যিরমিয় 40:11 - Chakma Bible

¹¹ মোয়াব, অম্মোন, ইদোম আর অন্য দেজর বেক্ যিহূদীগুনে শুনিলাক্, বাবিল রাজা যিহূদা দেজত্ কিজু মান্‌জ্যরে থোই যেইয়্যে‌ আর গদলিয়রে তারা উগুরে শাজন্‌গুরিয়্য নেযেয়্যে।

যিরমিয় 40:11 Iomraidhean Croise

পত্থম 36:8

সেনত্তে এষৌ সেয়ীরো মুড়ো-মুড়ি চাগালাত্‌ যেইনে গমেডালে বজত্তি গরা ধুরিলো। এষৌর আর এক্কান্‌ নাঙ্‌ এলদে ইদোম।

যিশাইয় 11:14

তারা পোজিমেদি পলেষ্টীয়গুনো দেজত্ সং জাগাত্ ছো মারিবাক্, তারা এক সমারে পূগেদি দেজ্‌চানি লুদেবাক্। তারা ইদোম আর মোয়াব গজক্ গুরি নেযেবাক্ আর অম্মোনীয়গুনে তারার্ তলেদি অবাক্।

যিশাইয় 16:4

মোয়াবর ধেই যেইয়্যে মানুচ্চুনোরে তমা সমারে থেবাত্তে দুয়ো; ভস্ত গুরিয়্যেগুনোর মুজুঙোত্তুন্ তারারে লুগেই রাগঅ।” যিহূদাত্ অত্যেচারীগুনে শেজ্ ওই যেবাক্; ভস্তর্ কামানি থামেব। দেজত্ আক্রমণ গুরিয়্যেগুনোরে আর দেগা ন-যেবঅ।

যিরমিয় 24:9

মুই তারারে যিয়েনত্ দূর গুরি দুয়োং সাৎ সিয়েনত্ মুই তারারে দর্‌‌গরেপারা মান্‌‌‍জ্য ধোক্ক্যেন গুরিম‍, পিত্‌থিমীর বেক্ জাদ্‌‌‍‌‌তুনো ইধু কাঙেলেত্যের বেপার্, এক্কো ঈচ্ গরা হেইয়্যে মানুচ্, এক্কান দাগ কধা আর এক্কো ঈচ্ গরা হেইয়্যে মানুচ্। মান্‌‌‍‌‍‌জ্যে তারা নাঙানিলোই অভিশাব্ দিবাক্।

যিরমিয় 41:10

ইশ্মায়েলে মিসপার বাদ্‌‌বাগি বেক মানুচ্চুনোরে বন্দী গুরিলো। সিগুনো ভিদিরে এলাক্ রাজার ঝিগুন আর সিধু থোই যেয়্যে অন্য বেক্ মানুচ্চুন। রাজার্ রোক্ষ্যে দলর্ সেনাপতি নবূষরদনে এই বেক্ মানুচ্চুনো উগুরে গদলিয়রে বোজেই দিয়্যে। ইশ্মায়েল তারারে বানি লোইনেই অম্মোনীয়গুনো ইধু পার ওই যেবাত্যে যাহ্ ধুরিলো।

যিরমিয় 43:5

যিহূদার বাদবাগি যিদুক্কুন মানুচ্ বেক্ জাদ্‌‌তুনো ভিদিরে ছিদি পোজ্যন্ আর সিয়েনত্তুন্ যিহূদা দেজত্ বজত্তি গুরিবাত্তে ফিরি এচ্চ্যন্ তারারে নিইনে যোহানন আর বেক্ সেনাপতিগুনে মিসরত্ গেলাক্।

যিরমিয় 43:6

ইগুনে সেবাবোত্যে মরদ, মিলে, ঝি-পুয়ো আর রাজার ঝি, যিগুনোরে রাজার রোক্ষ্যেদলর সেনাপতি নবূষরদনে গদলিয় আঢত্ থোই যেইয়্যে এলাক্। ইগুনো সমারে ভাববাদী যিরমিয় আর বারূকরেয়ো নেযা অলঅ।

যিহিষ্কেল 25:12

পরেদি প্রভু লগেপ্রভু কোইয়্যেদে, “ইদোম যিহূদার মানুচ্চুনো উগুরে বার্‌বার হেনা সুজিনে অমকদ অন্যেয় গোজ্যে।

যিহিষ্কেল 25:2

“ও মান্‌‌জ্যর পুয়োবো, অম্মোনীয়গুনো ইন্দি তর্ মুয়োন রাগেইনে তারা বিরুদ্ধে আগাম্ কধা কঅ।

