যিরমিয় 4:28 - Chakma Bible

²⁸ পিথ্‌‌‍তিমীগানে আবিলেচ্ গুরিবো আর আগাজ্‌চান আন্দার্ ওই যেবঅ, কিত্তে মুই সে কধাগান কঙর্। মুয়ই ইয়েন থির্ গোজ্যং; সিয়েনত্তুন ন-ফিরিম, সিয়েন গুরিম্‌বে গুরিম।”‌‍‍‍‍‍

যিরমিয় 4:28 Iomraidhean Croise

যিশাইয় 24:4

পিত্‌থিমীগান ন-লোজ্যে ওই যেবঅ; সংসারান্ শুগেই যেবঅ আর ন-লোজ্যে অবঅ আর পিত্‌‌থিমীর সর্মান পেইয়্যে মানুচ্চুনে আমক্ অবাক্।

যিশাইয় 34:4

আগাজর্ বেলান-চানান্-তারাগুন্ ভস্ত ওই যেবাক্ আর আগাজ্‌ছান বুদি থোইয়্যে কাবোজ্ ধোক্ক্যেন বুদি যেবঅ। যেবাবোত্যেগুরি আংগুর লুদি আর ডোমোর্ গাজত্তুন্ শুগুনো পাদানি পড়ি যায় সেধোক্ক্যেন্ গুরি বেক্ তারাগুন্ পড়িবাক্।

যিশাইয় 5:30

সেদিন্যে তারা সাগর গুজুরোনি ধোক্ক্যেন্ গুরি লগেপ্রভু মানুচ্চুনো উগুরে গুজুরি উদিবাক্। কনজনে যুনি সেক্কে দেজ ইন্দি রিনি চায় সালে তে দেগিবোদে আন্ধার আর দুঘ্; এমন কি, পহ্‌রান্অ মেঘে ঢাগিনে আন্ধার্ ওই যেবঅ।

যিশাইয় 50:3

মুই কাবড় ধোক্ক্যেন গুরি আগাজ্‌চানরে আন্ধার বানাং আর চট্‌‌‌‌‌‌তোই ঢাগি দেদে ধোক্ক্যেন তারে নাঢি দুয়োং‌‌‌।”

যিরমিয় 12:11

সিয়েনে মইধু মানুচ্ নেইয়্যে ওইনে আবিলেচ্ গোজ্যন। পুরো দেজ্‌চান আঙ্যা ভূই ওইনে রোইয়্যে বিলি কনজনে সিয়েন ইন্দি মনযোগ্ ন-দুয়োন।‌‌

যিরমিয় 12:4

আর কয়দিন দেজ্‌‍‍‌‌‌‌‌চানে আবিলেজ্ গুরিবো আর মাদ গাজ্‌‍‍‌‌‌‌‌চানি শুগুনো ওই থেবঅ? যিগুনে সিয়েনত্ বজত্তি গরন তারা ভান্ন্যেই বিলিনে য়েমানে আর পেগ্‌‍‍‌‌‌‌‌কুনে বেক্কুন ভস্ত ওই যেইয়োন। সেই মানুচ্চুনে কদন, “আমার যিয়েন অবঅ সিয়েন তে ন-দেগিবো।”

যিরমিয় 14:2

“যিহূদা আবিলেচ্ গরের্, কিত্তে তা শঅরানি বল্‌পোজ্যে ওই পোজ্যে; সিদুগোর মানুচ্চুনে মাদিত্ পড়িনে আবিলেচ্ গত্তন্, আর যিরূশালেমত্তুন এক্কো কানানা রঅ উগুরে উদের্।‌‍‍‍‍‍‍

যিরমিয় 23:10

দেজ্‌‍‍‍চান বেশ্যেগুন্দোই ভুরি যেইয়্যে, অভিশাবত্তে দেজ্‌‍‍‍‍‍চানে আবিলেচ্ গরের আর ধূল্যেচর-চাগালার চড়িবার বামান্ শুগেই যেইয়্যে। মানুচ্চুনে ভান্ন্যেই পথ্‌তান ধুরিনে চলদন আর তারার খেমতাগান অন্যেয়গুরিনে বেবহার গোজ্যন।

