যিরমিয় 4:19 - Chakma Bible

¹⁹ হায়, মর্ মনান, মর্ মনান্! মুই যন্ত্রনালোই মজরা হাঙর্। হায়, মর্ মনান! মঅ ভিদিরে মঅ মনান ধুক্ ধুক্ গরের্। মুই জুরো গুরি থেই ন-পারঙর্, কিত্তে মুই শিঙের রঅ শুন্যং, মুই যুদ্ধোর্ ডাগ শুন্যং।

যিরমিয় 4:19 Iomraidhean Croise

পত্থম 49:6

তারার ভিদিরে ভিদিরে কুজুরোমিগানিত্ মর্‌ কনঅ ভাগ্‌ নেই, মুই তারা দলত্‌ নয়। তারা রাগে মানুজ্‌ খুন্‌ গোজ্যন, আর নিজো মনে মন্‌‌জক্কা গুরি গোরু টেঙ রক্কুন্‌ কাবি দুয়োন্‌।

২ রাজাবলী 8:11

ইয়েন্‌ কোইনে হসায়েলে লাজত্ ন-পড়ানা সং ইলীশায় তাইন্দি চেই রলঅ। সে পরেন্দি গোজেন মানুচ্চো কানানা আরাম্ভ গুরিলো।

গীতসংহিতা 103:1

ও মর্ পরাণান্, লগেপ্রভুর বাঈনী গর্; ও মর্ মনান, তা পবিত্রতাগানর বাঈনী গর্।

গীতসংহিতা 116:7

ও মর্ পরাণান, আরঅ এক্কানা অলর্ অ, কিত্তে লগেপ্রভু তরে বোউত্ ভালেদি গোজ্যে।

গীতসংহিতা 119:136

মঅ চোগো পানিগান গঙার ধোক্ক্যেন বেঈ যার্, কিত্তে মান্‌জ্যে তঅ উগুমান ন-মানন্।

গীতসংহিতা 119:53

পাজি মানুচ্চুনোর পাজিগানি দেগিলে অমকদ মত্তুন্ রাগ লাগে; তারা দঅ তর্ উগুমানি বাদ দুয়োন।

গীতসংহিতা 146:1

লগেপ্রভুরে নাঙ্ গিনে ওক্। ও মর্ পরাণান্, লগেপ্রভুরে বাঈনী গর্।

গীতসংহিতা 16:2

মুই লগেপ্রভুরে কোইয়োং, “তুয়ই মর্ প্রভু; তুই বাদে আর্ কনকিজুত্ মর্ ভালেদি নেই।”

যিশাইয় 15:5

মোয়াবত্তে মঅ মনান কানের্; তা মানুচ্চুনে সোয়র ইন্দি ইগ্লৎ-শলিশীয়া সং ধেই যাদন্। তারা কানদে কানদে লূহীতোর মুড়োমুড়ি পথ্‌তানত্ উদি যাদন্; তারার জাগানি ভস্ত ওইয়্যে বিলিনে তারা আবিলেচ্ গত্তে গত্তে হোরণয়িমর পধেদি যাদন্।

যিশাইয় 16:11

মঅ মনান মোয়াবত্তে, মঅ ভিদিরেদিগান কীর্-হরসতত্তে বীণা ধোক্ক্যেন গুরি কানের্।

যিশাইয় 21:3

মুই পেট সুলোনিলোই অমকদ দুঘ্ পাঙর্, মিলেগুনোর পুয়ো পুদোনা ধোক্ক্যেন পিড়েয় মরে ধোজ্যে। মুই এমন্ পিড়ে পাঙর্, ন-শুনোঙর্ এমন্ দরাঙর, ন-দেগঙর্।

যিশাইয় 21:4

মঅ মনান্ ধুক্ ধুক্ গরের্; অমকদ দর্ বুগ লাগিনে যারকাদা ছারি উদোন্। যে সাজোন্যেগানত্তে মুই বাজ্জেই থেদুং সিয়েন ইক্কিনে মইদু দর্‌গরেপারা ওইয়্যে।

