যিরমিয় 4:22 - Chakma Bible

²² লগেপ্রভু কোইয়্যেদে, “মঅ মানুচ্চুনে ভুল্; তারা মরে ন-চিনোন্। তারা বুদ্ধি নেইয়্যে পুয়ো-ঝি; তারার বুঝিবার খেমতা নেই। ভান্ন্যেই কাম্ গুরিবাত্তে তারা কাবিল্, মাত্তর্ কিবাবোত্যে গুরি গম্ কাম গরা অয় তারা হবর্ ন-পান।”

যিরমিয় 4:22 Iomraidhean Croise

পত্থম 39:16

যোষেফ গিরোজ্‌সো ঘরত্‌ ফিরি-ন এজানা সং কাবড়ান্‌ তে তা মুজুঙোত্‌ রাগেল।

২ শমূয়েল 13:3

দায়ূদো ভেই শিমিয়োর পূঅ যোনাদব অলদে অম্মোনর সমাজ্যে। তে এলদে অমকদ চালাগ্।

গীতসংহিতা 36:3

তারার্ মুয়ো কধানি বজং আর ছলনালোই ভরা; বুদ্ধিবলা ধোক্ক্যেন চলানা তারা বাদ দুয়োন্, আর বাদ দুয়োন্দে গম্ কাম গরানা।

গীতসংহিতা 36:4

বিচ্চোনত্ পুরিনেয়ো তারা বজং বুদ্ধি গরন্; তারা অন্যেয় পধেদি নিজোরে ছাড়ি দুয়োন্ আর ভান্ন্যেইয়ানি কোচ্‌পান্।

গীতসংহিতা 53:4

যিগুনে ভান্ন্যেই কাম্ গুরিনে বেড়ান তারা কি এদক্ অবুঝুনোর্? মানুচ্চুনে যেধোক্ক্যেন্ গুরি হানা খান্ সেধোক্ক্যেন গুরিনে তারা মঅ মানুচ্চুনোরে হেই ফেলান; তারা গোজেনরে ন-ডাগন্।

গীতসংহিতা 82:5

শাজন্‌গুরিয়্যেগুনোর জ্ঞান আর বিচের বুদ্ধি বিলিনে কিচ্ছু নেই, তারা আন্ধারত্ ঘুরদন্; পিত্‌থিমীর বেক তলাগান গির্‌গিরের্।

গম্ উপদেজ্ 28:5

বজং মানুচ্চুনে ন্যায়বিচের পৌইদ্যেনে ন-বুঝোন্, মাত্তর্ যিগুনে লগেপ্রভুর আওজ্ মজিম্ চলন্ তারার গম-ভান্ন্যেই বুঝিবার খেমতা আগে।

যিশাইয় 1:3

গোরুবো তা গিরোজ্‌ছোরে চিনে, গাধাবোয়ো তা গিরোজ্‌ছোর ঘাস খাজাবো চিনে; মাত্তর্ ইস্রায়েলে তা গিরোজ্‌ছোরে ন-চিনে, মঅ মানুচ্চুনে মরে ন-বুঝোন্।”

যিশাইয় 27:11

সিগুনোর্ ডেলাগুন শুগোনার্ পরেদি ভাঙি ফেলা অবঅ আর মিলেগুনে এইনে সিগুন্দোই আগুন জালেবাক্। ইবে এক্কো বুদ্ধিনেইয়্যে জাদ্, সেনত্তে যিবে তারারে বানেয়্যে তারা উগুরে তার্ কনঅ মেয়্যে নেই; তারা উগুরে তারা গোজেনর্ কনঅ দোয়্যে নেই।

যিরমিয় 10:8

তারা বেক্কুনে জ্ঞাননেইয়্যে আর ভুল্। তারার মূত্তিগুন দঅ তক্তালোই বানেয়্যে, সিগুনে কেধোক্ক্যেন গুরি শিক্ষ্যে দিবাক্?