যিরমিয় 23:20

মঅ রাগ্‌‌‌কান মঅ মনান নাঙে ভর্‌পুনং ন-অনা সং ফিরি ন-যেবঅ। তুমি আগামীদি সিয়েন গমেডালে বুঝি পারিবে।‌

যিরমিয় 30:24

লগেপ্রভু যেদক্কন সং তা মনর্ আজাগান্ গমেডালে কামত্ ন-লাগায় সেদক্কন সং তার্ দর্‌গরেপারা রাগ্‌কান ফিরি ন-যেবঅ। আগামিদি তুমি ইয়েন বুঝি পারিবা।‌‌‌‌‍‌‌‌‌‌‍‌

যিরমিয় 51:12

বাবিলরে আক্রমণ গুরিবাত্তে এক্কান বাবতা তুলো। রোক্ষীদলরে আরঅ দরমর গরঅ, চুগিদার্ বজঅ, গুমুরো জাগাত্ সৈন্যগুনোরে যুক্কোল্ রাগঅ। লগেপ্রভু বাবিল মানুচ্চুনো বিরুদ্ধে তার উদ্দেশ্যগান্ আর উগুম মজিম্ কাম গুরিবো।

যিরমিয় 7:16

লগেপ্রভু কোইয়্যেদে, “এ মানুচ্চুনোত্তে তুই কনঅ তবনা ন-গুরিচ্, বা তারাত্তে কানাকুদি বা কনঅ বিশেষ কোজোলী ন-গুরিচ্; মইধু কনঅ মিনতিয়ো ন-জানেবে, কিত্তে মুই তঅ কধা ন-শুনিম।

আবিলেচ্ 2:17

লগেপ্রভু তা পরিকল্পনা মজিম্ কাম গোজ্যে; যে কধানি তে বোউত্ আগেদি কোইয়্যে সে কধানি পূরোণ গোজ্যে। তে মেয়্যে ন-গুরিনে তরে মেলা মারি দিয়্যে; শত্রুরে তঅ বিরুদ্ধে তে ফুত্তি গুরিবাত্তে দিয়্যে, তর্ বিপক্কগুনোর্ বলানি বাড়েই দিয়্যে।

যিহিষ্কেল 24:14

মর্ কাম গুরিবার সময় এচ্চ্যে। মুই সিয়েন গুরিম্‌বে গুরিম, মেয়্যেয়ো ন-গুরিম বা নরমঅ ন-ওম্। তর্ আচার-বেবহার আর তর্ কাম মজিম্ তরে বিচের্ গরা অবঅ। মুই প্রভু লগেপ্রভু এ কধাগান কঙর্।’”

হোশেয় 13:14

“মরণ জাগানর্ খেমতাত্তুন্ মুই মূল্য দিইনে তারে ছাড়েই আনিম। মরণত্তুন্ মুই তারে উদ্ধোর্ গুরিম। ও মরণান্, মর্ ভানাগানি বেক্কানি কুত্তুন্? ও মরণ জাগায়ান, কুদু তর্ ভস্ত? মুই কনঅ মেয়্যে ন-গুরিম। ‌ ‌

হোশেয় 4:3

ইয়েনত্তে দেজ্‌চানে আবিলেচ্ গরের আর যিগুনে দেজ ভিদিরে বজত্তি গত্তন্ তারা শেজ্ ওই যাদন আর য়েমান, পেগ্ আর মাছ মুরি যাদন্।

যোয়েল 1:10

বেক্ খেত্তানি বর্‌‌বাত্ ওই যেইয়্যে, মাদিগানে আবিলেচ্ গরের্, কিত্যে শোজ্যগানি বর্‌‌বাত্ ওইয়্যে, নুয়ো আংগুর-রস শুগেই যেইয়্যে আর তেল শেজ্ ওই এজের্।

