যিরমিয় 44:30 - Chakma Bible

³⁰ যিহূদার রাজা সিদিকিয়রে যে শত্রুবো মারে ফেলেবার চেরেস্‌‌‌তা গোজ্যে সে বাবিলর রাজা নবূখদনিৎসর আঢত্ যেবাবোত্যেগুরি মুই তারে তুলি দুয়োং, ঠিগ্ সেবাবোত্যেগুরি মিসরর্ রাজা ফরৌণ হফ্রারেয়ো মুই তার সে শত্রুগুনো আঢত্ তুলি দিম যিগুনে তা পরাণান নেযেবার্ চেরেস্‌‌‌‍তা গোজ্যন্।’ ”

যিরমিয় 44:30 Iomraidhean Croise

যিরমিয় 27:7

যেদকদিন সং তা দেজর্ সময় ন-এজে সেদকদিন সং বেক্ জাদ্‌তুন তার, তা পুয়োগুনোর আর তা নাদিনুনোর চাগর্ অবাক্; সে পরেদি বোউত্ জাদে আর দাঙর্ দাঙর্ রাজাগুনে তারে তারা অধিনোত্ আনিবাক্।‌‍‌‌‌‌‍‍‍

যিরমিয় 34:21

“যে শত্রুগুনে যিহূদার রাজা সিদিকিয় আর তার চাগরুনোরে মারে ফেলেবাত্তে চায় মুই সে শত্রুগুনো আঢত্ তারারে তুলি দিম। বাবিল রাজার যে সৈন্যদলুন তমা কায়-কুরেত্তুন্ যেয়োন্দোই মুই তারা আঢত্ তমারে তুলি দিম।

যিরমিয় 44:29

মুই লগেপ্রভু তমাত্তে এক্কান চিহ্নো দিম্, এ জাগানত্ তমারে সাজা দিম্ যেনে তুমি হবর্ পঅ তমা বিরুদ্ধে মুই যে অমংগলর্ দর্ দেগেয়োং সিয়েন ঠিগ্ থেবঅ। সে চিহ্নোগান অলঅ ইয়েন-

যিহিষ্কেল 30:21

“ও মান্‌‌জ্যর পুয়োবো, মুই মিসরর্ রাজা ফরৌণর আঢ্‌তান ভাঙি দুয়োং। গম্ অবাত্তে সেই আত্ কাবড়লোই বানা ন-অয় যেনে সিয়েন লাম্বা ছুরি ধুরিবাত্তে যগাজ্যেগুরি বল্ পায়। ‌‌

যিহিষ্কেল 31:18

ও ফরৌণ, সয়-সাগোজ্যে আর বাঈনী গরানাগান ইন্দি এদনর্ গাজ্‌চুনো ভিদিরে এক্কোয়ো তর্ সং সং নয়। তো এদনর্ গাজ্‌‌‌‌‌‌চুনো সমারে তরেয়ো পিত্‌‌‌‌‌‌থিমীর গভীনোত্ লামেই দিয়্যে অবঅ; যিগুনে যুদ্ধোত্ মুরি যেইয়োন সেই সু্ন্নত-ন-গোজ্যে মানুচ্চুনো সমারে তুই পড়ি থেবে। মুই প্রভু লগেপ্রভু কঙর্, সেই গাজ্‌‌‌‌‌‌‌চুন অলাক্ ফরৌণ আর তার বেক্ দলুন।