যিরমিয় 44:2 - Chakma Bible

² মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, মুই যিরূশালেম আর যিহূদার বেক্ আদামানি আর শঅর উগুরে যে অমকদ দজা আন্যং সিয়েনি তুমি দেখ্য। সিয়েনি এচ্চ্যে ভস্ত ওইনে পড়ি আঘে; সিয়েনিত্ কনজনে বজত্তি ন-গরন্।

যিরমিয় 44:2 Iomraidhean Croise

২ রাজাবলী 21:13

শমরিয়ার বিরুদ্ধে যে মাব দুড়িগান্‌ আর আহাব বংশগুনো বিরুদ্ধে যে ওলন দুড়িগান্‌ বেবহার গরা ওইয়্যে সিয়েন্‌ মুই যিরূশালেম বিরুদ্ধে বেবহার গুরিম। যেধোক্ক্যেন গুরিনে একজনে থাল্লো পুজিবাত্তে এপিট ওপিট গরে সেধোক্ক্যেন গুরিনে মুই যিরূশালেমরে বাদ দিম্‌।

যাত্রা 19:4

তারা নিজেই‌ দেখ্যন্‌, মিসরীয়গুনোর্‌ দশা মুই কি গোজ্যং। ঈগল পেগোর্‌ ডুয়োগানিলোই বুয়োই নেযাইদে ধোক্ক্যেন গুরি মুই ইস্রায়েলীয়গুনোরে নিজোর কায়-কুরে আন্যং।

যিশাইয় 24:12

শঅরানি ভস্ত ওইয়্যে কুরো ধোক্ক্যেন পড়ি থেবঅ আর সে গেট্‌‌তো কট্টা কট্টা ওইনে ভাঙি যেবঅ।

যিশাইয় 6:11

সেক্কে মুই কলুং, “ও প্রভু, আর কয়দিন?” জোবত্ তে কলঅ, “যেদকদিন্ সং শঅরানি ভস্ত ওইনে মানুচ্ নেইয়্যে ন-অন্, ঘরানি খালি ওই ন-যায় আর খেত্-খামারানি ভস্ত আর ছার্‌খার ন-অয়;

যিরমিয় 25:11

এ দেজ্‌‌‌চান ভস্তর্ জাগা আর ফেলা যেইয়্যে ভূই ওই যেবঅ আর এ জাদ্‌‌‌তুনে সত্তুর বজর ধুরি বাবিলো রাজার চাগর্ ওই থেবাক্।

যিরমিয় 34:22

মুই তারারে উগুম দিইনে এ শঅরত্ ফিরেই আনিম। তারা এ শঅর বিরুদ্ধে যুদ্ধো গুরিবাক্ আর সিয়েন গজক্ গুরিনে পুড়ি দিবাক্। মুই যিহূদার শঅরানিরে ভস্ত গুরিনে মানুচ্ নেইয়্যে গুরিম।”

যিরমিয় 4:7

এক্কো সিংহ তা ঝুব্‌‍‍পো ছাড়িনে উদি এচ্চ্যে; জাদ্‌তুনোরে ভস্ত গুরিয়্যে একজনে যাহ্ ধোজ্জ্যে। তঅ দেজ্‌চান ভস্ত গুরিবাত্তে তে তা জাগায়ান ছাড়িনে এজের্। তঅ শঅরানি মানুচ্ নেইয়্যে আর ভস্ত ওইনে পড়ি থেবঅ। ‍‍‍‍‍‍‍‍

যিরমিয় 44:22

তমা ভান্ন্যেই আর জঘন্য কামানি লগেপ্রভু যেক্কে আর সোজ্য গুরি ন-পারিলো সেক্কে তমা দেজ্‌‌‌‌চান মানুচ্ নেইয়্যে, ভস্ত ওইয়্যে জাগা আর ঈচ্ গরে পারা ওই গেলঅ আর সে দেজ নাঙান মানুচ্চুনে অভিশাব্ ইজেবে বেবহার গরন। এজঅ সেবাবোত্যে রোইয়্যে।

যিরমিয় 44:23

তুমি আগর্‌বাট্টি জ্বালেয়ো আর লগেপ্রভুর বিরুদ্ধে পাপ গোজ্য; তুমি তা কধানি অমান্য গোজ্য আর তা আইন-কানুন্, সুদোম আর কধানি ন-পালঅ; সেনত্তে এ দজাগান আমা উগুরে এচ্চ্যে। তুমি দঅ সিয়েনি দেগর্।”

যিরমিয় 7:34

মুই যিহূদার শঅরানিত্ আর যিহূদার বেক্ পধে পধে হুজি আর ফুত্তির্ রঅ আর নেগ-মোগোর মুয়োর রঅ বন্ধ গুরি দিম, কিত্তে দেজ্‌চান ভস্তর জাগা ওই যেবঅ।” ‌‌‌‍