সখরিয় 8:14

“মুই বেগত্তুন্ খেমতাবলা লগেপ্রভু কঙর্, তমা পূরোণি মানুচ্চুনে যেক্কে মরে অহুজি গোজ্যন্ সেক্কে মুই তারা উগুরে দযা আনিম্ বিলি ঠিগ্ গোজ্যং আর সিয়েন ঘোদেয়োংঅ।

গণাণা 23:19

গোজেনে দঅ মানুচ্‌ নয়দে যে, মিজে কধা কবঅ; মানুজোত্তুন্‌ তার্‌ জর্ময়ো নয় যে, তে মন বোদোলেব। তে যিয়েনি কবঅ সেধোক্ক্যেন গুরিবো, তার এগেমানি তে আমিঝে পূরোণ গরে।

মথি লেখ্যে গম্ হবর্ 27:45

সেদিন্ন্যে দিবুজ্যে বারটাত্তুন্ ধুরি বেল্যেমাদান্ তিন ঘন্টা সং গোদা দেজ্‌চান আন্ধারে ঢাক্যে এলঅ।

মার্ক 15:33

সেদিন্ন্যে দিবুজ্যে বারটাত্তুন্ ধুরি বেল্যেমাদান্ তিন ঘন্টা সং গোদা দেজ্‌চান আন্ধারে ঢাক্যে এলঅ।

লূকে লেখ্যে গম্ হবর্ 23:44

সেক্কে বেলান্ প্রায় দ্বিবুজ্যে বারটা সময়োত্ যেক্কেনে বেলানে পহ্‌রান্ বন্ধ গুরিলো আর গোদা দেশ্‌চান বেল্যেমাদান্ তিনটা সং আন্ধারে ঢাক্যে এলঅ। আর যিরূশালেমর্ উবোসনা-ঘরর্ পর্দাগান সংমোধ্যেদি ফাদিনে দ্বিভাগ্ ওই গেলঅ।

ইফিষীয় 1:11

গোজেনে তার্ বিচেরবুদ্ধি অনুসারে নিজোর্ আওজ্ মজিম বেক কামানি গরে। তার্ উদ্দেচ্চ্য অনুসারে তে আগে যিয়েনি ঠিগ্ গুরি থোইয়্যে সেই মজিম খ্রীষ্টর্ মাধ্যমে তার্ নিজো মানুচ্ অবাত্যে তে আমারে বেঈ লোইয়্যে।

ইফিষীয় 1:9

ঠিগ্ যেবাবোত্যে তে চেইয়্যে আর খ্রীষ্টর্ মাধ্যমে আগেবাগে ঠিগ্ গুরি থোইয়্যে, সেই মজিম তে তার্ গুমুরো উদ্দেচ্চ্যগানি আমারে জানেয়্যে।

ইব্রীয় 7:21

মাত্তর্ তে যীশুরে দাঙর্ ধর্মগুরু বানেবার অক্তত্ শমক্ খিয়্যে। পবিত্র বোইবোত্ এ পৌইদ্যেনে লেগা আঘে, প্রভু শমক্ খিয়্যে, “তুই উমরত্যে ধর্মগুরু।” এ পৌইদ্যেনে তে তার্ মনান্ ন-বোদোলেব।

ফগদাং পেইয়্যে 6:12

সে পরেদি মুই দেগিলুং, তে যেক্কে ছ'লম্বর সীলমহ্‌রবো ভাঙিলো সেক্কে ভারী ভূজোল্ বেলঅ। বেলান্ এক্কুবারে কালা ওই গেলঅ আর গোদা চানান্ লো ধোক্ক্যেন রাঙা ওই উদিলো।

১ শমূয়েল 15:29

যিবে ইস্রায়েলর বাঈনী পেবার্ তে মিজে কধা ন-কয় বা মনান্অ ন-বদলায়। তে মানুচ্ নয়দে যে, মনান্অ বোদোলেব।”