যিরমিয় 42:3 - Chakma Bible

³ তঅ গোজেন লগেপ্রভু ইধু তবনা গর্ যেনে তে আমারে কোইদে আমি কুদু যেবং আর কি গুরিবোং।”

যিরমিয় 42:3 Iomraidhean Croise

১ রাজাবলী 8:36

মাত্তর্‌ তুই স্বর্গত্তুন্‌ সিয়েন্‌ শুনিজ্‌ আর তঅ চাগরুনোরে, অত্তাৎ তঅ মানুচ্‌ ইস্রায়েলীয়গুনোর পাপ্পানি খেমা গুরি দিচ্‌। জীংকানিগানত্‌ দোলেডালে চুলিবাত্তে তারারে শিক্ষ্যে দিচ্‌ আর সোম্বোত্তি ইজেবে যে দেজ্‌ছান তুই তারারে দুয়োচ্‌ সে দেজ্‌ছানর উগুরে ঝড় দি দিচ্‌।

ইষ্রা 8:21

পরেদি মুই অহবার ছড়া ইধু আমাত্যে উবোস্ থানাগান্ ফগদাং গুরিলুং যেনে আমি আমা গোজেন মুজুঙোত্ নিজোরে লোঙেই পারিই আর আমা ঝি-পুয়োগুনোরে আর বেক্ সোম্বোত্তিগানোই গমেডালে যাত্রা গুরি পারিই।

গীতসংহিতা 27:11

ও লগেপ্রভু, তর্ পথ্‌তান্ মরে দেগেই দে; মর্ শত্রুগুনোর্ কারনে সং পধেন্দি মরে চালেই নেযা।

গীতসংহিতা 86:11

ও লগেপ্রভু, তর্ পথ্‌তান পৌইদ্যেনে মরে শিক্ষ্যে দে, যেনে মুই তর্ সত্যলোই চলি পারং; তরে ভোক্তি গুরিবাত্যে মর্ দ্বিভাগ ওইয়্যে মনানরে তুই এগত্তর্ গর্।

গম্ উপদেজ্ 3:6

তর্ আঢিবার পধত্ গোজেনরে মুজুঙোত্ রাগেচ্; তেয়ই তর্ বেক পথ্‌তানি উজু গুরি দিবো।

যিশাইয় 2:3

ভালোক্ জাদর মানুচ্ এইনে কবাক্, “আঢঅ, আমি লগেপ্রভুর্ মুড়োবোত্ উদিয়োই, আঢঅ, যাকোবর্ গোজেন ঘরত্ যেই। তে আমারে তা পথ্‌তানি পৌইদ্যেনে শিক্ষ্যে দিবো আর আমি তা পধেদি চলিবোং।” তারা এ কধাগান কবাক্, কিত্তে সিয়োনত্তুন্ উগুম দিয়্যে অবঅ আর যিরূশালেমত্তুন্ ফগদাং অবঅ লগেপ্রভুর কধানি।

যিরমিয় 6:16

লগেপ্রভু তা মানুচ্চুনোরে কত্তে, “তুমি চেরান্ পধ মুয়োত্ থিয়্যেইনে রিনি চঅ পুরোণ পধ কধা পুযোর্ গরঅ; গম্ পথ্‌‌তান্ কুদু সিয়েন পুযোর্ গুরিনে সেই পধেদি আঢঅ। সেক্কে তুমি নিজো নিজো মনত্ জিরেন পেবা। মাত্তর্ তুমি কোইয়োদে, ‘আমি সে পধেদি ন-চলিবোং।’

মীখা 4:2

ভালোক্ জাদর মানুচ্ এইনে কবাক্, “আঢঅ, আমি লগেপ্রভুর্ মুড়োবোত্ উদিয়োই, আঢঅ, যাকোবর্ গোজেন ঘরত্ যেই। তে আমারে তা পথ্‌তানি পৌইদ্যেনে শিক্ষ্যে দিবো আর আমি তা পধেদি চলিবোং।” তারা এ কধাগান কবাক্, কিত্তে সিয়োনত্তুন্ উগুম দিয়্যে অবঅ। আর যিরূশালেমত্তুন্ ফগদাং অবঅ লগেপ্রভুর কধানি।

দ্বি’লম্বর বিররণ 5:26

মান্‌জ্য ভিদিরে এধোক্ক্যেন কন্না আঘে, আমা ধোক্ক্যেন্‌ গুরি আগুনো ভিদিরেত্তুন্‌ জেদা গোজেনর্‌ রঅবো শুনোনার্‌ পরেন্দিয়ো বাঁজিই আঘে?

দ্বি’লম্বর বিররণ 5:29

মরে ভোক্তি গুরিবার্‌ আর মর্‌ উগুমানি পালেইনে চলিবার্‌ এই মনান্‌ যেনে তারার্‌ আমিঝে থায়। সেক্কে তারার্‌ আর তারার্‌ পূঅগুনোর্‌ উমরত্তে ভালেদি অবঅ।