যিহিষ্কেল 25:6

তুমি ইস্রায়েল দেজর্ অবস্থা দেগিনে আত্‌‌‌তালি দুয়ো, নাচ্চ্য আর মনত্তুন্ তারে ইংসে গুরিনে ফুত্তি গোজ্য।

যিহিষ্কেল 25:8

পরেদি প্রভু লগেপ্রভু কোইয়্যেদে, “মোয়াব আর সেয়ীরে কত্তে, ‘চাহ্, যিহূদার মানুচ্চুনে অন্য বেক্ জাদ্‌‌‌‌‌তুনো ধোক্ক্যেন ওই যেইয়োন।’

যিহিষ্কেল 34:6

মর্ ভেড়াগুন বেক মুড়ো-মুড়িগুনোত্ ঘুরি বেড়াদন্। তারা পুরো পিথ্‌তিমীগানত্ ছিদি পোজ্যন; কনজনে তারারে ন-তগান্।

যিহিষ্কেল 35:15

ইস্রায়েল জাদে অধিকার ইজেবে যে দেজ্‌‌‌‌‌‌‌চান পেইয়্যে সিয়েন মানুচ্ নেইয়্যে দেগিনে তুই যেবাবোত্যে ফুত্তি গোজ্যস্ সেবাবোত্যেগুরি মুই তঅ লগে বেবহার গুরিম। ও সেয়ীর মুড়োবো, তুই আর ইদোমর বাদবাগি বেক জাগায়ানি মানুচ্ নেইয়্যে অবাক্। সেক্কে মানুচ্চুনে হবর্ পেবাক যে, মুয়ই লগেপ্রভু।”

যিহিষ্কেল 35:5

তুই ভালোক্ দিন ধুরিনে ইস্রায়েলর শত্রু ওই আগচ্ আর তারার্ দযার্ দিনোত্ যেক্কে তারারে সাজা পুরোপুরিভাবে দিয়্যে ওইয়্যে সেক্কে তুই লাম্বা ছুরি আঢত্ তারারে তুলি দুয়োচ্।

যিহিষ্কেল 5:12

তঅ তিন ভাগর্ এক ভাগ মানুচ্ তঅ ভিদিরে অয় বানালোই ন-অয় ভাদরাদে মুরিবাক্; তিন ভাগর্ এক ভাগ্ দেবাল বারেদি যুদ্ধোত্ মুরিবাক্ আর তিন ভাগর্ এক ভাগরে মুই চেরোকিত্তে ছিদি দিম্ আহ্ খুলো তলোয়ারলোই লোড়েম।

যিহিষ্কেল 5:3

মাত্তর্ কিজু চুল থোইনে সিয়েনি তঅ কাবড় ভাজত্ গুজেই থবে।

গণাণা 22:1

ইয়েনর্ পরেদি ইস্রায়েলীয়গুনে মোয়াবর সং জাগানত্‌ যেইনে যিরীহো শঅরর্‌ উই পারদি যর্দন গাঙর্‌ উই পারত্‌ তারার্‌ তাম্বুলান্‌ ফেলেলাক্।

গণাণা 25:1

শিটীম শঅর ইদু থেবার সময় ইস্রায়েলীয়গুনে মোয়াবীয় মিলেগুনো সমারে সিনেলী আরাম্ভ গোজ্যন্‌।

গণাণা 25:2

এই বেক্‌ মিলেগুনে তারার্‌ দেব-দেবেদাগুনোর নাঙে য়েমানডালির্ উৎসবত্‌ ইস্রায়েলীয়গুনোরে বাত্যেয়োন, আর ইস্রায়েলীয়গুনেয়ো তারা লগে খানা-দানা গুরিনে সেই বেক্‌ দেবেদাগুনোরে পূজো গুরিলাক্।

১ শমূয়েল 11:1

পরেন্দি অম্মোনীয় নাহশে যেইনে যাবেশ-গিলিয়দ জাগায়ান ঘিরিলো। সেক্কে যাবেশর্ মানেইয়ুনে নাহশরে কলাক্, “তুই আমা লগে এক্কো চুক্তি গর্‌, সালে আমি তর্‌ অধীনোত্ ওইনে থেবং।”

১ শমূয়েল 12:12

মাত্তর্‌ অম্মোনীয়গুনোর রাজা নাহশরে যেক্কে তুমি তমার বিরুদ্ধে যুদ্ধো গুরিবাত্তে এত্তে দেগিলে সেক্কে যুনিয়ো তমার গোজেন লগেপ্রভুই এলদে তমার রাজা তো তুমি মরে কলাদে, না, আমি চেই আমা উগুরে এক্কো রাজা রাজাগিরি গোরোক।