যিরমিয় 4:31 - Chakma Bible

³¹ এক্কো মিলের্ পুয়ো পুদেবার পীড়েগান কানানা ধোক্ক্যেন, পোইল্যা পুয়োবো পুদোনার পীড়েগান কানানা ধোক্ক্যেন সিয়োন-ঝিবোর কানানিগান মুই শুন্যং। তে নিজেস্ টানিবাত্তে ফবার্ আর আঢ্ বাবেইনে কত্তে, “হায়! মুই অজ্ঞ্যেন ওই যাঙর্, খুনীগুনে মরে শেজ্ গুরি ফেলাদন্।”

যিরমিয় 4:31 Iomraidhean Croise

পত্থম 27:46

পরে রিবিকা ইস্‌হাকরে কলঅ, “এ হিত্তীয় মিলেগুনোত্তে মর্‌ আর বাঁজি থেবাত্তে আওজ্ ন-গরের্‌। ইয়েন পরেদি যাকোবেয়ো যুদি এ দেজর্‌ কনঅ হিত্তীয় মিলেরে লয়্‌ সালে মর্‌ বাঁজি থেইনে কি লাভ?”

ইয়োব 10:1

মর্‌ বাঁজি থানাগানই মুই ঘিনাং, সেনত্তে মঅ দুঘোর্‌ কধানি মুই আভাংপাদারি কোম্‌ আর মঅ পরাণর্‌ তিদে অবস্থাত্তুন্‌ কধা কোম্‌।

গীতসংহিতা 120:5

হায়! কি দুর্‌ভাগ্যত্তে মুই! মুই মেশকীয়গুনো ধোক্ক্যেন মান্‌জ্য ইদু বজত্তি গরঙর্, কেদরীয়গুনো ধোক্ক্যেন মান্‌জ্য তাম্বুলো ইদু আগং।

যিশাইয় 1:15

তবনা গুরিবাত্তে যেক্কে তুমি আঢ্ তুলিবা সেক্কে মুই তমাত্তুন্ মঅ চোগ্‌কুনোরে ফিরেই নিম্। যুনিয়ো বা বোউত্ তবনা গরঅ মুই সিয়েনি ন-শুনিম্, কিত্তে তমা আঢ্‌তানি লোলোই ভরা।

যিশাইয় 13:8

তারা অমকদ দোরেবাক্, তারার্ পিড়ে আর অমকদ সুলোনি অবঅ, পুয়ো পুদোইদ্যে মিলে ধোক্ক্যেন্ তারা সুলোনিলোই কিয়্যে মুজুরিবাক্, তারা বুদ্ধি আরেইনে একজনে আর একজন ইদু রিনি চেবাক্ আর তারার্ মুয়োনি আগুনো জিলো ধোক্ক্যেন্ অবঅ।

যিশাইয় 21:3

মুই পেট সুলোনিলোই অমকদ দুঘ্ পাঙর্, মিলেগুনোর পুয়ো পুদোনা ধোক্ক্যেন পিড়েয় মরে ধোজ্যে। মুই এমন্ পিড়ে পাঙর্, ন-শুনোঙর্ এমন্ দরাঙর, ন-দেগঙর্।

যিশাইয় 26:17

পিদিলী মিলে পুয়ো পুদেবার্ অক্তত্ যেধোক্ক্যেন্ পিড়েই কিয়্যে মজরন্ আর রঅ ছাড়ন্, ও লগেপ্রভু, আমিয়ো তঅ মুজুঙোত্ সেধোক্ক্যেন্ ওইয়্যেই।

যিশাইয় 42:14

মুই লগেপ্রভু ভালোক্ দিন জুরো গুরি এলুং; মুই শান্ত থেইনে নিজোরে দোঙেই রাগেয়োং। মাত্তর্ ইক্কিনি পুয়ো পুদেয়্যে মিলে ধোক্ক্যেন মুই রঅ ছাড়ঙর্, নিজেস্ ফেলাঙর্ আর ফবাঙর্।

যিশাইয় 6:5

সেক্কে মুই কলুং, “হায়, মুই ভস্ত ওই গেলুং, কিত্তে মঅ মুয়োন্ ফিবলা আর মুই এবাবোত্যে মান্‌জ্য ভিদিরে বজত্তি গরং যিগুনোর্ মুয়োনি ফিবলা। মুই নিজো চোগেদি রাজারে, বেগত্তুন্ খেমতাবলা লগেপ্রভুরে দেখ্যং।”

যিরমিয় 10:19

হায়, মঅ আঘাত্‌‍তান গম্ অবার নয়! তো মুই নিজোরে কোইয়োংগে, “ইয়েন মর্ পীড়ে, মত্তুন সিয়েন সোজ্য গরা পুরিবো।” ‍

যিরমিয় 13:21

যেদক্কানি রেজ্যর্ লগে তুই দাংগুত্ব গোজ্যস্ লগেপ্রভু যেক্কে তঅ উগুরে তারারে বোজেব সেক্কে তুই কি কবে? পুয়ো ফুদেবার সময় মিলেগুনে যেবাবোত্যেগুরি পীড়ে পান সেবাবোত্যেগুরি কি তুই পীড়ে ন-পেবে?

