যিরমিয় 44:16 - Chakma Bible

¹⁶ “তুই লগেপ্রভুর নাঙে যেদক্কানি কধা আমা ইধু কোইয়োচ্ সিয়েনি আমি ন-শুনিবোং।

যিরমিয় 44:16 Iomraidhean Croise

গীতসংহিতা 2:3

তারা কদন্দে, “এজঅ আমি তারার্ শিগোলানি ভাঙি ফেলেই, ছিনি ফেলেই আমা উগুরেত্তুন্ তারার্ বানি রাগেয়্যে ঘিরেগুন।”

যাত্রা 5:2

মাত্তর্‌ ফরৌণে কলঅ, “কন্না আরঅ এই লগেপ্রভু, মুই যে তা উগুম্‌ মানিনে ইস্রায়েলীয়গুনোরে যেবাত্তে দিম? এই লগেপ্রভুরেয়ো মুই ন-চিনোং আর ইস্রায়েলীয়গুনোরেয়ো মুই যেবাত্তে ন-দিম।”

গম্ উপদেজ্ 1:24

মুই যেক্কেনে ডাগিলুং সেক্কেনে তুমি মরে এলাফেলা গুরিলে, আত্ বাবেলেয়ো কনজনে সেক্কে মরে শমক্ ন-দিলে।

যিশাইয় 3:9

তারা মুয়ো চেঙারাগানিয়ে তারা বিরুদ্ধে স্বাক্ষি দে; তারা সদোম ধোক্ক্যেন্ তারার্ পাপ কামানি ফগদাং গরন, ন-ঢাগন্। হায়, সেই মানুচ্চুন! তারা নিজো উগুরে ভস্ত অনাগান্ ডাগি আন্যন্।

যিরমিয় 11:10

তারা তারার সেই পুরোণী মানুচ্চুনোর পাপ ইন্দি ফিরি যেইয়োন যিগুনে মঅ কধানি শুনোদে অস্বিগের্ গোজ্যন। তারা দেব-দেবেদাগুনোরে সেবা গুরিবাত্তে তারা পিজেদি যেইয়োন। তারার্ পুরোণি মানুচ্চুনোত্তে মুই যে সুদোমান থিদেবর্ গোজ্যং সিয়েনি ইস্রায়েল আর যিহূদার মানুচ্চুনে ন-পালান।

যিরমিয় 11:8

মাত্তর্ তারা সিয়েন ন-শুনোন্ বা সিয়েনত্ মনযোগ্‌অ ন-দুয়োন; সিয়েনর বদলে তারা তারার একবুস্যে ভান্ন্যেই মনর্ আওজ্ মজিম চলদন। সেনত্তে যে সুদোমান মুই তারারে পালেবাত্তে কোইয়োং তারা সিয়েন ন-পালান বিলিনে সে সুদোমর কধা মজিম্ মুই তারারে সাজা দুয়োং।”

যিরমিয় 13:10

এ পাজি জাদর্ মানুচ্চুন, যিগুনে মঅ কধাগান শুনিবাত্তে অস্বিগের্ গোজ্যন আর তারা মনর্ একঘেয়েমিলোই চলদন্ আর সেবা আর উবোসনা গুরিবাত্তে দেব-দেবেদার পিজেদি যেইয়োন তারা এ জাংগিবো ধোক্ক্যেন পুরোপুরিভাবে অকেজো অবাক্।

যিরমিয় 18:18

মানুচ্চুনে কলাক্, “আঢ, আমি যিরমিয়র বিরুদ্ধে ফন্দি গুরিই; কিত্তে ধর্মগুরুগুন ইধু রীদি-সুদোমর্ শিক্ষ্যে, জ্ঞানীগুনো ইধু সল্লা আর ভাববাদীগুনো ইধু গোজেনর কধা দঅ আঘে। সেনত্তে এজঅ, আমি আমা মুয়ো কধালোই তারে দুষি গুরিই আর তা কধায় মনযোগ ন-দিই।”

যিরমিয় 38:4

সেক্কে রাজার চাগরুনে রাজারে কলাক্, “এ মানুচ্চোরে মারে ফেলানা উজিত্। যিদুক্কুন সৈন্য আর মানুচ্ এ শঅরত্ আগন্ তে এই কধানি কোইনে তারারে আমক্ গুরি দের্। তে এ মানুচ্চুনোর ভালেদি ন-চেইনে অমংগল চার্।”

