যিরমিয় 4:2 - Chakma Bible

² যুনি তুই সত্যলোই, ন্যায়লোই আর সততালোই ‘জেদা লগেপ্রভুর নাঙে’ শমক্ খাচ্, সালে মুই অন্য জাদ্‌তুনোরে বর্ দিম্ আর তারা মরে নিইনে বাঈনী গুরিবাক্।”‌‍‌

যিরমিয় 4:2 Iomraidhean Croise

পত্থম 22:18

তঅ বংশগুনো ভিদিরেন্দি পিত্‌থিমীর বেক্‌ জাদতুনে বর্ পেবাক্। তুই মঅ উগুমান্‌ পালেয়োচ্‌ বিলিনে সিয়েন্‌ অবঅ।”

১ রাজাবলী 3:6

জোবত্‌ শলোমনে কলঅ, তর্‌ চাগর্‌বো মঅ বাপ্পোরে তুই বোউত্‌ বিশ্বেজ্ দেগেয়োচ্‌, কিত্যে তে তঅ উগুরে বিশ্বেজি এলঅ আর খাটি আর গম্‌ এলঅ। এচ্চ্যে তার সিংহাসনত্‌ বুজিবাত্তে তুই তারে এক্কো পূঅ দুয়োচ্‌ আর এধোক্ক্যেন্‌গুরি তর্‌ সেই শেজ্‌ ন-ওইয়্যে বিশ্বেজ্ তারে দেগেইনে যর্‌।

গীতসংহিতা 72:17

তার সুনাঙান জিংকানিবর থিদেবর্ ওক্; বেলানে যেদকদিন পহর্ দিবো সেদকদিন তার সুনাঙান্ অদে অদে থোক্। তা মাধ্যমে যেন বেক জাদ্‌তুনে আশিদ্‌বাদ পান; তারা তারে ভালেদি জানাদোক্।

গীতসংহিতা 99:4

যে রাজা ন্যায়বিচের কোচ্‌পায় তা খেমতাগানরে তুয়ই অদে অদে রাগেয়োচ্, যেনে তে গমেডালে বিচের গুরি পারে। তুয়ই যাকোব বংশ ইদু ন্যায়বিচের আর ধর্মগান অদে অদে রাগেয়োচ্।

যিশাইয় 45:23

মুই নিজো নাঙে শমক্ গোজ্যং, মর্ ন্যায্যতালোই মুই এ কধাগান কোইয়োং, আর সিয়েন বাদ্ ন-যেবঅ। সে কধাগান অলঅ, মঅ মুজুঙোত্ বেক্কুনে আঢু পাদিবাক্ আর মর্ অধীনতাগান স্বিগের্ গুরিবাক্।

যিশাইয় 45:25

মঅ ভিদিরে ইস্রায়েলর বেক বংশগুন নিদ্দুযি বিলি প্রমান অবাক্ আর তারা মরে বাঈনী গুরিবাক্।”

যিশাইয় 65:16

দেজ ভিদিরে যে কনঅ মান্‌জ্যে বর্ পেবাত্তে চেবঅ তে সত্যময় গোজেন ইদু সিয়েন চেবঅ; দেজঅ ভিদিরে যে কনজনে শমক্ হেবাক্ তে সত্যময় গোজেন নাঙে সিয়েন গুরিবো; কিত্তে মানুচ্চুনে আগ দুঘ্‌‍‍কানি ভুলি যেবাক্ আর মঅ চোগো মুজুঙোত্তুন্ সিয়েনি লুগেই তুয়ো অবঅ।

যিরমিয় 10:10

মাত্তর্ লগেপ্রভু সত্য সত্য গোজেন; তে জেদা গোজেন আর উমরর্ রাজা। তার রাগে পিত্‌থিমীগান গির্‌গিরেই; জাদ্‌তুনে তার রাগ্‌কান সোজ্য গুরি ন-পারন্।‌‍‌‍‍‌‍‌‍‍‌‍‌‍‍

