যিরমিয় 44:26 - Chakma Bible

²⁶ মাত্তর্ মিসরত্ বজত্তি গুরিয়্যে বেক্ যিহূদীগুন, তুমি লগেপ্রভুর কধানি শুনো। লগেপ্রভু কোইয়্যেদে, ‘মুই মঅ নাঙে শমক্ হেইনে কঙর্, মিসরর্ যে কনঅ জাগাত্ বজত্তি গুরিয়্যে যিহূদার কনঅ মানুচ্ মঅ নাঙে শমক্ হেইনে ন-হবাক্, জেদা লগেপ্রভুর নাঙে কঙর্।

যিরমিয় 44:26 Iomraidhean Croise

গীতসংহিতা 50:16

মাত্তর্ গোজেনে পাজি মানুচ্চুনোরে এ কধাগান কোইয়্যেদে, মর্ রীদি-সুদোমর্ কধা কবার্ বা মর্ সুদোমর কধা মুয়োন্দি আনিবার তর্ কি অধিকার আঘে?

গীতসংহিতা 89:34

মর্ থিদেবর্ গোজ্যে সুদোমান মুই ন-ভাঙিম; মঅ মুয়োনে যিয়েনি কোইয়্যে সিয়েন ন-বোদোলেম্।

যিশাইয় 62:8

লগেপ্রভু তার ডেন্ আঢ্, তার খেমতাবলা আঢ্‌তানিলোই শমক্ হেইনে কোইয়্যেদে, “মুই আর কনদিন্অ তর্ শোজ্যগানি হানা ইজেবে শত্রুগুনোরে ন-দিম্ আর যে আংগুর-রস্‌‌‌‌চানিত্তে তুমি কাম্ গোজ্য সিয়েনি বিদেশীগুনে আর কনদিন্অ ন-হেবাক্।

যিরমিয় 22:5

মাত্তর্ যুনি তুমি এ উগুমানি ন-পালঅ সালে মুই লগেপ্রভু মর্ নিজো নাঙে শমক্ হেইনে কঙর্, এ রাজঘরান ভস্ত ওই যেবঅ।’ ”

যিরমিয় 24:8

“মাত্তর্ এই বজং ডোমোর, যিগুন এদক্ বজং যে, হা ন-যায়, সিগুনো ধোক্ক্যেন গুরি মুই যিহূদার রাজা সিদিকিয়, তার রাজার্ চাগর্ আর যিরূশালেমর যে মানুচ্চুনে দেজত্ রোইয়োন বা মিসরত্ বজত্তি গত্তন তারা লগে ভান্ন্যেই বেবহার গুরিম।

যিরমিয় 4:2

যুনি তুই সত্যলোই, ন্যায়লোই আর সততালোই ‘জেদা লগেপ্রভুর নাঙে’ শমক্ খাচ্, সালে মুই অন্য জাদ্‌তুনোরে বর্ দিম্ আর তারা মরে নিইনে বাঈনী গুরিবাক্।”‌‍‌

যিরমিয় 44:11

“সেনত্তে মুই ইস্রায়েলর গোজেন বেগত্তুন খেমতাবলা লগেপ্রভু ঠিগ্ গোজ্যংগে, তমা উগুরে দজা আনিনে বেক্ যিহূদাগানরে মুই ভস্ত গুরিম।

যিরমিয় 44:14

যিহূদার বাদবাগি যিদুক্কুন মানুচ্ মিসরত্ বজত্তি গুরিবাত্তে যেইয়োন তারা যিহূদা দেজত্ ফিরি এবাত্তে ধেই যেবাত্তে বা বাঁজি থেই ন-পারিবাক্, যুনিয়ো তারা সিয়েনত্ ফিরি এইনে বজত্তি গুরিবাত্তে চেবাক্; তারা ভিদিরে কয়েকজন বাদে আর কনজনে ধেইনে ফিরি এই ন-পারিবাক্।”

যিরমিয় 44:24

সে পরেদি যিরমিয় বেক্ মরদ আর মিলেগুনোরে কলঅ, মিসরত্ বজত্তি গুরিয়্যে যিহূদার বেক্ মানুচ্চুন, তুমি লগেপ্রভুর কধানি শুনো।

যিরমিয় 46:18

যিবে নাঙান্ বেগত্তুন্ খেমতাবলা লগেপ্রভু সেই রাজাবো ফগদাং গোজ্যে, মঅ জিংকানিগানর্ নাঙে কঙর্, এমন এক্কো এবঅ যিবে মুড়োগুনো ভিদিরে তাবোর ধোক্ক্যেন, সাগর ইধু কর্মিল ধোক্ক্যেন।

যিরমিয় 49:13

মুই মর্ নিজো নাঙে শমক্ হাঙর্, বস্রা ভস্ত ওইনে ঈচ্ গরে পারা অবঅ। মানুচ্চুনে তা অবস্থা দেগিনে আমক্ অবাক্ আর তা নাঙান্দোই অভিশাব্ দিবাক্। তার বেক্ আদামানি আর শঅরানি উমরত্তে ভস্ত ওইনে থেবঅ।”

যিরমিয় 5:2

যুনিয়ো তারা হবর্ কন, ‘জেদা লগেপ্রভুর নাঙে,’ তো তারা মিজে গুরিনে শমক্ হান্।”