যিরমিয় 14:18

মুই নিগিলিনে মাদত্ গেলে মরা মানুচ্চুনোরে দেগং; আর শঅরত্ গেলে দেগং ভাদরাদর্ কারনে ভস্ত। ভাববাদী আর ধর্মগুরুগুনে এমন দেজত্ ঘুরি বেড়াদন যিগুনো পৌইদ্যেনে তারা কিচ্চু হবর্ ন-পান।’ ”

যিরমিয় 15:18

কিত্তে মর্ পীড়ের্ শেজ্ নেই, কিত্তে মঅ ঘাগান গম্ ন-অয়, কিত্তে সিয়েন সারা ন-যায়? তুই কি মইধু মিজে গঙার্ আর কানক্কন্ন্যে পয়নালা পানি ধোক্ক্যেন অবে?

যিরমিয় 18:21

সেনত্তে তুই তারার পুয়ো-ছাগুনোরে ভাদরাদর্ আঢত্ ছাড়ি দে; তলোয়ার আঢত্ তারারে তুলি দে। তারার মোগ্‌কুনে পুয়ো-ছা নেইয়্যে আর রানিমিলে ওক্; তারার মরদ পুয়োগুনে ভানালোই মুরি যাদোক্, আর যুদ্ধোত্ তলোয়ারর কুবোত্ তারার গাবুজ্যে পুয়োগুনে কাবা কাদোক্।‌‌‍‍‍‍

যিরমিয় 22:23

ও লেবাননর এরস গাজর্ বানেয়্যে ঘরত্ বজত্তি গুরিয়্যে মিলেবো, মিলে পুয়ো পুদোইদ্যে পিড়ে ধোক্ক্যেন যেক্কে তঅ উগুরে এবঅ সেক্কে তুই অমকদ ছোট্‌পোধেবে!”

যিরমিয় 30:6

তুমি পুযোর্ গুরি চঅ, মরদে কি পেদত্ পুয়ো রাগেই পারে? সালে কিত্তে মুই পত্তি বোলী মরদরে পুয়ো পুদোনার পীড়ে ভোগ গোজ্যে মিলে ধোক্ক্যেন পেদ উগুরে আঢ্ রাগাদে আর বেক্কুনোর মুয়োনি মরা ধোক্ক্যে রাঙা-কালা মু দেগঙর্?

যিরমিয় 45:2

সে অক্তত্ ভাববাদী যিরমিয় তারে কলঅ, বারূক, ইস্রায়েলর গোজেন লগেপ্রভু তরে কোইয়্যেদে,

যিরমিয় 48:41

তার বেক্ শঅরানি অধিকার গুরিনে ঘরানি গজক্ গরা অবঅ। সেদিন্যে মোয়াব যোদ্ধাগুনোর মনত্ পুয়ো পুদেয়্যে মিলের্ পীড়ে উদেদে মনান ধোক্ক্যেন অবঅ।

যিরমিয় 49:22

চঅ, তারার শত্রুগুন ঈগল ধোক্ক্যেন গুরি অজলত্ উড়িবাক্ আর বস্রাগান উগুরে ডুয়ো মিলিনে শো গুরিনে তলেদি লামি এবাক্। সেদিন্যে ইদোম যোদ্ধাগুনোর মনত্ পুয়ো ফুদোইদ্যে মিলে মনান ধোক্ক্যেন অবঅ।

যিরমিয় 49:24

দামেস্কগান বল্‌‍‍‌‌‌‌‌‌পোজ্যে ওইয়্যে, তে ধেই যেবাত্তে ফিজ্যে আর তারে আজাবোদে ধোজ্যে; পুয়ো ফুদেয়্যে মিলে ধোক্ক্যেন পীড়ে আর যন্ত্রনা তারে ধোজ্যে।

যিরমিয় 50:43

বাবিল রাজা তারা পৌইদ্যেনে হবর্ শুন্যে আর তা আঢ্‌‌‌‌‌তান লুলো ওইনে দুলি পোজ্যে। পুয়ো ফুদোইদ্যে মিলে ধোক্ক্যেন অমকদ পীড়েই তারে ধোজ্যে।

