যিরমিয় 40:4 - Chakma Bible

⁴ মাত্তর্ এচ্চ্যে মুই তঅ আঢ শিগলত্তুন্ তরে উদ্ধোর গুরিলুং। তুই যুনি চাজ্ সালে মঅ সমারে তুই বাবিলোত্ যেই পারচ্, মুই তরে দেগাশুনো গুরিম; মাত্তর্ যুনি যেবাত্তে ন-চাজ্ সালে ন-যেচ্। চাহ্, পুরো দেজ্‌চান তঅ মুজুঙোত্ পড়ি আঘে; তুই যিয়েনত্ হুজি যেই পারচ্।”

যিরমিয় 40:4 Iomraidhean Croise

পত্থম 13:9

গোদা দেজ্‌ছান্‌ দঅ তঅ মুজুঙোত্‌ পড়ি আঘে। সেনত্তে আয়, আমি ফারগ্ ওই যেই। তুই বাঙেন্দি বেঈ ললে মুই ডেনেন্দি যেম্‌, আর ডেনেন্দি বেঈ ললে মুই বাঙেন্দি যেম্‌।”

পত্থম 20:15

পরেদি তে অব্রাহামরে কলঅ, “চাহ্, মর্‌ পুরো দেজ্‌ছান দঅ তঅ মুজুঙোত্‌ আঘে। তর্‌ যিয়েনত্‌ হুজি সিয়েনত্‌ তুই বজত্তি গুরিচ্‌।”

পত্থম 44:21

সে পরেদি তুই তঅ চাগরুনোরে কোইয়োচ্‌, তারে মইধু আন; মুই তারে দেগিবাত্তে চাং।

পত্থম 47:6

গোদা মিসর দেজ্‌ছান্‌ দঅ তঅ মুজুঙোত্‌ পড়ি আঘে। দেজর্‌ বেগত্তুন্‌ গম্‌ জাগানত্‌ তঅ বাপ্পো আর ভেইয়ুনোরে বজত্তি গুরিবাত্তে দে। তারা গোশনত্‌ বজত্তি গোরোদোক্‌। তারা ভিদিরে যগাজ্যে মানুচ্‌ পেলে তারা উগুরে মঅ য়েমান পালুনোর্ ভারানঅ দিজ্।”

ইষ্টের 3:11

রাজা হামনরে কলদে, “টেঙায়ো তর্‌ আর মানুচ্চুন্অ তর্‌; সেনত্তেই সেই টেঙাগুন্‌ আর মানুচ্চুনোরে নেযেইনে তর্‌ যিয়েন্‌ গম্‌ বিলিনে মনে অয় সিয়েনই গর্‌।”

যিরমিয় 37:14

যিরমিয় কলঅ, “ইয়েন মিজে কধা, মুই বাবিলীয়গুনোর তপ্পে ন-যাঙর্।” মাত্তর্ যিরিয় তা কধা ন-শুনিনে তারে ধুরিনে রাজা চাগরুনো মুজুঙোত্ নেযেল।

আবিলেচ্ 3:7

মুই যেনে ধেই যেই ন-পারং সেনত্তে তে মঅ চেরোকিত্তেদি ঘিরি রাগেয়্যে; মরে গুয়োড়্ শিগোল্লোই বান্যে।