যিরমিয় 4:18 - Chakma Bible

¹⁸ তর্ আচার-বেবহার আর তর্ বেক্ কামানিত্তে ইয়েনি তঅ উগুরে এচ্চ্যে। ইয়েন তর্ পাজি কাম্ গরানার সাজা। ইয়েন অমকদ তিদে; ইয়েন তর্ মনানরে সেল্ মাজ্যে।”

যিরমিয় 4:18 Iomraidhean Croise

গীতসংহিতা 107:17

যিগুনোর মনানি বাজে সিগুনে তারার উল্লোমিগানিত্তে আর অন্যেয়ত্তে দুঘ্ পেলাক্।

গম্ উপদেজ্ 1:31

সেনত্তে তারার নিজোর কামর ফল পেবাক্, নিজো সল্লা গোজ্যে ফল্লোই পেট ভরা পুরিবো।

গম্ উপদেজ্ 5:22

পাজি মানুচ্চো তা ভান্ন্যেই কামর ফালত্ পড়ে, তে নিজো পাপ দুড়িত্ বানা হায়।

যিশাইয় 50:1

লগেপ্রভু কত্তে, “মুই যে ছুড়্ কাবোজ্‌চান দিইনে তমা মাবোরে দূর্ গুরি দুয়োং সিয়েন কুদু? মর্ লোনদিয়্যেগুনোর ভিদিরেত্তুন্ কাইদু মুই তমারে বিজি দুয়োং? তমা পাপত্তে তুমি বেজা যেইয়ো; তমা অন্যেয়ত্তে তমা মাবোরে দূর্ গরা ওইয়্যে।

যিরমিয় 14:16

যিদুক্কুন মান্‌‍জ্য ইধু তারা ভাববাদী ইজেবে কধা কদন্ তারার মরা কিয়্যেনি ভাদরাত্ আর যুদ্ধোত্তে যিরূশালেমর পধে পধে ছিদি ফেলেই দিয়্যে অবঅ। তারার বা তারার মোগ্‌‍‍‍‍‍কুনোরে আর ঝি-পুয়োগুনোরে গোরত্ দিবাত্তে কনজন ন-থেবাক্। তারার পাওনা দুর্দশা মুই তারা উগুরে ঢালি দিম।‍

যিরমিয় 2:17

তর্ গোজেন লগেপ্রভু যেক্কে তরে ঠিগ্ পধেদি চালেয়্যে সেক্কে কি তুই তারে ছাড়িনে ইয়েনি বেক্কানি নিজো উগুরে ন-আনস্?

যিরমিয় 2:19

তর্ পাজি কামানিয়ে তরে সাজা দিবো; তর্ ভান্ন্যেই পধেদি যানাগানে তরে দুষি গুরিবো। সালে এবেরা চিদে গর্ আর বুঝি চাহ্, তুই যেক্কে তর্ গোজেন লগেপ্রভুরে ছাড়ি যাচ্ আর তারে ন-দরাচ্ সেক্কে সিয়েন তত্তে কত্তমান বজং আর তিদে অয়। এ কধাগান মুই বেগত্তুন্ খেমতাবলা প্রভু লগেপ্রভু কঙর্।

যিরমিয় 26:19

যিহূদার রাজা হিষ্কিয় বা যিহূদার অন্য কনজনে কি মীখারে মারে ফেলেয়োন? হিষ্কিয় কি লগেপ্রভুরে ভোক্তিগুরিনে ন-দরায় আর তার দোয়্যে ভিক্ষে ন-গরে? ইয়েনত্ লগেপ্রভু মানুচ্চুনো উগুরে যে দযাগান্ পাদেবার কধা কোইয়্যে সিয়েন আর ন-পাদায়। মাত্তর্ আমি দঅ নিজো উগুরে এক্কান দর্‌‌‌গরেপারা দযা ডাগি আন্ন্যেই‌।”

যিরমিয় 5:19

যেক্কে মান্‌জ্যে পুযোর্ গুরিবাক্, ‘আমা গোজেন লগেপ্রভু আমা উগুরে ইয়েনি কিত্তে গুরিলো?’ সেক্কে তুই তারারে কবে, ‘যেবাবোত্যে তুমি মরে ছাড়িনে তমা দেজত্ দেব-দেবেদাগুনোরে সেবা গোজ্য সেবাবোত্যেগুরি যে দেজ্‌‌‌চান তমার নিজোর নয় সে দেজত্ যেইনে ইক্কিনে তুমি বিদেশিগুনোরে সেবা গুরিবে।’ ”

যিরমিয় 5:25

তমা অন্যেয় কামানিত্তে ইয়েনি দূরোত্ রাগা ওইয়্যে; তমা পাপত্তে তমার ভালেদি ন-অয়।

যিরমিয় 6:19

ও পিত্‌‍‍‍থিমীগান শুন, মুই মানুচ্চুনো উগুরে দজা ডাগি আনিম; সিয়েন অবদে তারার পরিকল্পনার ফল, কিত্তে তারা মঅ কধাগান ন-শুনোন্ আর মর্ সুদোমানি এলাফেলা গোজ্যন্। ‍

আবিলেচ্ 3:15

তিদেলোই তে মরে ভড়ন্ গোজ্য, বিষ্‌চোই মঅ পেট্‌তো ভোরেয়্যে।

যিহিষ্কেল 39:24

তারার্ অসিজি আর পাপ মজিম্ মুই তারা লগে বেবহার গোজ্যং আর তারাত্তুন্ মর্ মুয়োন ফিরেই রাগেয়োং।”

হোশেয় 7:2

মাত্তর্ তারা ন-বুঝোন্, তারার্ বেক অন্যেয় কামানি মুই ইদোত্ রাগাং। তারার পাপ্‌‌‌‌‌‌পানিয়ে পুরোপুরি গুরিনে তারারে ঘিরি রাগেয়্যে; সিয়েনি নিত্য মঅ মুজুঙোত্ রোইয়্যে।