যিরমিয় 12:15

মাত্তর্ তারারে উগুরে ফেলানার পরেদি মুই আরঅ মেয়্যে গুরিনে তারার পত্তিজনরে তার নিজোর অধিকারে আর নিজোর দেজত্ ফিরেই আনিম।

যিরমিয় 12:16

যুনিয়ো তারা একদিন মঅ মানুচ্চুনোরে বাল দেবেদার নাঙে শমক্ গুরিবাত্তে শিগেয়োন তো যুনি তারা মঅ মানুচ্চুনোর পধেদি আঢন্ আর ‘জেদা লগেপ্রভুর নাঙে’ বিলি মঅ নাঙে শমক্ গরন, সালে তারা মঅ মানুচ্চুনো ভিদিরেত্তুন বর্ পেবাক্।

যিরমিয় 16:19

ও লগেপ্রভু, মর্ খেমতা, মর্ ঘর, মর্ দুঘো সময়োর আশ্রয়, পিথ্‌তিমীর শেজ্ দুযিত্তুন অন্য জাদ্‌‌তুনে তইধু এইনে কবাক্, “আমা পুরোণি মানুচ্চুনে এমন মিজে দেব-দেবেদা আর অপদাত্ত মূত্তির্ গিরোজ্ এলাক্ যিয়েনিলোই তারার কনঅ লাভ ন-অয়।‍‍‍

যিরমিয় 3:17

সে অক্তত্ মান্‌জ্যে যিরূশালেমানরে কবাক্ লগেপ্রভুর সিংহাসন, আর লগেপ্রভুরে উবোসনা গুরিবাত্তে বেক্ জাদ্‌‌‌তুনে যিরুশালেমত্ থুবেবাক্। তারার ভান্ন্যেই মনর্ একগেয়েমিলোই আর তারা ন-চলিবাক্।

যিরমিয় 33:9

সেক্কে এ শঅরানে পিত্‌‌থিমীর বেক জাদ্‌তুনো মুজুঙোত্ মরে হুজি আর সর্মান গুরিবো আর বাঈনী দান গুরিবো। মুই তার যেদক্কানি ভালেদি গুরিম সে জাদ্‌তুনে সিয়েন শুনিবাক্, আর তারে দিয়্যে অমকদ ভালেদি আর সুগ্ শান্দি দেগিনে দরে গির্‌‌গিরেবাক্।

যিরমিয় 5:2

যুনিয়ো তারা হবর্ কন, ‘জেদা লগেপ্রভুর নাঙে,’ তো তারা মিজে গুরিনে শমক্ হান্।”

যিরমিয় 7:5

যুনি ঘেচ্চেকগুরি তুমি তমার আচার-বেবহার আর কামানি বদল আর গমেডালে একজন আরেকজন সমারে বেবহার গরঅ,

যিরমিয় 9:24

মাত্তর্ যে বাড়্‌বো গুরিবাত্তে চায় তে ইয়েনিলোই বাড়্‌বো গোরোক্, তে মরে বুঝে আর হবর্ পায়, অত্তাৎ তে হবর্ পাইদে, মুয়ই লগেপ্রভু; মর্ কোচ্‌পানাগান বোউত্ আর পিত্‌থিমীত মর্ কামানি ন্যায়ে আর সততালোই ভরা। ইয়েনি পৌইদ্যেনে মুই গম্ পাং। মুই লগেপ্রভু এ কধাগান কঙর্।”‌‍

হোশেয় 2:19

ও ইস্রায়েল, মুই তঅ লগে মিজেবাত্তে উমরত্তে থিদেবর্ গুরিম; সততা, ন্যায়বিচের, অমকদ কোচ্‌পানা আর দোয়্যেগান মুই সে মিজেনাগান পাক্কা গুরিম।‌‌‌

যোয়েল 2:12

লগেপ্রভু ফগদাং গোজ্যে, “মাত্তর্ ইক্কিনে তুমি উবোস, কানাকুদি আর আবিলেচ্ গুরিনে বেক্ মনান্ দিইনে মইদু ফিরি এজঅ।”

