যিরমিয় 39:9 - Chakma Bible

⁹ সে অক্তত্ যিগুনে শঅরত্ থেলাক্, যিগুনে বাবিলর্ তপ্পে যেইয়োন আর দেজর্ বাদ্‌বাগি মানুচ্চুনোরে বাবিল রাজার চুগিদারুনোর সেনাপতি নবূষরদনে বন্দী গুরিনে বাবিলত্ নেযেল।

যিরমিয় 39:9 Iomraidhean Croise

পত্থম 37:36

ইন্দি মিদিয়নীয়গুনে যোষেফরে মিসরত্‌ নেযেইনে পোটীফর ইধু বিজি দিলাক্। পোটীফরে এলঅ ফরৌণর এক্কো চাগর, তা সৈন্যগুনোর্‌ বেগঅ নেতাবো।

২ রাজাবলী 20:18

তর্‌ কয়েক্কো বংশধর, তর্‌ নিজোর্‌ পুয়ো, যিগুনোরে তুই জর্ম দুয়োচ্‌ তারা বাবিলো রাজা ঘরত্‌ ইজিরে নমনসুক্ ওই থেবাক্‌।”

২ রাজাবলী 25:11

শঅর বাদবাগি মানুচ্চুনোরে আর যিগুনে বাবিলো রাজার পক্ষে যেইয়োন্‌ তারারে বেক্কুনোরে রোক্ষ্যেদলর সেনাপতি নবূষরদনে বানি নেযেল,

২ রাজাবলী 25:20

সেনাপতি নবূষরদনে তারারে বেক্কুনোরে বানিনে রিব্‌লাতদ্‌ বাবিলো রাজার ইদু নেযেল।

যিশাইয় 5:13

সেনত্তে বুদ্ধির্ অভাবে মঅ মানুচ্চুনে অন্য দেজত্ বন্দি ওই থেবাক্। তারার্ মুরুব্বিগুনে পেট্ পরায় মুরিবাক্, আর তারার্ অন্য মানুচ্চুনোর্ বুগ্‌কুন্ পানি তিরেজে শুগেবাক্।‌

যিরমিয় 10:18

কিত্তে লগেপ্রভু কোইয়্যেদে, “এ অক্তত্ যিগুনে দেজত্ থেবাক মুই তারারে ছিদি ফেলেই দিম; মুই তারা উগুরে এন্ দুঘ্ আনি দিম যেনে তারা ধরা পড়ন্।”

যিরমিয় 16:13

সেনত্তে মুই এ দেজত্তুন্ তমারে এমন এক্কান দেজত্ ছিদি ফেলেই দিম্ যে দেজ্‌‌চানর কধা তুমিয়ো হবর্ ন-পঅ, তমা পুরোণি মানুচ্চুনেয়ো হবর্ ন-পেদাক্। সিয়েনত্ তুমি দিন-রেদ দেব-দেবেদাগুনোরে সেবা গুরিবা, কিত্তে মুই তমারে কনঅ দোয়্যে ন-দেগেম।’ ”

যিরমিয় 24:8

“মাত্তর্ এই বজং ডোমোর, যিগুন এদক্ বজং যে, হা ন-যায়, সিগুনো ধোক্ক্যেন গুরি মুই যিহূদার রাজা সিদিকিয়, তার রাজার্ চাগর্ আর যিরূশালেমর যে মানুচ্চুনে দেজত্ রোইয়োন বা মিসরত্ বজত্তি গত্তন তারা লগে ভান্ন্যেই বেবহার গুরিম।

যিরমিয় 38:19

রাজা সিদিকিয় সেক্কে যিরমিয়রে কলঅ, “যিদুক্কুন যিহূদী বাবিলীয়গুনো ইধু যেইয়োন মুই তারারে দরাং, কিত্তে বাবিলীয় অয়ত মরে তারা আঢত্ তুলি দিবাক্ আর তারা মঅ লগে ভান্ন্যেই বেবহার গুরিবাক্।”

যিরমিয় 40:1

যিরূশালেম আর যিহূদার বেক বন্ধীগুনোরে বাবিলত্ নেযেবার অক্তত্ বাবিল রাজার সেনাপতি নবূষরদনে তারা সমারে যিরমিয়রেয়ো শিগোল্লোই বানিনে নেযার্। পদথ্ তে রামাত্তুন্ যিরমিয়রে ইরি দিলো। ইয়েনর্ পরেদি লগেপ্রভু যিরমিয় ইধু কধা কোইয়্যে।

যিরমিয় 40:7

সে অক্তত্ যিহূদার সৈন্যদলর যিদুক্কুন সেনাপতি আর তারা মানুচ্চুন্ খুলো মাদত্ এলাক তারা শুনিলাক্, অহীকামর পুয়ো গদলিয়রে বাবিল রাজা দেজর শাজন্‌গুরিয়্যে ইজেবে নেযেয়্যে আর যিগুনোরে বন্দী গুরিনে বাবিলোত্ নেযা ন-অয় দেজর্ সেই বেক্ নাঢা মরদ, মিলে আর পুয়ো-ঝিগুনোর ভারান তা আঢত্ দিয়্যে ওইয়্যে।

যিরমিয় 52:26

সেনাপতি নবূষরদনে তারারে বেক্কুনোরে বন্দী গুরিনে রিব্‌লাত বাবিল রাজার ইদু নেযেল।

যিরমিয় 52:27

রাজা হমাৎ দেজর্ রিব্‌লাত ইগুন বেক্কুনোরে মারে ফেলেল। এবাবোত্যেগুরি যিহূদার মানুচ্চুনোরে বন্দী গুরিনে নিজোর্ দেজত্তুন্ দূরোত্ নেযা অলঅ।

দানিয়েল 2:14

রাজার বডিগাত্তুনোর্ সেনাপতি অরিয়োকে যেক্কে সেই সল্লাদিয়্যেগুনোরে মারে ফেলেবাত্তে নিগিলিলো সেক্কে দানিয়েলে বুদ্ধি গুরি উজিয়ারে তা লগে কধা কলঅ।

লেবীয় 26:33

ভালোক্‌ জাদ ভিদিরে মুই তমারে ছেট্টেরাগুরি রাগেম্‌ আর লাম্বা ছুড়ি আঢত্ লোইনে তমা পিজে পিজে লোড়েম। তমার দেজর্‌ বেক্‌ ভূই, শঅর আর আদামানি ভস্ত ওইনে পড়ি থেবঅ।

দ্বি’লম্বর বিররণ 4:27

লগেপ্রভু নানান্‌ জাদ ভিদিরে তমারে ছিদি দিবো আর যিগুনো ভিদিরে তে তমারে ধাবেই দিবো তমাত্তুন্‌ খুব কম্‌ মান্‌জ্যেয়ই তারা ভিদিরে বাঁজি থেবাক।