যিরমিয় 13:23

কূশ দেজর্ মান্‌‌‍‍‍জ্যে কি তা কিয়্যে রঙান্ বা হোক্ক্যে বাঘে কি তা কিয়্যের্ ফুদো ফুদো দাগ্‌‌‍‍‍‍‍‍কানি বুদুলি ফেলেই পারে? তুইয়ো সেধোক্ক্যেন গম্ কাম গুরি ন-পারচ্, কিত্তে তুই ভান্ন্যেই কাম্ গরানা অভ্যেস্ গুরি ফেলেয়োচ্।‍

যিরমিয় 2:8

ধর্মগুরুগুনে পুযোর্ ন-গরন, লগেপ্রভু কুধু? যিগুনো আঢত্ রীদি-সুদোম এলঅ তারা মরে ন-চিনোন্; নেতাগুনে মঅ বিরুদ্ধে উল্লোমী গোজ্যন্। ভাববাদীগুনে অপদাত্ত মূত্তিগুনোর পিজেদি যেইনে বাল দেবেদার নাঙে কধা কোইয়োন।

যিরমিয় 4:21

কয়দিন মরে যুদ্ধোর্ বাবতা চাহ্ পুরিবো আর শুনো পুরিবো শিঙের রঅ?

যিরমিয় 5:21

ও ভুল্ আর বুদ্ধিনেইয়্যে মানুচ্চুন, তুমি যিগুনে চোগ্ থাগদেয়ো ন-দেগর্, কান থাগদেয়ো ন-শুনোর্, তুমি শুনো।

যিরমিয় 5:4

মুই ভাবিলুং, “তারা নাঢা আর ভুল্, কিত্তে তারা লগেপ্রভুর পথ্‌তান আর তারার গোজেনর সুদোমানি হবর্ ন-পান।‌

যিরমিয় 9:2

হায়, ধূল্যেচর-চাগালাত্ যেইয়্যেগুনোর থেবার জাগান ধোক্ক্যেন মর্ যুনি এক্কান জাগা থেদঅ! সালে মঅ মানুচ্চুনোরে ছাড়িনে মুই সিয়েনত্ যেই পারিদুং, কিত্তে তারা বেক্কুনে সিনেলী আর বেঈমানর দল।

যিরমিয় 9:3

লগেপ্রভু কোইয়্যেদে, “তারা মিজে সেল্ মারিবাত্তে তারার ধনু ধোক্ক্যেন জিলানরে যুক্কোল্ রাগেয়োন; দেজত্ সত্য উগুরে মিজেগান জিদি যেইয়্যে। তারা পাপ উগুরে পাপ গরা ধোজ্যন্। তারা মরে তারার গোজেন বিলিনে স্বিগের্ ন-গরন।

যিরমিয় 9:5

সমাজ্যে সমাজ্যেরে ঠগায় আর কনজনে সত্য কধা ন-কন। তারা তারার জিলানরে মিজে কধা কবাত্তে শিগেয়োন; পাপ গুরি গুরি তারা নিজোরে বল্‌পোজ্যে গোজ্যন। ‌‌‌‌

যিহিষ্কেল 16:30

“‘মুই প্রভু লগেপ্রভু কঙর্, তুই কদক্ মন-মরা, কিত্তে তুই বেগেয়্যে বেশ্যে ধোক্ক্যেন্ এ কামানি গোজ্যস্।

হোশেয় 4:1

ও ইস্রায়েলীয়গুন, তুমি লগেপ্রভুর কধানি শুনো, কিত্যে যিগুনে দেজত্ বজত্তি গরন্ তারা বিরুদ্ধে লগেপ্রভুর এক্কান আবিত্তি আঘে। সিয়েন অলঅ, দেজত্ বিশ্বেজ্ আর গভীন্ কোচ্‌পানা নেই আর গোজেনরে কনজনে সত্য গুরি ন-জানন্;

হোশেয় 4:6

গোজেন পৌইদ্যেনে জ্ঞানর্ অভাবে মঅ মানুচ্চুন ভস্ত ওই যাদন্। তুমি সেই জ্ঞানানরে এলাফেলা গোজ্য বিলি মুইয়ো মর্ ধর্মগুরু ইজেবে তমারে এলাফেলা গুরিলুং। তুমি তমার্ গোজেনর রীদি-সুদোম্ ভুলি যেইয়ো, সেনত্তে মুইয়ো তমা ঝি-পুয়োগুনোরে ভুলি যেইম্।

হোশেয় 5:4

তারার্ কামানিয়ে তারারে গোজেন ইন্দি ফিরি যেবাত্তে ন-দে। তারা ভিদিরে আঘে বেভিচেরর্ মন। তারা লগেপ্রভুরে সত্য গুরি হবর্ ন-পান।