সখরিয় 8:8

যিরূশালেমত্ বজত্তি গুরিবাত্তে মুই তারারে ফিরেই আনিম। তারা মঅ মানুচ্ অবাক্ আর মুই তারার্ গোজেন ওম্; মুই তারা উগুরে বিশ্বেজি আর ন্যায়বান থেইম্।

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

১ করিন্হীয় 1:31

ইয়েনত্তে পবিত্র বোইবোর্ কধা মজিম, “যে দেমাগ্ গরে তে প্রভুরে নিইনে দেমাগ্ গোরোক্।”

২ করিন্হীয় 10:17

মাত্তর্ পবিত্র বোইবোর্ কধা মজিম্, “যে দেমাগ্ গরে তে প্রভুরে নিইনে দেমাগ্ গোরোক্”;

গালাতীয় 3:8

পবিত্র বোইবোত্ আগে লেগা ওইয়্যেদে, বিশ্বেজত্যে গোজেনে অযিহূদীগুনোরে নিদ্দুজি বিলিনে মানি লবঅ। অব্রাহাম ইধু এ কধাগান কোইনে আগেদি গম্ হবরান জানা ওইয়্যে, “তর্ মাধ্যমে বেক্‌ জাদ্‌তুনে বর্ পেবাক্।”

দ্বি’লম্বর বিররণ 10:20

তুমি তমার্‌ গোজেন লগেপ্রভুরে ভোক্তি গুরিবা আর তারে সেবা গুরিবা; তারেই আজাবোদে ধুরি থেবা আর তার্‌ নাঙেই শমক্‌ গুরিবা।

দ্বি’লম্বর বিররণ 4:30

যেক্কেনে তুমি দুগোত্‌ পুরিবা আর এই বেক্কানি তমা উগুরে ঘুদি যেবঅ সেক্কে আগামি দিনুনোত্‌ তুমি তমা গোজেন লগেপ্রভু ইদু ফিরি এবা আর তার্‌ বাধ্য ওইনে চলিবা।

দ্বি’লম্বর বিররণ 6:13

তমার গোজেন লগেপ্রভুরে তুমি ভোক্তি গুরিবা, বানা তারেই সেবা গুরিবা আর তার্‌ নাঙেই শমক্‌ গুরিবা।

ফিলিপীয় 3:3

আমি ঘেচ্চ্যেকগুরি চুনু মাঢবোর চামান কাপ্যে মানুচ্‌, কিয়া আমি গোজেন আত্মার্ মাধ্যমে তার্ উবোসনা গুরিই আর খ্রীষ্ট যীশুরে নিইনে বার্ গুরিই আর চুনু মাঢা কাপ্যে উগুরে নির্ভর ন-গুরিই।

রূত 3:13

তুই এচ্চ্যে রেদোত্‌ ইয়োদোই থাক্‌। কেল্যে বেন্যে যুনি তে তর্‌ কাম ভারান নেযাদে রাজী অয় সালে গম্‌; তেয়ই সিয়েন গোরোক্। মাত্তর্‌ যুনি তে রাজী ন-অয় সালে মুই জেদা লগেপ্রভুর শমক্‌ গুরিনে কঙর্‌, মুই তর্‌ কাম ভারান্ লোম। বেন্যেমাদান্ ন-অনা সং তুই ইয়োদোই পড়ি থাক্।”

১ শমূয়েল 20:3

মাত্তর্‌ দায়ূদে আরঅ শমক্‌ খেইনে কলদে, “তঅ বাবে অমকদ গমেডালে হবর্‌ পাইদে, তুই মরে কোচ্‌পাচ্‌। সেনত্যেই অয়ত তে মনে মনে চিন্তে গোজ্যে, যোনাথনরে এ পৌইদ্যেনে ন-জানানা গম্‌, তে দুঃখো পেবঅ। মাত্তর্‌ জেদা লগেপ্রভুর দিব্য আর তর্‌ পরাণর দিব্য দিইনে মুই কঙর্‌, মরণান্‌ মইত্তুন্‌ বানা এক বিগোত্‌ দূরোত্‌।”