যিশাইয় 22:4

সেনত্তে মুই কলুং, “মঅ কায়-কুরেত্তুন যগোই; মরে যদবদে কানিবাত্তে দুয়ো। মঅ মানুচ্চুন ভস্ত ওইয়োন বিলিনে মরে বুঝেবার চেষ্ট্যা ন-গোজ্জ্য।”

যিরমিয় 13:17

তুমি যুনি কধা ন-শুনো সালে তমা বাড়্‌বোগানত্তে মুই গুমুরে গুমুরে কানিম্, জদবদে কানিম্ আর মঅ চোগ্‌কুন চোগো পানিয়ে ভাজি যেবাক্, কিত্তে লগেপ্রভুর মানুচ্চুনোরে বন্দী গুরি নেযা অবঅ।‌‍‍‍

যিরমিয় 20:9

মাত্তর্ যুনি মুই কং, “মুই তা কধাগান কোই ন-দিম বা তা নাঙান ধুরিনে আর কিচ্চু ন-কোম্,” মাত্তর্ তা কধাগান মঅ মনত্ যেন জোল্‌‌জোল্যে আগুন ওইনে আড় ভিদিরে বন্ধ ওই থায়। মুই সিয়েন ভিদিরে রাগাদে রাগাদে বল্‌‌পোজ্যে ওই পড়ং; ঘেচ্চেকগুরি মুই আর সিয়েনি ভিদিরে রাগেই ন-পারং।‍‍‍

যিরমিয় 23:9

যেরেদি ভাববাদীগুনো পৌইদ্যেনে লগেপ্রভুর কধানি শুনিনে মঅ মনান যেন ভিদিরে ভিদিরে ভাঙি পোজ্যে আর মর্ বেক আড়ুন গির্‌গিরেদন। লগেপ্রভু আর তার পবিত্র কধানিত্তে মুই মাত্তল ধোক্ক্যেন, আংগুর-রস হেইনে অমকদ মাত্তল ওইয়্যে মানজ্য ধোক্ক্যেন ওইয়োং।‍‍‍

যিরমিয় 4:21

কয়দিন মরে যুদ্ধোর্ বাবতা চাহ্ পুরিবো আর শুনো পুরিবো শিঙের রঅ?

যিরমিয় 4:5

“তুমি যিহূদা দেজত্ আর যিরূশালেমত্ ফগদাং গুরিনে কঅ, ‘পুরো রেজ্যত্ শিঙা বাজঅ।’ জোরে রঅ ছাড়িনে কঅ, ‘তুমি এক সমারে এগত্তর্ অ। আঢঅ, আমি দেবাল ঘিজ্যে শঅরানিত্ যেই।’

যিরমিয় 42:14

আর যুনি তুমি কঅ, আমি যেইনে মিসরত্ বজত্তি গুরিবোং; সিদু আমি যুদ্ধোও ন-দেগিবোং, শিঙের রয়ো ন-শুনিবোং, হানার অভাবে পেদঅ ন-পুরিবো,

যিরমিয় 49:2

চঅ, সময় এচ্চ্যে যেক্কে মুই অম্মোনীয়গুনোর রব্বা শঅর বিরুদ্ধে যুদ্ধোর ডাগনি দিম; সেক্কে সিয়েন ভস্তর্ কুড়্ অবঅ, আর তার চেরোকিত্তে আদামানিত্ আগুন লাগা অবঅ। সেক্কে যিগুনে ইস্রায়েলরে ধাবেইনে নিগিলেই দুয়োন ইস্রায়েলে তারারে লোড়েইনে নিগিলেই দিবো। মুই লগেপ্রভু এ কধাগান কঙর্।

