যিরমিয় 43:3 - Chakma Bible

³ মাত্তর্ নেরিয়ের পুয়ো বারূকে আমা বিরুদ্ধে তরে রাগ্ তুলি দের্ যেনে বাবিলীয়গুনো আঢত্ আমারে তুলি দিয়্যে যায় আর তারা আমারে মারে ফেলান্ বা বন্দী গুরি বাবিলোত্ নেযান।”

যিরমিয় 43:3 Iomraidhean Croise

গীতসংহিতা 109:4

মঅ কোচ্‌পানার বদলে তারা মঅ বিরুদ্ধে শত্রুতা গরন্, মাত্তর্ মুই তবনা গুরি গুরি থাং।

যিরমিয় 32:12

সে পরেদি মুই মঅ কাক্কার্ পুয়ো হনমেলর মুজুঙোত্ আর যে সাক্ষীগুনে দলিলোত্ সই গোজ্যন্ তারার আর চুগিদারুনোর উদোনত্ বোস্যে বেক যিহূদীগুনো মুজুঙোত্ সেই দলিলান নেরিয়র পুয়ো বারূকরে দিলুং। এই নেরিয় মহসেয়র পুয়ো।

যিরমিয় 36:10

সেক্কে লগেপ্রভুর ঘর নূয়ো গেট্টো ইধু উগুরে উদোনত্ শাফনর পুয়ো গমরিয় লিগিয়্যেবোর ঘুদিবোত্ থিয়্যেইনে বারূকে সে বোইবোত্তুন্ যিরমিয়র কধানি বেক মানুচ্চুনো মুজুঙোত্ পড়িলো।

যিরমিয় 36:26

সিয়েনর বদলে তে লিগিয়্যে বারূক আর ভাববাদী যিরমিয়রে ধুরি আনিবাত্তে রাজার পুয়ো যিরহমেল, অস্রীয়েলর পুয়ো সরায় আর অব্দিয়্যেলর পুয়ো শেলিমিয়রে উগুম দিলো। মাত্তর্ লগেপ্রভু তারারে লুগেই রাগেল।

যিরমিয় 36:4

সেক্কে যিরমিয় নেরিয়র পুয়ো বারূকরে ডাগিলো আর লগেপ্রভু যিরমিয়রে যেদক্কানি কধা কোইয়্যে সিয়েনি তা মুয়োত্তুন্ শুনিনে বারূকে ভাজ্ গুরি রাগেয়্যে সেই বোইবোত্ লিগিলো।

যিরমিয় 38:4

সেক্কে রাজার চাগরুনে রাজারে কলাক্, “এ মানুচ্চোরে মারে ফেলানা উজিত্। যিদুক্কুন সৈন্য আর মানুচ্ এ শঅরত্ আগন্ তে এই কধানি কোইনে তারারে আমক্ গুরি দের্। তে এ মানুচ্চুনোর ভালেদি ন-চেইনে অমংগল চার্।”

যিরমিয় 41:18

তারা বাবিলীয়গুনোর দরে যিহূদাত্তুন্ ধেই যাদন, কিত্তে ইশ্মায়েলে বাবিল রাজার বানেয়্যে শাজন্‌গুরিয়্যে গদলিয়রে মারে ফেলেয়্যে।

যিরমিয় 43:6

ইগুনে সেবাবোত্যে মরদ, মিলে, ঝি-পুয়ো আর রাজার ঝি, যিগুনোরে রাজার রোক্ষ্যেদলর সেনাপতি নবূষরদনে গদলিয় আঢত্ থোই যেইয়্যে এলাক্। ইগুনো সমারে ভাববাদী যিরমিয় আর বারূকরেয়ো নেযা অলঅ।

লূকে লেখ্যে গম্ হবর্ 6:26

অভিশাব্ পোড়োক্ তমার্, যেক্কে বেক্ মানুচ্চুনে তমারে বাঈনী গরন্। এই বেক্ মানুচ্চুনোর পুরোণি মানুচ্চুনে ফক্কর্ ভাববাদীগুনোরেয়ো বাঈনী গুরিদাক্।