যিরমিয় 6:2

দোল্ আর আরামে থেইয়্যে সিয়োন-ঝিবোরে মুই ভস্ত গুরিম।

আবিলেচ্ 1:17

সিয়োনে তা আঢ্‌‌‌তানি বাবেই দিয়্যে, মাত্তর্ তারে বুঝেবার কনজন নেই। লগেপ্রভু যাকোবত্তে এ উগুমান দিয়্যে, তা পাড়াল্যেগুন তার শত্রু অবঅ। তারা ভিদিরে যিরূশালেমান ওইয়্যেদে এক্কান অসিজি জিনিস।

আবিলেচ্ 1:20

ও লগেপ্রভু, চাহ্, মুই কেধোক্ক্যেন দুঘ্ পাঙর্! মঅ ভিদিরেয়ো যন্ত্রণা অর্। মঅ মনান্ যাগুলুগ্ ওইয়্যে, কিত্যে মুই অমকদ উল্লোমী ওইয়োং। শঅর বারেদি তলোয়ারানিয়ে পরাণানিরে নেযার্, আর ভিদিরে আগেদে বানা মরণান্।

আবিলেচ্ 2:21

পুয়ো আর বুড়োগুনে ধূল্যে ভিদিরে পধে পধে পড়ি আগন্; মর্ গাবুজ্যে-গাবুরিগুনে তলোয়ার ইধু পড়ি যেয়োন। তর্ রাগ দিনোত্ তুই তারারে মারে ফেল্যস্; তুই তারারে কাবি ফেল্যস্, মেয়্যে ন-গরচ্।

হোশেয় 13:13

মিলেগুনোর্ পুয়ো-পুদোইদ্যে শূলোনী ধোক্ক্যেন্ তারে ধোজ্যে, মাত্তর্ তে দঅ বুদ্ধিনেইয়্যে গুরো; সময় এলে তে পেদ মুয়োত্ ন-এজে।

মীখা 4:10

ও সিয়োন-ঝিবো, পুয়ো-ফুদোইদ্যে দুঘ্ পেইয়্যে মিলে ধোক্ক্যেন তুই পীড়েলোই এগুর্ উগুর্ হা, কিত্যে ইক্কিনে তত্তুন্ শঅর্ ছাড়িনে খুলো মাদত্ যেইনে থাহ্ পড়িবো। তুই বাবিলোত্ যেবে; সিয়েনত্ তুই উদ্ধোর্ পেবে। লগেপ্রভু সিয়োদোই তঅ শত্রুগুনো আঢত্তুন্ তরে উদ্ধোর্ গুরিবো।

মীখা 4:9

কিত্তে তুই ইক্কিনে জোরে জোরে কানর্? তুই কি রাজা নেই? তর্ সল্লা দিয়্যেবো কি মুরি যেইয়্যে? সেনত্তে কি পুয়ো ফুদোইদ্যে দুঘ্ পেইয়্যে মিলে ধোক্ক্যেন তরে পীড়ে ধোজ্যে?

মীখা 7:1

কি দযা মর্! মুই ওইয়োংগে তা ধোক্ক্যেন যে বেক্ ফলুন পাড়ি নেযেবার পরেদি আংগুর তুলোদে আর অন্য ফল পাড়িবাত্তে যায়, মাত্তর্ সিদু হেবাত্তে কনঅ আংগুরোর্ থুপ্ নেই, কনঅ পত্তমে পাক্যে ডোমোর্‌অ নেই যিগুন্ মঅ পরাণানে চায়।

মথি লেখ্যে গম্ হবর্ 21:5

“তুমি সিয়োন ঝিবোরে কঅ, তঅ রাজাবো তইধু এজের্। তে চিদে। তে গাধা উগুরে, গাধী ছঅ উগুরে চড়িনে এজের্।”

১ করিন্হীয় 9:16

মুই গম্ হবর্ প্রচার গরঙর্ সত্য, মাত্তর্ সিয়েনত্যে মর্ বাঈনী গুরিবার কিচ্চু নেই, কিয়া মত্তুন্ সিয়েন গরা পুরিবো। দুর্ভাগ্গ্য মর্, যুনি মুই সেই গম্ হবরান্ প্রচার ন-গরং!

১ থিষলনীকীয় 5:3

যেক্কেনে মান্‌জ্যে কবাক্, “শান্তি ওইয়্যে, দর্‌‌গরেপারা কিচ্চু নেই,” সেক্কেনে পিদিলি মিলের্ অদাতৎ পেটপিড়ে উদেধে ধোক্ক্যেন গুরি সেই মানুচ্চুনোর্ সর্বনাজ্ অবঅ। তারা কনভাবদে রোক্ষ্যে ন-পেবাক্।