যিরমিয় 44:10 - Chakma Bible

¹⁰ এজঅ সং তুমি নিজোর মনান ভাঙিনে কট্টা কট্টা ন-গরঅ বা মরে ভোক্তিগুরিনে নয়ো দরঅ; তমার বা তমা পুরোণি মানুচ্চুনো ইধু মুই যে রীদি-সুদোমানি দুয়োং সিয়েনিয়ো তুমি ন-পালঅ।

যিরমিয় 44:10 Iomraidhean Croise

১ রাজাবলী 21:29

“তুই কি খিয়েল্‌ গোজ্যস্‌ আহাবে মঅ মুজুঙোত্‌ নিজোরে কি বাবোত্যে চিগোন্‌ গোজ্যে? তে নিজোরে চিগোন্‌ গোজ্যে বিলিনে এ দযাগান্‌ মুই তা জিংকানিত্‌ ন-আনিম্‌, মাত্তর্‌ তা পূঅবো জিংকানিত্‌ তা বংশগুনো উগুরে আনিম্‌।”

২ বংশধর 32:26

সেক্কে হিষ্কিয় তা মনর্‌ বাড়্‌বো গরানার্ কধানি বুঝি পারিনে নিজোরে তলে গুরিলো আর যিরূশালেম মানুচ্চুনেয়ো সেধোক্ক্যেন গুরিলাক্‌। সেনত্তে হিষ্কিয়োর সময়োত্‌ লগেপ্রভুর রাগ্‌কান তারা উগুরে লামি ন-এলঅ।

২ বংশধর 33:12

দজাত্‌ পড়িনে তে তার্‌ গোজেন্‌ লগেপ্রভুর দোয়্যে ভিক্ষ্যে গুরিলো আর তার্‌ পূরোণি মানুচ্চুনোর্‌ গোজেন মুজুঙোত্‌ নিজোরে অমকদ চিগোন্‌ গুরিলো।

২ বংশধর 33:19

তার্‌ তবনাগানর কধানি, তার্‌ কোজোলিগান্দোই গোজেন মনান্‌ নরম অনার্‌ কধাগান, তার্‌ বেক্‌ পাপ্পানি আর অবিশ্বেজর্ কধানি আর তে নিজোরে গোজেন মুজুঙোত্‌ চিগোন্‌ গুরিবার আগেন্দি পূজোর্‌ যেদক্কানি অজল্‌ জাগা বানেয়্যে আর আশেরা-খুদো আরে কাবিনে লেখ্যে মূত্তি থিদেবর্ গোজ্যে সে বেক্‌ কধানি দেগিয়্যেগুনোর্‌ বোইয়োত্‌ লেগা আঘে।

২ বংশধর 34:27

‘এ জাগায়ান্‌ আর তা মানুচ্চুনো বিরুদ্ধে মুই যিয়েনি কোইয়োং সিয়েনি শুনিনে তঅ মনান্‌ সিয়েন্দোই সাড়া দিয়্যে আর মঅ মুজুঙোত্‌ তুই নিজোরে চিগোন্‌ গোজ্যস্‌ আর তঅ পোজাক্কান্‌ ফাদিনে মইদু কানাকুদি গোজ্যস্‌। তুই ইয়েনি গোজ্যস্‌ বিলিনে মুই লগেপ্রভু তর্‌ তবনাগান্‌ শুন্যং।

গীতসংহিতা 34:18

যিগুনোর মনানি ভাঙি যেয়েগোই লগেপ্রভু তারা ইদু থায়; যিগুনোর মনানি ভাঙি যেয়েগোই তে তারারে উদ্ধোর্ গরে।

গীতসংহিতা 51:17

ভাঙিপোজ্যে মনানই গোজেনর মানি লোইয়্যে উৎসর্ব; ও গোজেন, বুযিপোজ্যে (নত আহ্ নম্র) মনানিরে তুই তুচ্ছো ন-গুরিবে।

গীতসংহিতা 78:10

তারা গোজেনর সুদোমানি ন-পালান্, তার সুদোম মজিম আদিবাত্যে তারা অস্বিগের্ গোজ্যন্।

যাত্রা 10:3

মোশি আর হারোণে সেক্কে ফরৌণ ইধু যেইনে কলাক্, “ইব্রীয়গুনোর্‌ গোজেন লগেপ্রভু কত্তে, ‘আর কয়দিন্‌ তুই মঅ মুজুঙোত্‌ মাঢাবো লোঙেবাত্তে অস্বীগের্‌ গুরিবে? মরে তবনা গুরিবাত্যে মঅ মানুচ্চুনোরে যেবাত্তে দে।