যিরমিয় 8:3

যিয়েনত্ মুই তারারে দূর্ গুরি দিম সিয়েনত্ এ পাজি জাদ্‌‌তুনোর বাঁজি থেইয়্যে মানুচ্চুনে জিংকানিগানত্তুন্ মরণানরে গম্ পেবাক। এ কধাগান মুই বেগত্তুন খেমতাবলা লগেপ্রভু কঙর্।”

যিরমিয় 9:11

লগেপ্রভু কোইয়্যেদে, “মুই যিরূশালেমানরে এক্কান ভস্তর কুড়্ আর শিয়েলর থেবার জাগা বানেম। মুই যিহূদার শঅরানিরে এমন ভস্তর জাগা বানেম, সিয়েনত্ আর কনজনে বজত্তি গুরি ন-পারিবাক্।”

আবিলেচ্ 1:1

হায়! যে শঅরানত্ একদিন মানুজে সয়সাগোজ্যে এলাক্ সিয়েন কিবাবোত্যে গায় গায় পড়ি আঘে। যে শঅরানত্ একদিন জাদ ভিদিরেত্তুন্ নেতা এলঅ, সিয়েন ইক্কিনে রানি মিলে ধোক্ক্যেন ওইয়্যে। যিয়েন এলদে রেজ্যগানির রাণী সিয়েন ইক্কিনে ওইয়্যেদে চাগরানি।

আবিলেচ্ 1:16

সেনত্তে মুই কানঙর্, মঅ চোগ্‌কুন পানিয়ে ভাযি যার্। মরে বুঝেবাত্তে মইদু কনজন নেই, কনজন নেই যে মঅ পরাণান জুড়েই দে। মঅ ঝি-পুয়োগুনে গায় গায় ওই যেইয়োন, কিত্তে শত্রুগুনে জিদি যেইয়োন।”

আবিলেচ্ 5:18

সিয়োন মুড়োবো মানুচ্ নেইয়্যে ওইনে পড়ি আঘে; শিয়েলুনে তা উগুরে ঘুরি বেড়ান্।

দানিয়েল 9:12

আমার আর আমার শাজন্‌গুরিয়্যেগুনোর্ বিরুদ্ধে তুই যে কধানি কোইয়োচ্ সিয়েনি পূরোণ গুরিবাত্তে তুই আমা উগুরে দাঙর্ দযা আন্যচ্। যিরূশালেম উগুরে যিয়েনি গরা ওইয়্যে গোদা পিত্‌‌‌থিমীত্ আর কনজাগাত্ সেবাবোত্যে গরা ন-অয়।

লেবীয় 26:31

মুই তমার্‌ আদামানি আর শঅরানি আর উবোসনার্‌ ঘরানি শেজ্ গুরি দিম। তমার উৎসর্বর তুম্‌বাজ্‌চান্ মুই গুজি ন-লোম।

লেবীয় 26:43

বাধ্য ওই দেজ্‌ ছাড়ি যেবার্‌ পরেদি ভস্ত ওইনে পড়ি থেইয়্যে তারার্‌ দেজ্‌চান্‌ তার্‌ পাওনা বেক্‌ জিরেবার্‌-বজরুন্‌ ভোগ গুরি থেবঅ। মর্‌ রীদি-সুদোমানি অগ্রাজ্য আর সুদোমানি ঘিনেনার্‌ কারনে দুজোর্‌ সাজা তারার্‌ পাহ্‌ পুরিবো।

মীখা 3:12

সেনত্তে তমাত্তে সিয়োনরে খেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্, আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।

সখরিয় 1:6

মাত্তর্ মুই মর্ চাগরুনোরে, অত্তাৎ ভাববাদীগুনোরে যেদক্কানি উগুম দুয়োং, মর্ সেই বেক্ কধানি আর সুদোম্ মজিম কি তমা পূরোণি মানুচ্চুনে সাজা ন-পান্? সেক্কে তারা মনানি ফিরেইনে কোইয়োন্দে যে, বেগত্তুন খেমতাবলা লগেপ্রভু তারার্ আচার-বেবহার আর অভ্যেস্ মজিম তারা উগুরে যিয়েনি গুরিবো বিলি ঠিগ্ গোজ্যে তে সিয়েনই গোজ্যে।’ ”

দ্বি’লম্বর বিররণ 29:2

মোশি বেক্‌ ইস্রায়েলীয়গুনোরে ডাগিনে কলদে, লগেপ্রভু মিসর দেজর ফরৌণ আর তা চাগরুনো উগুরে আহ্‌ তার গোদা দেজ্‌ছান উগুরে যিয়েনি গোজ্যে সিয়েনি তুমি নিজেই দেক্কো।

যিহোশূয় 23:3

তমা গোজেন লগেপ্রভু তমাত্তে এ জাত্‌তো উগুরে যিয়েনি গোজ্যে সিয়েনি দঅ‌ তুমি নিজোর্‌ চোগেদি দেক্কো। তমা গোজেন লগেপ্রভু নিজেই তমার্‌ ওইনে যুদ্ধো গোজ্যে।