যিরমিয় 39:8 - Chakma Bible

⁸ বাবিলীয়গুনে রাজঘরত্ আর মান্‌জ্য ঘরত্ আগুন বাজেই দিলাক্ আর যিরূশালেমর দেবালানি ভাঙি ফেলেলাক্।

যিরমিয় 39:8 Iomraidhean Croise

২ রাজাবলী 25:8

বাবিলোর রাজা নবূখদ্‌নিৎসরর রাজাগিরির্‌ ঊনেশ্‌ বজর পাচ্‌ মাস সাত দিনোত্‌ রাজার রোক্ষ্যেদলর্‌ সেনাপতি নবূষরদনে যিরূশালেমত্‌ গেলঅ।

২ বংশধর 36:19

তা মানুচ্চুনে গোজেনর ঘরান্‌ পুড়ি দিলাক্‌ আর যিরূশালেম দেবালান্‌ ভাঙি ফেলেলাক্‌। তারা সে জাগার্‌ বেক্‌ দাঙর্‌ দাঙর্‌ ঘরানি পুড়ি দিলাক্‌ আর বেক্‌ মংগা পযাপিরানি বর্‌বাত্‌ গুরি ফেলেলাক্‌।

নহিমিয় 1:3

তারা মরে কলাক্‌, “বন্দীদজাত্তুন্‌ যিগুনে দেজত্‌ ফিরি যেইয়োন্‌ তারা অমকদ দুগোত্‌ আর অসর্মানর্‌ ওইনে আগন্‌। যিরূশালেমর দেবালান্‌ ভাঙি যেইয়্যে আর সিয়েনর্‌ গেট্‌টুন আগুন্দোই পুড়ি দিয়্যে ওইয়্যে।”

গীতসংহিতা 79:7

কিত্তেই তারা যাকোবর বংশবোরে যেন শেজ্ গুরি ফেলেয়োন, তার থেবার ঘরান ভস্ত গোজ্যন্।

যিশাইয় 5:9

বেগত্তুন্ খেমতাবলা লগেপ্রভু মুই নিজো কানেদি এ কধাগান্ শুন্যং, “ঘেচ্চেকগুরি দাঙর্ দাঙর্ ঘরানি ভস্ত ওই যেবঅ, দোল্ দোল্ বিল্ডিঙানিত্ কনঅ মানুচ্ ন-থেবাক্।

যিরমিয় 17:27

মাত্তর্ যুনি তুমি মঅ কধা ন-শুনো আর জিরেবার দিন্নোরে মঅ নাঙে যুদো গুরি ন-রাগঅ আর সে দিনোত্ বুধিলোই যিরূশালেমর গেদো ভিদিরেদি চমঅ, মাত্তর্ যিরূশালেমর বেক্ গেট্‌তুনোদি মুই আগুন জ্বালেম আর সিয়েনে তার ঘরানি পুড়ি ফেলেব। সে আগুনান কনজনে মারেই ন-পারিবো।’ ”

যিরমিয় 21:10

মুই এ শঅরর্ ভালেদি নয় মাত্তর্ খেতি গুরিবাত্তে মনান্ থির্ গোজ্যং। বাবিলো রাজা আঢত্ ইয়েন দিয়্যে অবঅ, আর তে আগুন্দোই ইয়েন পুড়ি দিবো।

যিরমিয় 32:29

যে বাবিলীয়গুনে শঅরান্ আক্রমণ গোজ্যন্ তারা শঅরত্ চোমেইনে সিয়েনত্ আগুন বাজেই দিবাক্। যেদক্কানি ঘরর্ ছাল উগুরে মানুচ্চুনে বাল দেবেদার নাঙে আগর্‌বাট্টি জ্বালেয়োন আর অন্য দেবেদার নাঙে ঢাল্যে-উৎসর্বর অনুষ্ঠান গুরিনে মরে অহুজি গোজ্যন্ তারা সে ঘরানি সুমুত্তো শঅরান পুড়ি দিবাক্।

যিরমিয় 34:22

মুই তারারে উগুম দিইনে এ শঅরত্ ফিরেই আনিম। তারা এ শঅর বিরুদ্ধে যুদ্ধো গুরিবাক্ আর সিয়েন গজক্ গুরিনে পুড়ি দিবাক্। মুই যিহূদার শঅরানিরে ভস্ত গুরিনে মানুচ্ নেইয়্যে গুরিম।”

