যিরমিয় 42:15 - Chakma Bible

¹⁵ সালে যিহূদার বাদবাগি মানুচ্চুনে লগেপ্রভুর কধানি শুনো। ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, তুমি যুনি মিসরত্ যানাগান ঠিগ্ গুরি থাগঅ আর সিদু যেইনে বজত্তি গরঅ,

যিরমিয় 42:15 Iomraidhean Croise

পত্থম 31:21

এবাবোত্যেগুরি যাকোবে তা নিজোর্‌ বেক্‌ পযাপিরানি নিইনে ধেই গেলঅ। তে ইউফ্রেটিস ছড়াগান পার্‌ ওই গিলিয়দ চাগালার্‌ মুড়ো-মুড়ি চাগালা মোক্ক্যে যাহ্ ধুরিলো।

যিরমিয় 27:8

“ ‘মাত্তর্ কনঅ জাদে বা রেজ্যই যুনি বাবিলোর রাজা নবূখদ্‌নিৎসরর চাগর ন-অয় বা তা জুঙোলান তলে কানাগান ন-দে সালে মুই সে জাদ্‌‌‍‌‌‌‌‍‍‍‍তোরে যুদ্ধো, ভাদরাত আর ভানা দিইনে সাজা দিম যেদক্কন সং মুই তা আঢ্‌‌‍‌‌‌‌‍‍‍তানিলোই সে জাদ্‌‌‍‌‌‌‌‍‍তোরে ভস্ত ন-গরং।‍‍‍

যিরমিয় 42:17

এ কধাগান সত্য যে, যিগুনে মিসরত্ যেইনে বজত্তি গুরিবাক্ বিলি ঠিগ্ গোজ্যন তারা বেক্কুনে সিদু যুদ্ধোত্, ভাদরাদত্ আর ভানালোই মুড়ি যেবাক্; যে দজাগান মুই তারা উগুরে আনিম সিয়েনত্তুন্ তারার একজনঅ ন-বাঁজিবাক্ বা সিয়েন ছাড়িয়ো ন-পারিবা।

যিরমিয় 44:24

সে পরেদি যিরমিয় বেক্ মরদ আর মিলেগুনোরে কলঅ, মিসরত্ বজত্তি গুরিয়্যে যিহূদার বেক্ মানুচ্চুন, তুমি লগেপ্রভুর কধানি শুনো।

দানিয়েল 11:17

তে তার পুরো রেজ্যগানর্ খেমতা লগে নিইনে সিয়েনত্ এবঅ বিলিনে থির্ গুরিবো আর দোগিণো রাজার লগে দাংগুত্ব গুরিবো। সেই রেজ্যগান ভস্ত গুরিবাত্তে তে তার্ এক্কো ঝিরে দোগিণো রাজার লগে বৌ দিবো, মাত্তর্ সিয়েনর পরিকল্পানাগান ন-ফলিবো বা সিয়েনর কনঅ লাভ্‌অ ন-অবঅ।

লূকে লেখ্যে গম্ হবর্ 9:51

যেক্কে যীশুর স্বর্গত্ যেবার্ অক্ত ওই এলঅ সেক্কে তে যিরূশালেমত্ যেবাত্তে মনান্ থির্ গুরিলো।

দ্বি’লম্বর বিররণ 17:16

সে রাজাবো যেনে নিজোত্তে ভালোক্কুন ঘোড়া যুগুলোনার ইন্দি মন্‌ ন-দে আর যেরেন্দি আরঅ ঘোড়া যুগুলেবাত্তে ইস্রায়েলীয়গুনোরে মিসর দেজত্‌ ন পাদায়, কিত্যে লগেপ্রভু তমারে কোইয়্যেদে, তুমি সেই পথ্‌তানন্দি আর্‌ ফিরি ন যেবা।