যিরমিয় 43:10 - Chakma Bible

¹⁰ সে পরেদি তারারে কঅ, ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, ‘মুই মঅ চাগর্ বাবিল রাজা নবূখদ্‌নিৎসররে ডাগি আনিম আর যে পাত্তরুন্ মুই ইয়েনত্ লুগেই রাগেয়োং সিগুনো উগুরে তা সিংহাসনান্ বোজেম; তে সিয়েন উগুরে তা রাজ-চাদরান বিজেব।

যিরমিয় 43:10 Iomraidhean Croise

১ রাজাবলী 20:12

বিন্‌হদদর ইদু এ হবরান্‌ যেক্কে লুমিলো সেক্কে তে আর অন্য রাজাগুনে তারার্‌ তাম্বুলানিত্‌ মদ হাদন্‌। তে তা মানুচ্চুনোরে উঘুম্‌ দিলো, “আক্রমণ গুরিবাত্তে তুমি যুক্কোল্‌ অ।” সেনত্তে তারা শঅরান্‌ আক্রমণ গুরিবাত্তে যুক্কোল্‌ অলাক্‌।

১ রাজাবলী 20:16

তারা দ্বিবুজ্যে অক্তত্‌ নিগিলিলাক্‌। নানান্‌ চাগালাত্‌ শাজন্‌গুরিয়্যেগুনোর্‌ সে গাবুজ্যে সৈন্যগুনে পৌইল্যা যাহ্ ধুরিলাক্‌। ইন্দি বিন্‌হদদ আর তা লগে আগন্দে বত্রিশজন রাজা তারার্‌ তাম্বুলো ভিদিরে মাত্তল্‌ অনার্‌ পরেন্দিয়ো মদ হাদন্‌। সে অক্তত্‌ বিন্‌হদদে তোগেবাত্তে মানুচ্‌ পাধেই দিলে তারা তারে হবর্ দিলাক্‌, “শমরিয়াত্তুন্‌ মানুচ্চুনে উজেই এজদন্‌।”

গীতসংহিতা 18:11

তে আন্ধারলোই নিজোরে ঘিরিলো; তা চেরোকিত্তে থেলদে আগাজর্ ঘুর্‌গুজ্যে ঝড় মেঘ।

গীতসংহিতা 27:5

কিত্যে দযার্ দিনোত্ তার্ সেই আশ্রয়লোই তে মরে গমেডালে রাগেব, তার্ সে তাম্বুলানত্ মরে লুগেই রাগেব, আর মুড়ো উগুরে মরে তুলি রাগেব।

গীতসংহিতা 31:20

তুই তারারে তর্ চোগো আন্দলত্ রাগেইনে মান্‌জ্যর্ কুজুরোমিত্তুন্ লুগেই রাগা; কোল্-কোজ্যেত্তুন্ তর্ আশ্রয়লোই তারারে সোরেই রাগা।

যিশাইয় 44:28

মুই কোরস পৌইদ্যেনে কঙর্, তে মর্ গরক্; মুই যেনে হুজি অং তে সিয়েনি বেক্কানি গুরিবো। তে যিরূশালেম পৌইদ্যেনে কবঅ, ‘সিয়েন আরঅ বানা ওক্,’ আর উবোসনা-ঘরান পৌইদ্যেনে কবঅ, ‘সিয়েনর্ গড়াগান্ থিদেবর্ গরা ওক্।’ ”

যিশাইয় 45:1

লগেপ্রভু তার অভিষেগ্ গোজ্যে মানুচ্ কোরস পৌইদ্যেনে কত্তে, “তা মুজুঙোত্ জাদ্‌তুনোরে দোঙেবাত্তে আর রাজাগুনোরে বল্‌পোজ্যে গুরিবাত্তে মুই তার ডেন্ আঢ্‌‌তান ধোজ্যং। মুই তা মুজুঙোত্ দোরানি খুলি দিম্ যেনে গেট্‌‌‌‌তুন বন্ধ ন-থান্।”

যিরমিয় 1:15

মুই উত্তোরেদি রেজ্যগানির বেক্ জাদ্‌তুনোরে ডাগঙর্।” যিরূশালেমর গেট্‌‌‌‌তুনোত্ সোমেবার পধত্ রাজাগুনে এইনে তারার সিংহাসনান বোজেবাক্। তারা সিয়েনর চেরোকিত্তে দেবালানি আর যিহূদার বেক্ শঅরানি ঘিরিবাক্।

যিরমিয় 43:9

“তুই কয়ক্কো দাঙর্ দাঙর্ পাত্তর্‌‌‌লোই তফন্‌হেষত ফরৌনর রাজঘরত্ সোমেবার পথ্‌‌‌‍তানত্ ইট্‌‌‌‍তোই বানেয়্যে উদোনর মাদি তলে যিহূদীগুনো চোগো মুজুঙোত্ সিগুন লুগেই থঅ।

যিরমিয় 46:13

বাবিল রাজা নবূখদ্‌নিৎসরে যে মিসরান আক্রমণ গুরিবাত্তে এবঅ সে হবরান লগেপ্রভু ভাববাদী যিরমিয়রে কোইয়্যে।

যিরমিয় 49:38

মুই এলমত্ মর্ সিংহাসনান্ থিদেবর্ গুরিম আর তার রাজা আর রাজার চাগরুনোরে ভস্ত গুরিম,

যিহিষ্কেল 5:12

তঅ তিন ভাগর্ এক ভাগ মানুচ্ তঅ ভিদিরে অয় বানালোই ন-অয় ভাদরাদে মুরিবাক্; তিন ভাগর্ এক ভাগ্ দেবাল বারেদি যুদ্ধোত্ মুরিবাক্ আর তিন ভাগর্ এক ভাগরে মুই চেরোকিত্তে ছিদি দিম্ আহ্ খুলো তলোয়ারলোই লোড়েম।

দানিয়েল 2:21

তেয়ই সময় আর ঋতু তা অধীনোত্ রাগায়; তে রাজাগুনোরে সিংহাসনত্ বজায় আর লামেই দে। তে জ্ঞানীগুনোরে জ্ঞান দান গরে আর বুদ্ধিমানুনোরে বুদ্ধি দান গরে।

মথি লেখ্যে গম্ হবর্ 22:7

সেক্কে রাজার অমকদ রাগ্ উদিলো; সেনত্যে তে সৈন্য পাধেইনে সেই খুনীগুনোরে মারে ফেলেল আর তারা শঅরান্ পুড়ি দিলাক্।