যিরমিয় 51:14

বেগত্তুন্ খেমতাবলা লগেপ্রভু তার নিজো নাঙে শমক্ হেইনে কোইয়্যেদে, “মুই হামাক্কায় এক ঝাক্ পুগ্-যুগ্ পাল ধোক্ক্যেন মানুচ্ দিইনে তরে ভর্‌‌‌‌‌পুনং গুরিম, আর তারা তঅ উগুরে জিদেনার ডাগনি দিবাক্।”

যিরমিয় 7:9

তুমি দঅ চুর্, খুন, সিনেলি আর মিজে শমক্ খঅ আর বাল দেবেদাগুনো নাঙে আগর্‌বাট্টি জ্বালঅ। ইগুন বাদেয়ো যে দেবেদাগুনোরে তুমি ন-চিনো তুমি তারার পিজেদি যেইনে থাগঅ।

যিহিষ্কেল 20:39

“‘ও ইস্রায়েলীয়গুন,মুই প্রভু লগেপ্রভু কঙর্, যঅ, তুমি পত্তিজনে যেইনে তমা মূত্তিগুনোরে সেবা গরঅ। মাত্তর্ পরেদি মঅ কধা তুমি হামাক্কায় শুনিবা আর সেক্কে তুমি তমার বক্‌‌‌‌‌শিজ্ আর মূত্তিলোই আর মর্ সুদ্ধো-সাংগ নাঙান অসিজি ন-গুরিবা।

হোশেয় 4:15

“ও ইস্রায়েল, তুই যুনিয়ো বেভিচের্ গরর্ তো যিহূদা যেন একই দুষে দুষী ন-অয়। তুমি গিল্‌‌‌‌গলত্ ন-যেইয়ো; বৈৎ-আবনে ইধু ন-যেয়ো; ‘জেদা লগেপ্রভুর নাঙে’ শমক্ ন-গোজ্য।

আমোষ 6:10

সে পরেদি কনঅ কুদুম্মোর্ মরাকিয়্যেনি পুড়িবাত্তে সিয়েনি ঘরত্তুন্ নিগিলিনে নিবাত্তে এবাক্। ঘর ভিদিরে আর কনজন আগন্ কিনা সিয়েনি হবর্ পেবাত্তে তে পুযোর্ গুরিবো, “তুই বাদে আর কনজন আগন্ কি?” সেক্কে সেই ঘর মানুচ্চো কবঅ, “না, নেই।” ইয়োত্ সেই কুদুম্মোবো কবঅ, “জুরো গুরি থাগ্। এন্ কি, লগেপ্রভুর নাঙান্‌অ ন-নিচ্।”

আমোষ 6:8

বেগত্তুন্ খেমতাবলা গোজেন প্রভু লগেপ্রভু নিজো নাঙে শমক্ হেইনে কোইয়্যেদে, “মুই যাকোবর অহংকার আর তার ঘরানি অমকদ ঘিনাং; সেনত্তে মুই তমা শঅরানিত্ আর সিয়েন ভিদিরে বেক্কানি অন্য মান্‌জ্য আঢত্ দি দিম।”

আমোষ 8:7

লগেপ্রভু, যিবে যাকোবর্ বাঈনী গুরিবার, তে শমক্ হেইনে কোইয়্যেদে, “তারা যিয়েনি গোজ্যন সিয়েনি কনদিন্‌অ মুই ভুলি ন-যেইম্।

গণাণা 14:28

লগেপ্রভু মোশি আর হারোণরে কলঅ ইস্রায়েলীয়গুনোরে কবাত্তে, “মর্‌ জীংকানির্‌ দিব্য দিইনে কঙত্তে, মুই লগেপ্রভু তমারে যিয়েন্‌ কদে শুন্যং সেধোক্ক্যেন মুই তমাত্তে গুরিম।

ইব্রীয় 3:18

আর কাইধু বা গোজেনে খাম হেইনে কোইয়্যেদে, তারা তার্ দিয়্যে জিরেবার জাগানত্ যেই ন-পারিবাক্? তারা কি সেই মানুচ্চুন নয় যিগুনে তারে অবিশ্বেজ গুরিনে অমান্য গোজ্জ্যন?

ইব্রীয় 6:13

গোজেনে যেক্কে অব্রাহাম ইধু এগেম্ গোজ্জ্যে সেক্কে তে নিজো নাঙেই শমক্ হেইয়্যে, কিয়া তাত্তুন্ দাঙর্ এন্‌ আর কেঅ নেই যিবের্ নাঙে তে শমক্ খেই পারে।

ইব্রীয় 6:18

গোজেনর্ এগেম্ আর শমথ্‌তান কনদিন্অ ন-বদলায়। গোজেন, যিবের্ পৌইদ্যেনে মিজে মাঢানা সম্ভব নয়, তেয়ই এ এগেমান্ আর শমথ্‌তান গোজ্জ্যে, যেনে আমা মুজুঙোত্ যে আজাগান আঘে সিয়েন গমেডালে ধুরিবাত্যে ধাবা দিবাত্যেই আমি বোউত্ উচ্চোমি পেই।