যিরমিয় 40:14 - Chakma Bible

¹⁴ “তুই কি হবর্ পাজ্, অম্মোনীয়গুনোর রাজা বালীসে তরে মারে ফেলেবাত্তে নথনিয়র পুয়ো ইশ্মায়েলরে পাদেয়্যে?”

যিরমিয় 40:14 Iomraidhean Croise

যিশাইয় 26:10

পাজিগুনোরে দোয়্যে দেগা অলেয়ো তারা গম্ শিক্ষ্যে ন-গরন্; এমন্ কি, ন্যায়র্ দেজত্‌অ তারা অন্যেয় গুরি থান্ আর লগেপ্রভুরে বাঈনী গরানাগান্ স্বিগের্ ন-গরন্।

যিরমিয় 25:21

ইদোম, মোয়াব আর অম্মোনর মানুচ্চুনোরে;

যিরমিয় 40:13

পরেদি কাহেরর পুয়ো যোহানন আর খুলো মাঢত্ থেইয়্যে সৈন্যগুনোর বেক্ সেনাপতিগুন মিসপাত্ গদলিয় ইধু এইনে তারে কলাক্,

যিরমিয় 40:8

সেক্কে সে সৈন্যগুনে , অত্তাৎ নথনিয়র পুয়ো ইশ্মায়েল, কারেহের দ্বিবে পুয়ো যোহানন আর যোনাথন, তন্‌হূমতর পুয়ো সরায়, নটোফাতীয় এফয়র পুয়োগুনে আর মাখাথীয়র পুয়ো যাসনিয় আর তারার পুয়োগুনে মিসপাত গদলিয় ইধু এলাক্।

যিরমিয় 41:1

ইলীশামার নাদিন, অত্তাৎ নথনিয়র পুয়ো ইশ্মায়েলে অলদে রাজ বংশর মানুচ্ আর রাজার দাঙর্ পোজিশনর কামগুরিয়্যেগুনোর এক্কো। তে সাত মাজত্ দশজন মানুচ্ সমারে নিইনে মিসপাত অহীকামর পুয়ো গদলিয় ইধু এলঅ। তারা যেক্কে এক সমারে হাদন্, সেক্কে ইশ্মায়েল আর তা সমারে দশজন মানুচ্ থিয়্যেইনে বাবিল রাজা নেযেয়্যে শাজন্‌গুরিয়্যে গদলিয়রে তলোয়ারর আঘাতে মারে ফেলেলাক্।

যিরমিয় 41:10

ইশ্মায়েলে মিসপার বাদ্‌‌বাগি বেক মানুচ্চুনোরে বন্দী গুরিলো। সিগুনো ভিদিরে এলাক্ রাজার ঝিগুন আর সিধু থোই যেয়্যে অন্য বেক্ মানুচ্চুন। রাজার্ রোক্ষ্যে দলর্ সেনাপতি নবূষরদনে এই বেক্ মানুচ্চুনো উগুরে গদলিয়রে বোজেই দিয়্যে। ইশ্মায়েল তারারে বানি লোইনেই অম্মোনীয়গুনো ইধু পার ওই যেবাত্যে যাহ্ ধুরিলো।

মীখা 7:5

কনঅ পাড়াল্যে উগুরে ভরসা ন-গোজ্য, কনঅ সমাজ্যে উগুরে বিশ্বেজ্ থিদেবর্ ন-গোজ্য; এমন কি, যে মিলেবো তঅ বুগো উগুরে পড়ি থায় তাইদু কধা কদে উজিয়ার অ,