানুজে সয়সাগোজ্যে এলাক্ সিয়েন কিবাবোত্যে গায় গায় পড়ি আঘে। যে শঅরানত্ একদিন জাদ ভিদিরেত্তুন্ নেতা এলঅ, সিয়েন ইক্কিনে রানি মিলে ধোক্ক্যেন ওইয়্যে। যিয়েন এলদে রেজ্যগানির রাণী সিয়েন ইক্কিনে ওইয়্যেদে চাগরানি।

আবিলেচ্ 1:13

তে উগুরেত্তুন্ মঅ আড়্‌গড়াগুনো ভিদিরে আগুন পাদেয়্যে। মঅ টেঙানিত্তে তে জাল বিজেয়্যে আর মরে পিজেদি ফিরদে বাধ্য গোজ্যে। তে মরে মানুচ্ নেইয়্যে গোজ্যে, গদাদিন্নো বল্‌‌‌পোজ্যে গুরি রাগেয়্যে।

আবিলেচ্ 5:18

সিয়োন মুড়োবো মানুচ্ নেইয়্যে ওইনে পড়ি আঘে; শিয়েলুনে তা উগুরে ঘুরি বেড়ান্।

যিহিষ্কেল 20:33

মুই প্রভু লগেপ্রভু মর্ জিংকানির নাঙে কঙর্, মর্ খেমতাবলা আঢ্‌‌‌তানি বাবেইনে রাগে মুই তমা উগুরে রাজাগিরি গুরিম।

যিহিষ্কেল 20:34

মর্ খেমতাবলা আঢ্‌‌‌তানি বাবেইনে রাগে নানান্ জাদ ভিদিরেত্তুন্ মুই তমারে আনিম আর যেদক্কানি দেজত্ তমারে ছিদি দিয়্যে ওইয়্যে সিয়েনিত্তুন্ তমারে এগত্তর্ গুরিম।

যিহিষ্কেল 24:13

“‘ও যিরূশালেম, তর্ ভান্ন্যেই কামান অলঅ তর্ সেই অসিজিগান। মুই তরে কাজেবাত্তে চেট্ট্যা গুরিলুং মাত্তর্ তর্ অসিজিগানত্তুন্ তুই সাব্ ন-অলে। তঅ বিরুদ্ধে মঅ রাগ্‌‌‌‌‌‌‌কান পুরোপুরি ঢালি ন-দেনা সং তুই আর সাব্ ন-অবে।

যিহিষ্কেল 24:8

রাগ্‌ তুলিনে যেনে হেনা সুজো অয় সেনত্তে মুই সেই লো-গান পাত্তর উগুরে রাগেয়োং যেন সিয়েন নাঢা ন-পড়ে।

যিহিষ্কেল 5:13

ইয়েনি গরানার্ পরেদি মর্ অমকদ বেজার্ অনাগান্ থুম্ অবঅ; তারা উগুরে মর্ রাগ্‌‌কান পুরোপুরি ঢালি দেনার পরেদি মুই শান্ত ওম্। সেক্কে তারা হবর্ পেবাক্ যে, মর্ রিবেঙর্ জ্বালায় মুই লগেপ্রভু এই কধানি কোইয়োং।

যিহিষ্কেল 6:12

যে দূরোত্ আঘে তে ভানালোই মুরিবো আর যে কায়-কুরে আঘে তে যুদ্ধোত্ মুরিবো, আর যে বাঁজিবো তে ঘিজ্যে ভিদিরে পড়িনে ভাদরাদে মুরিবো। এবাবোত্যেগুরি মঅ রাগ্‌‌কান মুই তারা উগুরে পুরোপুরি গুরি ঢালি দিম্।

যিহিষ্কেল 8:18

সেনত্তে মুই রাগে জুলি উদিনে তারা সমারে ইয়েনি বেবহার গুরিম; মুই তারারে মেয়্যেলি চোগেদি রিনি ন-চেম্ বা তারারে রেহাই ন-দিম্। তারা মঅ কান্‌‌জাবা কুরে রঅ ছাড়িলেয়ো মুই তারা কধা ন-শুনিম।”

দানিয়েল 9:12

আমার আর আমার শাজন্‌গুরিয়্যেগুনোর্ বিরুদ্ধে তুই যে কধানি কোইয়োচ্ সিয়েনি পূরোণ গুরিবাত্তে তুই আমা উগুরে দাঙর্ দযা আন্যচ্। যিরূশালেম উগুরে যিয়েনি গরা ওইয়্যে গোদা পিত্‌‌‌থিমীত্ আর কনজাগাত্ সেবাবোত্যে গরা ন-অয়।

লেবীয় 26:28

সালে মুইয়ো অমকদ বেজার্ ওইনে তমা বিপক্ষে চলিম আর তমার পাপর্‌ সাতগুন্‌ সাজা দিম।

লেবীয় 26:31

মুই তমার্‌ আদামানি আর শঅরানি আর উবোসনার্‌ ঘরানি শেজ্ গুরি দিম। তমার উৎসর্বর তুম্‌বাজ্‌চান্ মুই গুজি ন-লোম।

নহূম 1:2

লগেপ্রভু এমন গোজেন যিবে তার পাওনা ভোক্তি চায় আর কামফল দে; লগেপ্রভু হেনা সুজে আর তে রাগে গুল্ ওইয়্যে। লগেপ্রভু তা বিপক্ষগুনো উগুরে হেনা সুজে আর তা শত্রুগুনোত্তে তা রাগ্‌‌কান জমা রাগায়।

সখরিয় 1:2

লগপ্রভু সখরিয়রে কলঅ, “তমা পুরোণি মানুচ্চুনো উগুরে মুই অমকদ বেজার্ ওইয়োং।

সখরিয় 1:6

মাত্তর্ মুই মর্ চাগরুনোরে, অত্তাৎ ভাববাদীগুনোরে যেদক্কানি উগুম দুয়োং, মর্ সেই বেক্ কধানি আর সুদোম্ মজিম কি তমা পূরোণি মানুচ্চুনে সাজা ন-পান্? সেক্কে তারা মনানি ফিরেইনে কোইয়োন্দে যে, বেগত্তুন খেমতাবলা লগেপ্রভু তারার্ আচার-বেবহার আর অভ্যেস্ মজিম তারা উগুরে যিয়েনি গুরিবো বিলি ঠিগ্ গোজ্যে তে সিয়েনই গোজ্যে।’ ”

সখরিয় 7:14

মুই নচিন্যে জাদ ভিদিরে তারারে ছিদিই দুয়োং। ইয়েনর্ পরেদি তারা দেজ্‌‌চান এমন মানুচ্ নেইয়্যে ওই পোজ্যন, সিয়েনত্ কনজনে যানা-এযানা ন-গুরিদাক্। এবাবোত্যেগুরি তারা সেই দোল্ দেজ্‌‌চানরে মানুচ্ নেইয়্যে গোজ্যন্।”