যিরমিয় 40:15 - Chakma Bible

¹⁵ সেক্কে কারেহর পুয়ো যোহানন মিসপাত গদলিয়রে ভিদিরে ভিদিরে কলঅ, “তুই উগুম দিলে মুই যেইনে নথনিয়র পুয়ো ইশ্মায়েলরে মারে ফেলেম, কনজনে হবর্ ন-পেবাক্। তে কিত্তে তরে মারে ফেলেব? সেক্কে দঅ যিদুক্কুন যিহূদী তঅ চেরোকিত্তে এগত্তর্ ওইয়োন তারা ছিদি পড়িবাক্ আর যিহূদার বাদবাগি মানুচ্চুনে ভস্ত অবাক্।”

যিরমিয় 40:15 Iomraidhean Croise

২ শমূয়েল 18:3

মাত্তর্‌ মানুচ্চুনে কলাক্, “তুই ন-যেবে। যুনি আমাত্তুন্‌ ধেই যাহ্ পড়ে সালে তারার কিচ্ছু ন-অবঅ। যুনি আমাত্তুন্‌ অদ্দেক মানুচঅ মুরি যান্‌ সেক্কেয়ো তারার কিচ্ছু ন-অবঅ, মাত্তর্‌ তুই দঅ আমা দশ আজারর সমান। তুই ইক্কিনে শঅরত্তুন্‌ আমারে বল্‌ দিলে গম অবঅ।”

২ শমূয়েল 21:17

মাত্তর্‌ সরূয়ার পূঅ অবীশয় দায়ূদোরে রোক্ষ্যে গুরিলো। তে সে পলেষ্টীয়বোরে আঘাত্‌ গুরিনে মারে ফেলেল। সেক্কে দায়ূদো মানুচ্চুনে শমক্‌ গুরিনে দায়ূদোরে কলাক্, “তুই আর্ কনদিনঅ আমা লগে যুদ্ধোত্‌ ন-যেবে, ইস্রায়েলর চেরাক্কো মারেই ন-দিচ্‌।”

ইয়োব 31:31

মঅ ঘরর্ মানুচ্চুনে দঅ এ কধানি কদাক্, ইয়োবর্ দিয়্যে য়েরানিলোই কন্না পেট ভোরেই ন-পারে?

যিরমিয় 40:8

সেক্কে সে সৈন্যগুনে , অত্তাৎ নথনিয়র পুয়ো ইশ্মায়েল, কারেহের দ্বিবে পুয়ো যোহানন আর যোনাথন, তন্‌হূমতর পুয়ো সরায়, নটোফাতীয় এফয়র পুয়োগুনে আর মাখাথীয়র পুয়ো যাসনিয় আর তারার পুয়োগুনে মিসপাত গদলিয় ইধু এলাক্।

যোহন 11:50

তে তারারে কলঅ, “তুমি কিচ্চু কোই ন-পারঅ, আর ভাবিয়ো ন-চঅ যে, গদা জাত্তো বর্‌বাদ্ অনাত্তুন্ বরং বেক্‌ মানুচ্চুনোর্ বদলে এক্কো মান্‌জ্যর্ মরাণা বোউত্ গম্।”

১ শমূয়েল 24:4

দায়ূদোর মানুচ্চুনে কলাক্, “লগেপ্রভু যে দিন্নোর কধা তরে কোইয়্যে এচ্চ্যে সেদিন্নো এই যেইয়্যে। তে কলদে, ‘মুই তর্‌ শত্রুবোরে তর্‌ আঢত্‌ তুলি দিম্‌ আর তা উগুরে তর্‌ যিয়েন্‌ গম বিলিনে মনে গরচ্‌ তুই সিয়েনই গুরিবে।’ ” সেক্কে দায়ূদে জুরো গুরি উদিনে শৌলর পোজাক্কানত্তুন্‌ এক কট্টা কাবি নেযেল।

১ শমূয়েল 26:8

এ অবস্থা দেগিনে অবীশয় দায়ূদোরে কলঅ, “গোজেনে এচ্চ্যে তর্‌ শত্রুবোরে তঅ আঢত্‌ তুলি দিয়্যে। অনুমতি দে, মঅ সেল্‌লোলোই এক্কু আঘাতে তারে মাদিত্ গাড়ে ফেলাং। মত্তুন্‌ দ্বিবার আঘাত গরা ন-পুরিবো।”