যিরমিয় 43:9 - Chakma Bible

⁹ “তুই কয়ক্কো দাঙর্ দাঙর্ পাত্তর্‌‌‌লোই তফন্‌হেষত ফরৌনর রাজঘরত্ সোমেবার পথ্‌‌‌‍তানত্ ইট্‌‌‌‍তোই বানেয়্যে উদোনর মাদি তলে যিহূদীগুনো চোগো মুজুঙোত্ সিগুন লুগেই থঅ।

যিরমিয় 43:9 Iomraidhean Croise

২ শমূয়েল 12:31

তে শঅরর্‌ মানুচ্চুনোরে নিগিলেই আনিলো আর আরা, লুয়োর্‌ খন্দা আর কুড়োল্‌লোই তারারে কাম্ বাজেই দিলো। তে তারারে ইট বানাইদে কামত্‌ লাগেল। অম্মোনীয়গুনোর বেক্‌ শঅরানিত্‌ তে সিয়েনি গুরিলো। ইয়েনর্ পরেন্দি দায়ূদে তার্‌ বেক্‌ সৈন্যদলুন লোইনে যিরূশালেমত্‌ ফিরি গেলঅ।

যাত্রা 1:14

খেদর্ অন্য বেক্‌ কামানি সমারে তারা সিগুনো উগুরে সিবিদি আর ইট্‌দলা বুয়োনা অমকদ দুগোর্‌ কামানিয়ো জোর্ গুরি দিলাক্ আর তারার জিংকানিগানি তিদে গুরি দিলাক্। এদক্কানি দুগোর্‌ কাম্‌ খাদেবাত্তে যেইনে মিসরীয়গুনে তারা উগুরে অমকদ চিৎ-নপুজ্যে বেবহার গুরিদাক্।

যিরমিয় 25:19

এ বাদেয়ো মুই সিয়েন হাবেলুং মিসরর্ রাজা ফরৌণ আর তার রাজকর্মচারীগুনোরে, তা দেজর্ নেতাগুনোরে আর তার্ বেক মানুচ্চুনোরে;

যিরমিয় 43:10

সে পরেদি তারারে কঅ, ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, ‘মুই মঅ চাগর্ বাবিল রাজা নবূখদ্‌নিৎসররে ডাগি আনিম আর যে পাত্তরুন্ মুই ইয়েনত্ লুগেই রাগেয়োং সিগুনো উগুরে তা সিংহাসনান্ বোজেম; তে সিয়েন উগুরে তা রাজ-চাদরান বিজেব।

যিরমিয় 43:8

তফন্‌হেষত লগেপ্রভু যিরমিয়রে কোইয়্যেদে,

যিরমিয় 44:30

যিহূদার রাজা সিদিকিয়রে যে শত্রুবো মারে ফেলেবার চেরেস্‌‌‌তা গোজ্যে সে বাবিলর রাজা নবূখদনিৎসর আঢত্ যেবাবোত্যেগুরি মুই তারে তুলি দুয়োং, ঠিগ্ সেবাবোত্যেগুরি মিসরর্ রাজা ফরৌণ হফ্রারেয়ো মুই তার সে শত্রুগুনো আঢত্ তুলি দিম যিগুনে তা পরাণান নেযেবার্ চেরেস্‌‌‌‍তা গোজ্যন্।’ ”

যিহিষ্কেল 4:1

তে মরে আরঅ কলঅ, ও মান্‌‌জ্যর পুয়বো, তুই ইক্কিনে এক্কো মাদির্ আরুগ্ নিইনে তঅ মুজুঙোত্ রাগা আর সিবে উগুরে যিরূশালেম শঅরর্ ফোটুবো ছাবা।

হোশেয় 12:10

মুই ভাববাদীগুনো ইধু কধা কোইয়োং, তারারে বোউত্ দর্শন দুয়োং আর তারা ভিদিরেদি রূপক অত্তে বোউত্ কধা কোইয়োং।”

নহূম 3:14

তুই ঘিরিবার সময়ানত্তে পানি তুলি রাগা, তর্ তাম্বুলানি দরমর গর্। মাদিগান দুলিনে মল্; চিবিদি আর বালু মিজে আর ইট্‌তোই কুড়্ বানা।

প্রেরিত্‌ 21:11

তে আমা ইধু এইনে পৌলর্ কমর্-বিজোনিগান্ খুলি নেযেল আর সিয়েন্দোই নিজো আঢ্-টেঙানি বানিইনে কলঅ, পবিত্র আত্মাগানে কোইয়্যেদে, যিরূশালেমর্ যিহূদীগুন এই কমর্-বিজোনির্ গিরোজ্‌সোরে এবাবোত্যেগুরি বানিবা আর অযিহূদীগুনো আঢত্ দিবা।

ফগদাং পেইয়্যে 18:21

যেরেদি এক্কো বোলী স্বর্গদূতে দাঙর্ এক্কো পাত্তর্ লোইনে সাগরত্ ফেলেই দিইনে কলঅ, “এবাবোত্যেগুরি সেই নাঙ্-গোজ্জ্যে বাবিল শঅরানরে ফেলেই দিয়্যে অবঅ। তারে আর কনদিনঅ পাহ্ ন-যেবঅ।