যিরমিয় 42:5 - Chakma Bible

⁵ সেক্কে তারা যিরমিয়রে কলাক্, “তমা গোজেন লগেপ্রভু আমারে যিয়েন কবাত্তে তরে পাদেব সেবাবোত্যে যুনি আমি বেক্কানি ন-গুরিই সালে আমা বিরুদ্ধে লগেপ্রভু যেন এক্কো ঘেচ্চেকগুরি বিশ্বেজর্ সাক্ষী অয়।

যিরমিয় 42:5 Iomraidhean Croise

পত্থম 31:50

যুদি তুমি মঅ ঝিগুনদোই বজং বেবহার্‌ গরঅ, বা মর্‌ ঝিগুন্‌ থানা অবস্থায়ো অন্য মিলেরে লঅ, সালে আর কনজন আমালগে ন থেলেয়ো মনত্‌ রাগেয়ো, গোজেনই আমার্‌ সাক্ষী ওই থেলঅ।”

যাত্রা 20:19

তারা মোশিরে কলাক্, “তুই আমা লগে কধা কঅ‌, আমি শুনিবোং; মাত্তর্‌ গোজেনে যুনি আমা লগে কধা কয়্‌ সালে আমি মারা পুড়িবোং।”

যাত্রা 20:7

কনঅ‌ ভান্ন্যেই আশাই তুমি তমার গোজেন লগেপ্রভুর্‌ নাঙান্‌ ন-গিনিবা। যিবে সিয়েন্‌ গুরিবো তারে লগেপ্রভু সাজা-দিবো।

যিরমিয় 42:20

তুমি অমকদ ভুল গুরিবাত্তে যর্। তুমি মরে তমা গোজেন লগেপ্রভু ইধু ইয়েন কোইনে পাদেয়ো, ‘তুই আমাত্তে আমা গোজেন লগেপ্রভু ইধু তবনা গর্; তে যিয়েনি কবঅ সিয়নি বেক্কানি তুই আমারে কবে আর আমি সিয়েনি গুরিবোং।’

যিরমিয় 43:4

এবাবোত্যেগুরি যোহানন, সৈন্যদলর বেক্ সেনাপতিগুন আর বেক্ মানুচ্চুনে যিহূদা দেজত্ থানা পৌইদ্যেনে লগেপ্রভুর উগুমান ন-মানিলাক্।

যিরমিয় 5:2

যুনিয়ো তারা হবর্ কন, ‘জেদা লগেপ্রভুর নাঙে,’ তো তারা মিজে গুরিনে শমক্ হান্।”

মীখা 1:2

ও জাদ্‌‌তুন, তুমি বেক্কুনে কান্ পাদঅ; ও পিত্‌‌থিমীগান আর সিয়েন ভিদিরে বেক্কানি, শুনো। প্রভু লগেপ্রভু তা পবিত্র ঘরানত্তুন্ তমা বিরুদ্ধে সাক্ষ্য দিবো।

মালাখি 2:14

তুমি কত্তে, “কিত্তে ন-গরঅ?” ইয়েনর্ কারনান্ অলঅ, লগেপ্রভু তমার্ পত্তি মান্‌জ্যরে আর তার্ গাবুজ্যে কালর্ মোগ্ লনার্ সাক্ষী ওইয়্যে; মাত্তর্ যুনিয়ো সেই মিলেবো তা সমাজ্যে, তার্ মেলালোই চুক্তি গোজ্যে মোগ্, তো তে তা লগে বেঈমানী গোজ্যে।‌‌‌

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

রোমীয় 1:9

গোজেন পুয়ো পৌইদ্যেনে গম্ হবর্ প্রচার গুরিনে মর্ বেক্ মনান্দোই মুই গোজেনরে সেবা গরঙর্। মুই যেদক্ বার্ তবনা গরং সেদক্ বার্ যে তমা কধানি ইদোত্ তুলোং, তেয়ই সিয়েনর্ সাক্ষী।

ফগদাং পেইয়্যে 3:14

লায়দিকেয়া শঅরর্ মন্ডলী দূত্‌তো ইধু এ কধাগান লেগ- যিবে আমেন, যে বিশ্বেজি আর সত্য সাক্ষী, যিবে গোজেনর্ সৃট্টির গড়াগান, তে এ কধাগান কর্: মুই তর্ কামর কধানি কোই পারং।

বিচের গুরিয়্যেগুন 11:10

গিলিয়দর বুড়ো নেতাগুনে জোবত্‌ কলাক্‌, “লগেপ্রভু আমার সাক্ষী রলঅ্, তুই যিয়েনি কলে আমি সিয়েনি গুরিবোং।”

১ শমূয়েল 12:5

শমূয়েলে তারারে কলদে, “এচ্চ্যে লগেপ্রভু সাক্ষী আর তার অভিষেগ গোজ্যে মানুচ্চোয়ো সাক্ষী, তুমি মত্তুন্‌ তমার কনঅ জিনিস ন-পঅ।” সেক্কে মানুচ্চুনে কলাক্, “তে সাক্ষী।”

১ শমূয়েল 20:42

যোনাথনে দায়ূদোরে কলঅ, “তুই নিচিদেগুরি আদিচ্‌, কিত্যে আমি লগেপ্রভুর নাঙে একজন আরেকজন ইদু শমক্‌ গুরিনে কোইয়্যেই, ‘লগেপ্রভু তর্‌ আর মঅ ভিদিরে আর তর্‌ আহ্‌ মর্‌ বংশধরুনো ভিদিরে জিংকানিবর্‌ সাক্ষী থেবঅ।’ ” ইয়েনর পরেন্দি দায়ূদে বিদায় নেযেল আর যোনাথনে শঅরত্‌ যেইনে ফিরি গেলঅ।