যিরমিয় 43:7 - Chakma Bible

⁷ এবাবোত্যেগুরি তারা লগেপ্রভুর অবাধ্য ওইনে মিসরত্ সোমেলাক্ আর তফন্‌হেষ সং গেলাক্।

যিরমিয় 43:7 Iomraidhean Croise

২ রাজাবলী 25:26

সেক্কে বাবিলীয়গুনোর দরে যিহূদার চিগোন-দাঙর্‌ বেক্‌ মানুচ্চুনে আর সেনাপতিগুনে মিসরত্‌ ধেই গেলাক্‌।

২ বংশধর 25:16

ভাববাদীবোর্‌ কধাগান থুম্‌ অদে ন-অদে রাজা তারে কলঅ, “আমি কি রাজারে শল্লা দিয়্যে ইজেবে তরে নেযেয়্যেই? তুই মঅ অ, নলে তরে মারে ফেলা অবঅ।” সেক্কে সে ভাববাদীবো মঅ অলঅ, তো কলে, “মুই হবর্‌ পাং, তুই এ কামান্‌ গোজ্যস্‌ আর মঅ শল্লাগান্‌ কান ন-পাদচ্‌ বিলিনে গোজেনে তরে ভস্ত গুরিবাত্তে ঠিগ্‌ গোজ্যে।”

যিশাইয় 30:2

তারা মঅ লগে সল্লা ন-গুরিনে মিসরত্ যান; তারা সাহায্যত্তে ফরৌণর আশ্রয় চান্ আর মিসরর্ ছাবাগানত্ আশ্রয় লোই পারন্।

যিশাইয় 30:4

যুনিয়ো সোয়নত্ তারার দাঙর্ পোজিশন মানুচ্ আগন্ আর তারা দূত্‌তুনে হানেষত্ লুম্মোন,‍

যিরমিয় 2:16

ইয়েনি বাদেয়ো নোফ আর তফনহেষ শঅরর্ মানুচ্চুনে তঅ মাঢাবো মুড়েই দুয়োন।

যিরমিয় 41:17

তারা মিসরত্ যেবার পদথ্ বৈৎলেহম ইধু গেরুৎ কিম্‌হমত্ কয়েক দিনোত্তে থেলাক্।

যিরমিয় 42:21

মুই এইচ্চ্যে সিয়েনি তমারে কলুং মাত্তর্ যেদক্কানি পৌইদ্যেনে কবাত্তে তমা গোজেন লগেপ্রভু মরে তমা ইধু পাদেয়্যে সিয়েনি তুমি এজঅ ন-পালঅ।

যিরমিয় 44:1

মিসর দেজত্ যিদুক্কুন যিহূদী মিগ্‌দোল, তফন্‌হেষ, নোফ আর পথ্রোষ চাগালাত্ বজত্তি গুরিদাক্ তারা পৌইদ্যেনে লগেপ্রভুর এ কধাগান যিরমিয় ইধু ফগদাং অলঅ,

যিরমিয় 44:24

সে পরেদি যিরমিয় বেক্ মরদ আর মিলেগুনোরে কলঅ, মিসরত্ বজত্তি গুরিয়্যে যিহূদার বেক্ মানুচ্চুন, তুমি লগেপ্রভুর কধানি শুনো।

যিরমিয় 46:14

সেই হবরান অলঅ, “তুমি মিসরত্ ফগদাং গরঅ, মিগ্‌দোলত্ ফগদাং গরঅ, নোফ আর তফন্‌হেষত্ ফগদাং গুরিনে কঅ, ‘তুমি জাগা নিইনে থিয়্যেয়ো আর যুক্কোল্ অ, কিত্তে তলোয়ারানে তমা চেরোকিত্তে গজক্ গুরিবো।’

যিহিষ্কেল 30:18

মুই যেক্কেনে মিসরর জুঙোলান্ ভাঙি ফেলেম সেক্কে তফন্‌হেষত্ দিনোত্ আন্ধার্ লামি এবঅ; সিয়েনত্ তার খেমতার বাড়্ গরানায়ো শেজ্ ওই যেবঅ। তে মেঘে নাঢা যেবঅ আর তার আদামানির মানুচ্চুন বন্দীদজাত্ যেবাক্।