যিরমিয় 42:14 - Chakma Bible

¹⁴ আর যুনি তুমি কঅ, আমি যেইনে মিসরত্ বজত্তি গুরিবোং; সিদু আমি যুদ্ধোও ন-দেগিবোং, শিঙের রয়ো ন-শুনিবোং, হানার অভাবে পেদঅ ন-পুরিবো,

যিরমিয় 42:14 Iomraidhean Croise

যাত্রা 16:3

তারা তাঁরারে কলাক্কে, “মিসর দেজত্‌ লগেপ্রভুর্‌ আদত্‌ আমি কিত্যেই ন-মুরিলোং। সিদু আমি য়েরার্‌ পিলেগুন মুজুঙোত্‌ থোইনে পেট ভরন্‌ পিদে-য়েরা খেদং। আমার এই পুরো দল্লোরে ন-হাবেনে মারে ফেলেবাত্তেই তুমি আমারে এই ধূল্যেচর-বামর্‌ ভিদিরে আন্য।”

যাত্রা 17:3

মাত্তর্‌ মানুচ্চুনে পানি খাজে অরান্‌ ওইয়োন্‌, সেনত্তেই তারা মোশির্‌ বিরুদ্ধে নানান্‌ কধা কোইয়োন্‌। তারা কলাক্, “আমি যেনে পানির অভাবে মুরি যেই সেনত্তেই কি তুই আমারে আর আমা পূঅ-ঝিগুনোরে আর য়েমানুনোরে মিসর দেজত্তুন্‌ আন্ন্যচ্?”

যিশাইয় 30:16

তুমি কলা, “না, আমি ঘোড়াত্ চড়িনে ধেই যেবং।” সেনত্তে তমাত্তুন্ ধেই যাহ্ পুরিবো। তুমি কলা, “যে ঘোড়াবো জদবদে জুরে যায় সিয়োত্ চড়িনে আমি যেবং।” সেনত্তে যিগুনে তমারে লোড়েবাক্ তারা উজেই এবাক্।

যিশাইয় 30:2

তারা মঅ লগে সল্লা ন-গুরিনে মিসরত্ যান; তারা সাহায্যত্তে ফরৌণর আশ্রয় চান্ আর মিসরর্ ছাবাগানত্ আশ্রয় লোই পারন্।

যিশাইয় 31:1

অভিশাব্ পোড়োক্ যিগুনে সাহায্যত্তে মিসরত্ যান! তারা দঅ ঘোড়া উগুরে নির্ভর গরন্ আর তারার্ ভালোক্কানি রথ উগুরে আর ঘোড়া মাউত্তুনোর্ খেমতা উগুরে বিশ্বেজ্ রাগান্, মাত্তর্ তারা ইস্রায়েলর সেই পবিত্র মানুচ্চো ইন্দি রিনি ন-চান বা লগেপ্রভু ইত্তুন্ সাহায্য ন-চান।

যিরমিয় 4:19

হায়, মর্ মনান, মর্ মনান্! মুই যন্ত্রনালোই মজরা হাঙর্। হায়, মর্ মনান! মঅ ভিদিরে মঅ মনান ধুক্ ধুক্ গরের্। মুই জুরো গুরি থেই ন-পারঙর্, কিত্তে মুই শিঙের রঅ শুন্যং, মুই যুদ্ধোর্ ডাগ শুন্যং।

যিরমিয় 4:21

কয়দিন মরে যুদ্ধোর্ বাবতা চাহ্ পুরিবো আর শুনো পুরিবো শিঙের রঅ?

যিরমিয় 41:17

তারা মিসরত্ যেবার পদথ্ বৈৎলেহম ইধু গেরুৎ কিম্‌হমত্ কয়েক দিনোত্তে থেলাক্।

যিরমিয় 43:7

এবাবোত্যেগুরি তারা লগেপ্রভুর অবাধ্য ওইনে মিসরত্ সোমেলাক্ আর তফন্‌হেষ সং গেলাক্।

গণাণা 14:3

যুদ্ধোত্‌ মুরি যেবাত্তে কিত্তে লগেপ্রভু আমারে সেই দেজত্‌ নেযার্‌? তারা আমার মোক্‌ আর ঝি-পূঅগুনোরে কারি নিবাক্‌। ইয়োত্তুন্‌ মিসরত্‌ ফিরি যানা আমার উজিত এলঅ।”

গণাণা 14:4

তারা একজন আরেকজনরে কলাক্, “যঅ, এক্কো নেতা ঠিগ্ গুরি নেযেইনে আমি মিসরত্‌ ফিরি যেই।”

গণাণা 16:13

তুই এই ধূল্যেচর-চাগালাত্ মারে ফেলেবাত্তে এধোক্ক্যেন দেজত্তুন্‌ আমারে নিগিলেই আন্ন্যচ্‌ যিয়েনত্‌ দুধ, মধু আর কনঅ কিজুর অভাব ন-এলঅ। ইয়েনই কি যগাজ্যে নয়? সিয়েন উগুরে ইক্কিনে আর আমার্‌ নেতা অবাত্তে চঅর্‌।

দ্বি’লম্বর বিররণ 17:16

সে রাজাবো যেনে নিজোত্তে ভালোক্কুন ঘোড়া যুগুলোনার ইন্দি মন্‌ ন-দে আর যেরেন্দি আরঅ ঘোড়া যুগুলেবাত্তে ইস্রায়েলীয়গুনোরে মিসর দেজত্‌ ন পাদায়, কিত্যে লগেপ্রভু তমারে কোইয়্যেদে, তুমি সেই পথ্‌তানন্দি আর্‌ ফিরি ন যেবা।

দ্বি’লম্বর বিররণ 29:19

এধোক্ক্যেন মানুচ্‌ এ শমক্ গোজ্যে কধানি শুনোনার সলাবোত্‌ যুনি নিজোরে ভাগ্যত্যে বিলিনে মনে গরন্‌ আর মনে মনে ভাবে, নিজোর আওজ্ মজিম চুলিলেয়ো তে গমেডালে থেবঅ, সালে তমার বেক্কুনো উগুরে তে দজা ডাগি আনিবো।