যিরমিয় 42:6 - Chakma Bible

⁶ আমি যাইধু তরে পাদের্ আমি আমার সেই গোজেন লগপ্রভুর কধার বাধ্য অবং-সিয়েন আমার মনত্‌পোজ্যে ওক বা ন-ওক। যুনি আমি আমার গোজেন লগেপ্রভুর বাধ্য ওই সালে আমার গম্ অবঅ।”

যিরমিয় 42:6 Iomraidhean Croise

গীতসংহিতা 128:2

তঅ নিজো আঢে দুঘ্ গোজ্যে ফল্ তুই ভোগ গুরিবে; তুই সুগি অবে আর তর্ মংগল অবঅ।

গীতসংহিতা 78:36

মাত্তর্ তারা সেক্কেনে মুয়োন্দি ছলনা গুরিলাক্, জিল্লোই তাইদু মিজে কধা কলাক্।

যাত্রা 24:7

সে পরেদি তে সুদোম-লেখ্যে বোইবো নেযেইনে মানুচ্চুনোরে পোড়েই শুনেল। ইয়েনর জোবত্‌ মানুচ্চুনে কলাক্, “আমি বাধ্য থেবং আর লগেপ্রভু যিয়েনি যিয়েনি কোইয়্যে সিয়েনি বেক্কানি পালন গুরিবোং।”

যিশাইয় 3:10

তুমি গম্ মানুচ্চুনোরে কঅ, তারার্ ভালেদি অবঅ, কিত্তে তারা তারার্ কামর সুফল ভোগ্ গুরিবাক্।

যিরমিয় 22:15

ভালোক্কুন এরস গাজ্ থেলে কি সিগুনে তরে রাজা বানেবাক্? তঅ বাবে যুনিয়ো গমেডালে হানা-দানা গুরিদো তো যিয়েন ঠিগ্ আরে ন্যায্য তে সিয়েন গুরিদো বিলি তা অক্তত্ বেক্কানি গমে চলিদো।

যিরমিয় 43:4

এবাবোত্যেগুরি যোহানন, সৈন্যদলর বেক্ সেনাপতিগুন আর বেক্ মানুচ্চুনে যিহূদা দেজত্ থানা পৌইদ্যেনে লগেপ্রভুর উগুমান ন-মানিলাক্।

যিরমিয় 7:23

মাত্তর্ মুই তারারে এ উগুমান দুয়োং, তুমি মঅ কধামজিম আঢঅ, সেক্কে মুই তমার গোজেন ওম্ আর তুমি মঅ মানুচ্ অবা। মুই যে পধেদি আঢিবাত্তে উগুম দুয়োং সে পধেদি আঢঅ যেনে তমার ভালেদি অয়।

রোমীয় 7:13

সালে যিয়েন উপকারি সিয়েন্দোই কি মর্ মরণ অলঅ? কনদিন্‌অ নয়, বরং যিয়েন উপকারি সিয়েন্দোই পাপ্পানে মর্ মরণ্ ঘোদেল, যেন পাপ যে সত্যই পাপ সিয়েন বুঝো যায়। পাপ যে কত্তমান্ জঘন্য সিয়েন উগুম্বোই ধরা পড়ে।

রোমীয় 7:7

সালে কি আমি কবং যে, রীদি-সুদোম বজং? খামাক্কায় নয়; বরং এ কধাগান্ ঠিগ্ যে, রীদি-সুদোম ন-থেলে পাপ্‌পান্ কি সিয়েন মুই হবর্ ন-পেদুং। “লুভ্ ন-গোজ্জ্য,” রীতি-সুদোমে যুনি এ কধাগান্ ন-কদঅ সালে লুভ্ কি সিয়েন্ মুই কোই ন-পাত্তুং।

রোমীয় 8:7

যে মনানে পাপ-খচ্চ্যদে যিয়েন চায় সিয়েন্দোই আয়োজি, সেই মনান্ গোজেনর্ বিরুদ্ধে, কিয়া সিয়েন গোজেনর্ রীদি-সুদোম মানিবাত্তে ন-চায়, মানিয়ো ন-পারে।

দ্বি’লম্বর বিররণ 5:27

আমা গোজেন লগেপ্রভু যিয়েনি কোইয়্যে, তুইয়ো কায়-কুরে যেইনে সিয়েনি শুনি আয়। তে তরে যিয়েনি কবঅ সিয়েনি আমারে জানেই দিবে; আমি সিয়েনি শুনিনে সেধোক্ক্যেন চলিবোং।

দ্বি’লম্বর বিররণ 5:29

মরে ভোক্তি গুরিবার্‌ আর মর্‌ উগুমানি পালেইনে চলিবার্‌ এই মনান্‌ যেনে তারার্‌ আমিঝে থায়। সেক্কে তারার্‌ আর তারার্‌ পূঅগুনোর্‌ উমরত্তে ভালেদি অবঅ।

দ্বি’লম্বর বিররণ 5:33

যেনে তুমি বাঁজি থেই পার আর তমার্‌ ভালেদি অয় আর যে দেজ্‌ছান তুমি গজক্ গুরিবা সিদু ভালোক্‌ দিন বাঁজি থেই পার সেনত্যে তমার গোজেন লগেপ্রভু যে পথ্‌তানন্দি তমারে চলিবাত্তে উগুম্‌ দিয়্যে তুমি সে পথ্‌তান ইন্দি চুলিবা।

যিহোশূয় 24:24

সেক্কে বেক্কুনে যিহোশূয়রে কলাক্‌, “আমি আমার গোজেন লগেপ্রভুরে সেবা গুরিবোং আর তার্‌ উগুমানি পালেবং।”