যাত্রা 9:17

তুই এজঅ মঅ মানুচ্চুনো বিরুদ্ধে নিজোরে অদে অদে রাগেয়োচ্‌ আর তারারে যেবাত্তে ন-দুয়োর্‌।

যাত্রা 9:30

মাত্তর্‌ মুই হবর্ পাং, তুই আর তঅ কাম্‌ গুরিয়্যেগুনে লগেপ্রভু গোজেনরে এজঅ ন-দোরান্‌।”

গম্ উপদেজ্ 14:16

জ্ঞানি মান্‌জ্যে ভান্ন্যেয়ানরে দোরেইনে সিয়েনত্তুন্ সুরি যান, মাত্তর্ জ্ঞান নেইয়্যে মান্‌জ্যে নিজো উগুরে বেশ্ বিশ্বেজ্ গুরিনে দুঘ্ সাহসী অন।

গম্ উপদেজ্ 16:6

বিশ্বেজ্ আর সততালোই অন্যেয়ানি দূর্ গরা যায়; লগেপ্রভু উগুরে ভোক্তিবলা দরে মান্‌‌জ্যে ভান্ন্যেয়ত্তুন্ সুরি যান।

গম্ উপদেজ্ 28:14

যে মানুচ্চো অন্যেয় গুরিবাত্তে নিত্য দরায় তে বর্ পেইয়্যে, মাত্তর্ যে তার মনানরে চিৎ ন-পুজ্যে গরে আর অন্যেয় গুরিবাত্তে ন-দরায় তে দজাত্ পড়ে।

গম্ উপদেজ্ 8:13

লগেপ্রভুরে ভোক্তি গুরিনে দরানা মানে পাজি কামানিরে ঘিনেনা; বার্‌বো গরানা, বার্‌বো কধা, বজং বেবহার আর বেঙা টেরা কধানি মুই ঘিনেং।

যিশাইয় 42:24

যাকোবরে কন্না লুদো হেবাত্তে দিয়্যে? আর ইস্রায়েলরে কন্না লুদেয়্যেগুনো আঢত্ তুলি দিয়্যে? তে কি লগেপ্রভু নয়, যিবের্ বিরুদ্ধে আমি পাপ গোজ্যেই? তারা তা পধেদি চলিবাত্তে ন-চান্, তা উগুমান্ ন-পালান্।

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যিশাইয় 66:2

ইয়েনি বেক্কানি মুই নিজো আঢে বানেয়োং আর সেনত্তে ইয়েনি ওইয়্যে। যে মানুচ্চো নম্র, যিবের্ মনান্ ভাঙিনে চুর্‌‌মার্ ওইয়্যে আর যে মঅ কধালোই গির্‌‌‌গিরেই তারে মুই গম্ চোগেদি চেম্।

যিরমিয় 10:7

ও জাদ্‌তুনোর রাজাবো, তরে কন্না ভোক্তি গুরিনে ন-দোরেব? ইয়েন দঅ তর্ পাওনা। জাদ্‌তুনোর বেক্ জ্ঞানী মানুচ্চুনো ভিদিরে আর তারার বেক্ রেজ্যগানি ভিদিরে কনজনে তঅ ধোক্ক্যেন নয়।‌‍‌‍‍‌‍‌‍‍

যিরমিয় 26:4

তুই তারারে এ কধাগান কবে, লগেপ্রভু কোইয়্যেদে, ‘তুমি এদকদিন মঅ কধা ন-শুনো আর তমা মুজুঙোত্ মুই যে সুদোমানি রাগেয়োং সিয়েনি ন-পালঅ;

যিরমিয় 32:23

তারা এইনে সিয়েন গজক্ গোজ্যন্, মাত্তর্ তারা তঅ কধা ন-শুনোন্ আর তর্ সুদোম্ মজিম ন-চলন্; তুই যিয়েনি গুরিবাত্তে তারারে উগুম দুয়োচ্ সিয়েনি কিচ্চু তারা ন-গরন। সেনত্তে এ দজানি তুই তারা উগুরে আন্যচ্।

যিরমিয় 36:24

রাজা আর তার যিদুক্কুন মান্‌জ্যে সে কধানি শুনিলাক্ তারা নয়ো দোরেলাক্ বা তারার কাবড়ানিয়ো ন-ফাদিলাক্।

