যিরমিয় 4:1 - Chakma Bible1 লগেপ্রভু কোইয়্যেদে, “ও ইস্রায়েল, তুই যুনি ফিরি এবাত্তে চাজ্ সালে মইধু ফিরি আয়। যুনি তুই মঅ চোগো মুজুঙোত্তুন তর্ জঘন্য মূত্তিগুনোরে সোরেই দুয়োচ্ আর ভান্ন্যেই পধেদি ন-যাচ্, Faic an caibideil |
যিরমিয় 4:1
38 Iomraidhean Croise
ইয়েনি বাদেয়ো যিগুনে ভুত্তোই কাম্ গরন্ আর যিগুনে বজং আত্মালোই মিজেন্ যোশিয় তারারে ধাবেই দিলো। তে পরিবার দেবেদামূত্তি, মূত্তি আর যিহূদা আর যিরূশালেমত্ যেদক্কানি জঘন্য জিনিস্ দেগিলাক্ সিয়েনি বেক্কানি ধাবেই দিলো। ধর্মগুরু হিল্কিয় লগেপ্রভুর ঘরত্ রীদি-সুুদোম লেগা যে বোইবো তোগেইনে পেইয়োন্ সিবের্ বেক্ কধানি যেনে গমেডালে পালা অয় সেনত্তে যোশিয় এ কামান্ গোজ্যে।
আসা বেক্ কধানি শুনিনে, অত্তাৎ ওদেদর পুয়ো ভাববাদী অসরিয়য় ভবিচ্চদর্ কধানি শুনিনে সাহস পেলঅ। তে যিহূদা আর বিন্যামীনর পুরো চাগালাত্তুন্ আর তার্ গজক্ গোজ্যে ইফ্রয়িমর মুড়োমুড়ি চাগালার আদাম আর শঅরানিত্তুন্ জঘন্য বানেয়্যে মূত্তিগুন্ ভস্ত গুরি দিলো। তে লগেপ্রভুর ঘরর্ আস্ছালা মুজুঙোত্ রাগেয়্যে লগেপ্রভুর ঢালিঘরান্ ঠিগ্ গুরিলো।
লগেপ্রভু কোইয়্যেদে, যুনি কনঅ মান্জ্যে তা মোক্কোরে ছাড়ি দে আর সে মিলেবো তারে ছাড়িনে অন্য মান্জ্যরে লয়, সালে সে মরত্তোর্ কি আরঅ সেই মিলেবো ইধু ফিরি যেবার সুদোম্ আঘে? যুনি যায় সালে সে দেজ্চান পুরোপুরি অসিজি ওই যেবঅ। মাত্তর্ তুই দঅ ভালোক্কুনো সমারে থেইনে বেশ্যে ধোক্ক্যেন জিংকানি কাদেয়োচ্; ইক্কিনে তুই কেধোক্ক্যেন গুরিনে মইধু ফিরি এবে?
মুই মর্ বেক চাগরুনোরে, অত্তাৎ ভাববাদীগুনোরে বারে বারে তমা ইধু পাদেয়োং। তারা কোইয়োন্দে, তুমি পত্তিজনে ভান্ন্যেই পধিত্তুন ফিরো আর তমা চালচলনানি গম্ গরঅ; দেব-দেবেদাগুনোরে সেবা গুরিবাত্তে তারা পিজেদি ন-যেয়ো। সালে যে দেজ্চান মুই তমারে আর তমা পুরোণি মানুচ্চুনোরে দুয়োং সিয়েনত্ তুমি বজত্তি গুরি পারিবা। মাত্তর্ তুমি মঅ কধালোই মনযোগ ন-দুয়ো আর ন-শুনো।
সেক্কে শমূয়েলে বেক্ ইস্রায়েলীয়গুনোরে কলঅ, “যুনি তুমি তমার বেক্ মনান্দোই আরঅ লগেপ্রভুর ইদু ফিরি এবাত্তে চঅ, সালে তমা ভিদিরেত্তুন অন্য জাদ্তুনোর্ দেব-দেবেদা আর অষ্টারোৎ দেবেদার মূত্তিগুন সোরেই দুয়ো আর লগেপ্রভুর ইন্দি নিজোর মনান্ ঠিগ্ গুরিনে বানা তারে সেবা গরঅ। সালে তে পলেষ্টীয়গুনোর আঢত্তুন তমারে উদ্ধোর গুরিবো।”
Sanasan