যিরমিয় 44:29 - Chakma Bible

²⁹ মুই লগেপ্রভু তমাত্তে এক্কান চিহ্নো দিম্, এ জাগানত্ তমারে সাজা দিম্ যেনে তুমি হবর্ পঅ তমা বিরুদ্ধে মুই যে অমংগলর্ দর্ দেগেয়োং সিয়েন ঠিগ্ থেবঅ। সে চিহ্নোগান অলঅ ইয়েন-

যিরমিয় 44:29 Iomraidhean Croise

গম্ উপদেজ্ 19:21

মান্‌জ্য মনত্ বোউত্ সল্লা থায়, মাত্তর্ লগেপ্রভু যিয়েন ঠিগ্ গোজ্যে সিয়েনই অবঅ।

যিশাইয় 31:2

মাত্তর্ তার কি কনঅ জ্ঞান নেই? তে দঅ দজা ঘোদেব; তা কধাগান তে ফিরেই ন-নিবো। তে পাজিগুনোর্ বিরুদ্ধে আর তারার সাহায্যগুরিয়্যেগুনোর্ বিরুদ্ধে উদিবো।

যিশাইয় 40:8

ঘাস শুগেই যায় আর ফুল্অ ছিনি পড়ে, মাত্তর্ আমা গোজেনর্ কধা জিংকানিবর্ থেবঅ।”

যিশাইয় 7:11

“তুই তর্ গোজেন লগেপ্রভু ইদু কঅ যেন তে তরে এক্কান চিহ্নো দেগায়-সেই চিহ্নোগান মরন জাগাত্তুন্ ধুরি স্বর্গ সং যে কনঅ জাগাত্ দেগা যেই পারে।”

যিশাইয় 7:14

সেনত্তে প্রভু নিজে তমা ইদু এক্কান চিহ্নো দেগেব। সিয়েন অলঅ, এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।

যিশাইয় 8:18

এইয়্যে চাহ্, মুই আর সেই পুয়োগুন যিগুনোরে লগেপ্রভু মরে দিয়্যে। বেগত্তুন্ খেমতাবলা লগেপ্রভু, যিবে সিয়োন মুড়োবোত্ বজত্তি গরে আমি তার আওজ্ মজিম্ চিহ্নো আর আমক্ অবার্ লক্ষণ ওইয়্যেই।

যিরমিয় 44:30

যিহূদার রাজা সিদিকিয়রে যে শত্রুবো মারে ফেলেবার চেরেস্‌‌‌তা গোজ্যে সে বাবিলর রাজা নবূখদনিৎসর আঢত্ যেবাবোত্যেগুরি মুই তারে তুলি দুয়োং, ঠিগ্ সেবাবোত্যেগুরি মিসরর্ রাজা ফরৌণ হফ্রারেয়ো মুই তার সে শত্রুগুনো আঢত্ তুলি দিম যিগুনে তা পরাণান নেযেবার্ চেরেস্‌‌‌‍তা গোজ্যন্।’ ”

সখরিয় 1:6

মাত্তর্ মুই মর্ চাগরুনোরে, অত্তাৎ ভাববাদীগুনোরে যেদক্কানি উগুম দুয়োং, মর্ সেই বেক্ কধানি আর সুদোম্ মজিম কি তমা পূরোণি মানুচ্চুনে সাজা ন-পান্? সেক্কে তারা মনানি ফিরেইনে কোইয়োন্দে যে, বেগত্তুন খেমতাবলা লগেপ্রভু তারার্ আচার-বেবহার আর অভ্যেস্ মজিম তারা উগুরে যিয়েনি গুরিবো বিলি ঠিগ্ গোজ্যে তে সিয়েনই গোজ্যে।’ ”

১ শমূয়েল 2:34

তর্‌ দ্বিবে পূঅ হফ্‌নি আর পীনহস একই দিনোত্‌ মুরি যেবাক্, আর সিয়েনই অবঅ তত্তে এক্কান চিহ্নো।