আমোষ 3:10

প্রভু লগেপ্রভু কত্তে, “তারা ঠিগ্ কাম গুরিবাত্তে ন-জানন্; তারা ঘরানি ভিদিরে তারা অত্যেচারর্ আর লুদেয়্যে মাল থুবেই রাগেয়োন। সেনত্তে একজন শত্রু তারার্ দেজ্‌‌চান ঘিরিবো; তে তারার্ দরমর রোক্ষ্যে গরেদে পথ্‌‌তানি ভস্ত গুরিবো আর ঘরানি লুদেব।”

মীখা 2:1

অভিশাব্ পোড়োক্ তারার্, যিগুনে অন্যেয়র পরিকল্পনা গরন্, যিগুনে নিজো বিচ্ছোনত্ ভান্ন্যেয়র্ ফন্দি গরন্। বেন্যে অলে তারা সেবাবোত্যে কাম্ গরন্, কিত্যে সিয়েন গুরিবার খেমতাগান তারা আঢত্ আঘে।

মীখা 7:3

অন্যেয় কাম্ গুরিবাত্তে তারার্ দ্বিয়েন আত্ কাবিল্। নেতাগুনে বক্‌শিজ্ দাবি গরন, বিচেরগ্‌কুনে ঘুষ হান, দাঙর্ মানুচ্চুনে যিয়েনি চান্ সিয়েনি জানেই দৈন্; তারা বেক্কুনে এক সমারে কুজুরোমী গরন্।

লূকে লেখ্যে গম্ হবর্ 16:8

সেই চাগর্‌বো অসৎ অলেয়ো বুদ্ধি গুরি কাম্ গুরিলো বিলি গিরোজে তারে নাঙ্ গিনিলো। ইয়েন্দোই বুঝো যায় যে, এ জগদর্ মানুচ্চুনে নিজো ধোক্ক্যেন্ মানুচ্চুনো সমারে আচার-বেবহারে পঅর্ রেজ্যর্ মানুচ্চুনোত্তুন্-অ বেশ্ বুদ্ধিবলা।

যোহন 16:3

তারা ইয়েনি বেক্কানি গুরিবাক্ কিয়া তারা বাবারেয়ো ন-চিনোন্, মরেয়ো ন-চিনোন্।

রোমীয় 1:22

যুনিয়ো তারা নিজোরে জ্ঞানী বিলিনে দাবী গরলেয়ো আজলে তারা অঘা ওইয়োন।

রোমীয় 1:28

এবাবোত্যেগুরি মানুচ্‌ গোজেনরে মানিবাত্তে ন-চান্ বিলি গোজেনেয়ো পাপ্পোই ভরা মনঅ আঢত্ তারারে ইরি দিয়্যে, আর সেনত্তে মানুচ্‌ ভান্ন্যেই কাম্ গুরি থান্।

রোমীয় 16:19

তমা বাধ্যতার কধা বেক্কুনে শুন্ন্যন্, আর সেনত্তে মুই তমা উগুরে হুজী ওইয়োং। মুই চাং যেন তুমি গমানরে চিনিনে মানি লঅ আর বজঙত্তুন্ দূরোত্ থাগঅ।

রোমীয় 3:11

কেঅ সত্য জ্ঞান্দোই ন-চলে, কেঅ গোজেনর্ আওজ্ মজিম কাম্ ন-গরে।

১ করিন্হীয় 14:20

ভেইলগ্, চিগোন গুরো ধোক্ক্যেন আর চিন্তে ন-গোজ্জ্য। ভান্ন্যেয় পৌইদ্যেনে তমা মনানি চিগোন গুরো ধোক্ক্যেন সরল ওক্, মাত্তর্ চিন্তেলোই তুমি বুড়ো মান্‌জ্য ধোক্ক্যেন্ অ।

দ্বি’লম্বর বিররণ 32:28

ইস্রায়েল জাদ ভিদিরে গম্‌ বুদ্ধি দিবার মানুচ্‌ নেই, তারার বিবেকবুদ্ধি বিলিনে কিচ্চু নেই।

দ্বি’লম্বর বিররণ 32:6

ও অবুঝ, বুদ্ধিনেইয়্যে জাদ! এবাবোত্যেগুরি কি তুমি লগেপ্রভুরে হেনা উগুরেবা? তে কি তমার বাপ্‌ তে কি সৃট্টি গুরিয়েবো নয়? তেয়ই দঅ তমারে সৃট্টি গোজ্যে; তেয়ই জাদ ইজেবে তমারে থিদেবর্ গোজ্যে।