যিরমিয় 42:13

মাত্তর্ যুনি তুমি কঅ, আমি দেজত্ ন-থেবং আর এবাবোত্যেগুরি তমা গোজেন লগেপ্রভুর কধা ন-মানঅ,

যিরমিয় 44:24

সে পরেদি যিরমিয় বেক্ মরদ আর মিলেগুনোরে কলঅ, মিসরত্ বজত্তি গুরিয়্যে যিহূদার বেক্ মানুচ্চুন, তুমি লগেপ্রভুর কধানি শুনো।

যিরমিয় 44:25

ইস্রায়েলর গোজেন বেগত্তুন্ খেমতাবলা লগেপ্রভু এ কধাগান কোইয়্যে, তুমি কোইয়্যেদে, আগাজ-রাণী নাঙে আগর্‌বাট্টি জ্বালেবার আর পানীয়-উৎসর্বর অনুষ্ঠান গুরিবার যে শমক্‌কান্ তুমি গোজ্য সিয়েন তুমি হামাক্কায় পালেবা। তমা সে এগেম্ মজিম্ তুমি আর তমা মিলেগুনে কাম্‌‌‌বোই সিয়েনি দেগেয়্যে। “সেনত্তে তুমি যিয়েনি এগেম্ গোজ্য সিয়েনি গরঅ। তমা শমক্কানি রোক্ষ্যে গরঅ।

যিরমিয় 6:16

লগেপ্রভু তা মানুচ্চুনোরে কত্তে, “তুমি চেরান্ পধ মুয়োত্ থিয়্যেইনে রিনি চঅ পুরোণ পধ কধা পুযোর্ গরঅ; গম্ পথ্‌‌তান্ কুদু সিয়েন পুযোর্ গুরিনে সেই পধেদি আঢঅ। সেক্কে তুমি নিজো নিজো মনত্ জিরেন পেবা। মাত্তর্ তুমি কোইয়োদে, ‘আমি সে পধেদি ন-চলিবোং।’

যিরমিয় 8:12

তারা কি তারার সেই জঘন্য কামানিত্তে লাজান্? না, তারার কনঅ লাজ্ নেই; তারা লাজে রাঙা অবাত্তে ন-জানন্। সেনত্তে তারা সিগুনো ভিদিরে পড়িবাক্ যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্। ”

যিরমিয় 8:6

মুই মন দি শুন্যং, তারা ঠিগ্ কধা ন-কন। পাজিগানিত্তুন মনান ফিরেইনে কনজনে ন-কন্দে, হায়, মুই কি গুরিলুং! ঘোড়া যেবাবোত্যেগুরি দাবা যেইনে যুদ্ধোত্ যায় সেবাবোত্যেগুরি পত্তি জনে যার্ যার্ পধেদি চলন্।

দানিয়েল 3:15

ইক্কিনে তুমি যুনি শিংগা, বাশী, হার্‌‌‌‌‌‌‌মোনি, চিগোন-দাঙর্ বীণা, মোড়োলী আর অন্য নানান্ বাবোত্যে বাজানার্ রঅ শুনিনে মাঢা নিগিরি পড়িনে মর্ বানেয়্যে মূত্তিবোরে জু জু জানেবাত্তে যুক্কোল্ থাগঅ সালে দঅ গম্। মাত্তর্ যুনি জু জু ন-জানঅ সালে দোগ্‌দোক্যে আগুনো চুলোত্ সেক্কে তমারে ফেলেই দিয়্যে অবঅ। সেক্কে কন্ দেবেদা মঅ আঢত্তুন্ তমারে উদ্ধোর্ গুরি পারিবো?

লূকে লেখ্যে গম্ হবর্ 19:14

মাত্তর্ তা দেজর্ মানুচ্চুনে তারে ঘিনেদাক্ । ইয়েনত্তে তারা তা পিজেদি মানুচ্ দিপাধেইনে হবর্ দিলাক্, আমি ন-চেই এ মানুচ্চো আমা উগুরে রাজাগিরি গোরোক্।

লূকে লেখ্যে গম্ হবর্ 19:27

মঅ শত্রুগুনে যিগুনে ন-চান্ মুই রাজা অং, তারারে ইধু আন্ আর মঅ মুজুঙোত্ মারে ফেলা।’ ”

১ শমূয়েল 8:19

মাত্তর্‌ মানুচ্চুনে শমূয়েলর এই বেক্‌ কধানি শুনিবাত্তে রাজী ন-অলাক্। তারা কলাক্কে, “না, আমি এক্কো রাজা চেই।