যিরমিয় 50:22

দেজত্ যুদ্ধোর্ আর দাঙর্ বাবোত্যে ভস্ত অবার্ রঅ অর্।

যিরমিয় 6:24

আমি তারা পৌইদ্যেনে হবর্ পেইয়্যেই আর সেনত্তে আমা আঢ্‌‍‍‍‍‍তানি যেন অবশ ওইনে লুঙি পড়ের্। পিড়েগানে আমারে ঘিরি ধোজ্যে; পুয়ো পুদোইদে মিলে ধোক্ক্যেন পিড়েগানে আমারে ধোজ্যে।

যিরমিয় 8:18

মর্ দুঘ্‌খোগান এদক্ বেশ্, সিয়েনর সান্ত্বনা নেই; মঅ ভিদিরে মঅ মনানে অমকদ দুঘ্ পার্।‌‌

যিরমিয় 8:21

মঅ মানুচ্চুনে ভাঙি পোজ্যন্ বিলিনে মুইয়ো ভাঙি পোজ্যং; মুই চিৎপরা কাঙর্ আর অমকদ দরানে মরে ধোজ্যে।

যিরমিয় 9:1

হায়, মঅ মাঢাবো যুনি পানির ঝুর্‌ঝুরি অদঅ, আর মঅ চোগ্‌কো অদঅ পানির পয়নালা! সালে মঅ জাদর্ যে মানুচ্চুনোরে মারে ফেলা ওইয়্যে তারাত্তে মুই দিনে রেদে কানিদুং।‌‌‌

যিরমিয় 9:10

মুড়োমুড়িগুনোত্তে মুই কানিম্ আর আবিলেচ্ গুরিম আর আবিলচ্ গুরিম ধূল্যেচর-চাগালার য়েমান চোড়েবার জাগানিত্তে। সিয়েনি ভস্ত ওই যেইয়্যে, সিয়েনত্ কনজনে যানা-এযানা ন-গরন্। য়েমান পালর ডাগনি আর শুনো ন-যায়। আগাজ পেগ্‌কুনে ধেই যেইয়োন আর এ্যামানুনে যেয়োন্দোই।‍

আবিলেচ্ 1:16

সেনত্তে মুই কানঙর্, মঅ চোগ্‌কুন পানিয়ে ভাযি যার্। মরে বুঝেবাত্তে মইদু কনজন নেই, কনজন নেই যে মঅ পরাণান জুড়েই দে। মঅ ঝি-পুয়োগুনে গায় গায় ওই যেইয়োন, কিত্তে শত্রুগুনে জিদি যেইয়োন।”

আবিলেচ্ 1:20

ও লগেপ্রভু, চাহ্, মুই কেধোক্ক্যেন দুঘ্ পাঙর্! মঅ ভিদিরেয়ো যন্ত্রণা অর্। মঅ মনান্ যাগুলুগ্ ওইয়্যে, কিত্যে মুই অমকদ উল্লোমী ওইয়োং। শঅর বারেদি তলোয়ারানিয়ে পরাণানিরে নেযার্, আর ভিদিরে আগেদে বানা মরণান্।

আবিলেচ্ 2:11

কানদে কানদে মঅ চোগ্‌কুন চিবে চিবে ওইয়োন, মঅ ভিদিরেয়ো যন্ত্রণা অর্; মঅ মানুচ্চুন ভস্ত ওইয়োন, আর ঝি-পুয়োগুনে আহ্ চিগোন গুরোগুনে শঅরর্ খুলো জাগানিত্ অজ্ঞান ওইনে পড়ি আগন্। সেনত্তে মঅ মনান্ যেন মাদিত্ ঢুলি পোজ্যে।

দানিয়েল 4:19

সেক্কে দানিয়েল, অত্তাৎ বেল্টশৎসরে স্ববনান কধা চিদে গুরিনে দোরেল আর কিজু সময়োত্তে আমক্ ওই রলঅ। সেক্কে রাজা কলঅ, “ও বেল্টশৎসর, স্ববনান্ বা সিয়েনর্ ভেদ্‌তানে তরে চিন্তিত ন-গোরোক্।” বেল্টশৎসরে জোব্ দিলো ও মর্ প্রভু, এ স্ববনান্ আর সিয়েনর ভেদ্‌তান্ তঅ শত্রুগুনে উগুরে ঘোদোক্।