যিরমিয় 44:23

তুমি আগর্‌বাট্টি জ্বালেয়ো আর লগেপ্রভুর বিরুদ্ধে পাপ গোজ্য; তুমি তা কধানি অমান্য গোজ্য আর তা আইন-কানুন্, সুদোম আর কধানি ন-পালঅ; সেনত্তে এ দজাগান আমা উগুরে এচ্চ্যে। তুমি দঅ সিয়েনি দেগর্।”

যিরমিয় 5:3

ও লগেপ্রভু, তুই কি সত্যগান দেগিবাত্তে ন-চাজ্? তুই তারারে আঘাত্ গুরিলেয়ো তারা পিড়ে ন-পান; তুই তারারে গুড়ি গুরিলেয়ো তারা সংশোধনান্ এলাফেলা গোজ্যন্। তারার মুয়োনি তারা পাত্তরত্তুন্‌অ বেশ্ দর গুরিনে মনান ফিরেদে অস্বিগের্ গোজ্যন।

যিরমিয় 6:15

তারা কি তারার সেই জঘন্য কামানিত্তে লাজ্ ন-পান? না, তারার কনঅ লাজ্ নেই; তারা লাজে রাঙা ওই ন-জানন্। সেনত্তে তারা সিগুনো ভিদিরে পড়িবাক্ যিগুনে যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্।”

যিরমিয় 8:12

তারা কি তারার সেই জঘন্য কামানিত্তে লাজান্? না, তারার কনঅ লাজ্ নেই; তারা লাজে রাঙা অবাত্তে ন-জানন্। সেনত্তে তারা সিগুনো ভিদিরে পড়িবাক্ যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্। ”

যিহিষ্কেল 9:4

তে তারে কলঅ, “তুই যিরূশালেম শঅরান ভিদিরেদি যাহ্ আর সিয়েন ভিদিরে যেদক্কানি জঘন্য কাম গরা ওইয়্যে সেনত্তে যিগুনে ভঅ নিজেস্ ফেলেইনে ফবাদন্ তারা কবালত্ এক্কান গুরি চিহ্নো দুয়ো।”

মালাখি 4:2

মাত্তর্ তুমি যিগুনে মরে ভোক্তি গুরিনে দরঅ তমা উগুরে ন্যায়র্ বেলান্ উদিবো যিবের্ ছদগত্ থেবদে গম্ থানা। তুমি নিগিলিনে গোরু ঘরত্তুন্ ছাড়া পেইয়্যে গোরু ছঅ ধোক্ক্যেন পাল্ল্যেবা।

মথি লেখ্যে গম্ হবর্ 27:54

যেক্কেনে আর্মি অফিসার আর তা সমারে সৈন্যগুনে যীশুরে চুগি দেদন্ তারা ভূজোল্ আর অন্য বেক্ ঘটনাগানি দেগিনে জদবদে দোরেইনে কলাক্, “ঘেচ্চেকগুরি তে গোজেনর্ পুয়ো এলঅ।”

লূকে লেখ্যে গম্ হবর্ 23:40

সেক্কে অন্য মানুচ্চো তারে গেইল্‌ দিইনে কলঅ, “তুই কি গোজেনরে ন-দরাচ্? তুই দঅ এক্কুই সাজা পর্।

রোমীয় 11:20

ভারী গম্। মাত্তর্ তারারে ভাঙি ফেলা ওইয়্যে তারার্ অবিশ্বেজর্ কারনে আর তুই সিয়েনত্ উদ্ধোর্ ওই আঘচ্ তর্ বিশ্বেজত্তে। ইয়েনত্ বার্‌বো ন-গুরিচ্ বরং ভোক্তি গুরিনে দোরেচ্,

১ পিতর 5:6

সেনত্যে গোজেন খেমতার্ মুজুঙোত্ নিজোরে তলে গরঅ, যেন ঠিগ্ সময়োত্ তমারে অজল্ গরে।

ফগদাং পেইয়্যে 15:4

প্রভু, কন্না বা তরে ন-দোরেব? কন্না বা তর্ নাঙানর্ বাঈনী ন-গুরিবো? বানা তুয়ই দঅ পবিত্র। বেক্‌ জাদ্‌তুনে তইধু এবাক্, বেক্কুনে তর্ উবোসনা গুরিবাক্; কিয়া তর্ ন্যায় বিচেরানি ফগদাং ওইয়্যে।”