দানিয়েল 7:15

সেক্কে মুই দানিয়েলর্ স্ববনানত্ মনত্ দুঘ পেলুং আর মুই যিয়েনি যিয়েনি দেখ্যং সিয়েনি মরে কাঙেলেত্যেত্ ফেলেল।

দানিয়েল 7:28

“ইয়েনত্ সেই স্ববনর বেপারান থুম্। মুই দানিয়েল মর্ এই বেক্ চিন্তেগানিত্তে এদক্ দোরেয়োং যে, মর্ মুয়োন অন্যবাবোত্যে ওই গেলঅ, মাত্তর্ স্ববনর্ বেপারান মুই মনত্ গাদেই রাগেলুং, কাররে ন-কলুং।”

দানিয়েল 8:27

মুই দানিয়েল বল্‌‌‌পোজ্যে ওই পড়িলুং আর অসুগ্ ওইনে কয়েকদিন পড়ি থেলুং। সে পরেদি মুই উদিনে রাজার কাম গুরিবাত্তে গেলুং। মুই সেই দর্শনান্ দেগিনে অমকদ চিন্তেত্ পোজ্যং, কিয়া সেই দর্শনানর্ ভেদ্‌তান্ মুই বুঝি ন-পারিলুং।

আমোষ 3:6

শঅরত্ শিংগার রঅ শুনিলে কি মানুচ্চুনে ন-গির্‌গিরান? লগেপ্রভু ন-ঘোদেলে কি শঅরত্ দযা ঘদে?

হবক্‌‌‌‌কূক 3:16

সেই রবো শুনিনে মুই গির্‌গিরে ধুরিলুং, মঅ ঠুট্‌টোয়ো গির্‌গিরে উদিলো; মুই বল্‌পোজ্যে ওই পড়িলুং আর মঅ টেঙানি গির্‌গিরে ধুরিলো। তো মুই সেদিন্নোত্যেই ধৈজ্জ্য ধুরিনে বাজ্জেই থেইম্ যেদিন্যে আমা আক্রমন গুরিয়্যেগুনো উগুরে দযা এবঅ।

গণাণা 10:9

নিজোর দেজত্ থাগদে যেক্কে তুমি কনঅ অত্যেচার্ গুরিয়্যে শত্রুর বিরুদ্ধে যুদ্ধো গুরিবাত্তে যেবা সেক্কে দ্বিবে বাঁশি বাজেইনে সার্‌ দিবে। তমা গোজেন লগেপ্রভু সেক্কে তমা কধানি চিন্তে গুরিনে শত্রুগুনোর আঢত্তুন্‌ তমারে উদ্ধোর্‌ গুরিবো।

রোমীয় 10:1

ভেইলগ্, ইস্রায়েলীয়গুনোত্যে মঅ মনত্ অমকদ আওজ্ আর গোজেন ইধু মর্ তবনাগান ইয়েন, তারা যেন পাপত্তুন্ উদ্ধোর্ পান্।

১ করিন্হীয় 14:8

যুদ্ধোর্ তূরীবো যুনি গমেডালে ন-বাজে সালে কন্না যুদ্ধোত্ যেবাত্তে নিজোরে যুক্কোল্ গুরিবো।

গালাতীয় 4:19

মর্ পুয়ো-ছাগুন্, যেদক্ বিলোন সং তুমি খ্রীষ্ট ধোক্ক্যেন ন-অ সেদক্ বিলোন সং মুই আরঅ তমাত্যে পুয়ো ফুদোইদ্যে দুঘো ধোক্ক্যেন কষ্টত্ ভুগোঙর্।

বিচের গুরিয়্যেগুন 5:21

সে পূরোণ্‌কালর গাঙর্‌ পানিগানে, সে কীশোন গাঙর্‌ পানিগানে শত্রুগুনোরে ভাজেই নেযেল। ও মর্‌ মনান্‌, দর মর ওইনে উজেই যাহ্।