যিরমিয় 37:10

যে বাবিলীয় সৈন্যগুনে তমারে আক্রমণ গোজ্যন্ তুমি যুনি তারারে বেক্কুনোরে ওদেই দুয়ো আর বানা তারার আহত মানুচ্চুনে তাম্বুলোত্ পড়ি থান, সালে তারা নিগিলি এইনে এ শঅরান পুড়ি ফেলেই দিবাক্।’ ”

যিরমিয় 38:18

মাত্তর্ যুনি বাবিল-রাজার সেনাপতিবো ইধু উদি যানা স্বিগের্ ন-গরচ্ সালে এ শঅরান বাবিলীয়গুনো আঢত্ তুলি দিয়্যে অবঅ আর তারা ইয়েন পুড়ি ফেলেই দিবাক্; আর তুই নিজেয়ো তারা আঢত্তুন্ রোক্ষ্যে ন-পেবে।’ ”

যিরমিয় 5:10

“ও জাদ্‌তুন, তুমি যিরূশালেমর আংগুর খেত্‌‌‍‌‍তানিত্ যেইনে সিয়েনি ভস্ত গরঅ মাত্তর্ পুরোপুরি বর্‌‌বাত ন-গোজ্য। সিয়েনর ডেলাগুন কাবি ফেলঅ, কিত্তে এ মানুচ্চুন লগেপ্রভুর নয়।‍,

যিরমিয় 7:20

সেনত্তে প্রভু লগেপ্রভু কোইয়্যেদে, “মর্ বেজার্ অনা আর রাগ এ জাগায়ান উগুরে, মানুচ্ আর এ্যামানুনো উগুরে, মাদর্ গাজপালা আর মাদি উগুরে গুলোগুলি উগুরে ঢালা অবঅ, আর সেই রাগ্‌কান জুলিবো, ন-মুরিবো।”

আবিলেচ্ 1:10

শত্রুগুনে তার বেক্ মূল্যবান পযাপিরানি উগুরে আঢ্ দিয়্যে; দেবেদা-পূজোগুরিয়্যে জাদ্‌‌‌‌‌‌তুনোরে তে তার সুদ্ধো-সাংগ জাগানত্ সমদে দেখ্যে। ইগুন সেই মানুচ্চুন যিগুনোরে তুই তঅ সমাজত্ সোমেবাত্তে মানা গোজ্যস্।

আবিলেচ্ 2:2

যাকোবর্ বেক থেবার জাগায়ানি লগেপ্রভু গজক্ গোজ্যে, কনঅ মেয়্যে ন-গরে। যিহূদা-ঝিবোর্ ঘরানি তার অমকদ রাগে তে ভাঙি ফেলেয়্যে, সিয়েনি তে মাদিত্ ফেলেইনে ভস্ত গোজ্যে। তার রেজ্যগান আর নেতাগুনোরে তে অসর্মানত্ ফেলেয়্যে।

আবিলেচ্ 2:7

লগেপ্রভু তার ডালিপূজোবোরে এলাফেলা গোজ্যে, ছাড়ি দিয়্যে তার সুদ্ধো-সাংগ জাগায়ান। তা তাম্বুলানির্ বেক্ দেবালানি তে শত্রুগুনো আঢত্ তুলি দিয়্যে। পরব দিনো ধোক্ক্যেন্‌গুরি শত্রুগুনে লগেপ্রভুর ঘরত্ যগার্ পাত্তন্।

যিহিষ্কেল 16:41

তারা তর্ ঘরানি পুড়ি ফেলেবাক্ আর ভালোক্কুন্ মিলের্ চোগো মুজুঙোত্ তরে সাজা দিবাক্। এবাবোত্যেগুরি তর্ বেশ্যেগিরি বন্ধ গুরি দিম; তর্ লাঙেগুনোরে তুই আর টেঙা-পোইজ্যে ন-দিবে।

যিহিষ্কেল 23:47

সেই মানুচ্চুনে তারারে শিল্লোই ঢলা মারিনে মারে ফেলেবাক্ আর তলোয়ারলোই তারারে কট্টা কট্টা গুরিনে কাবিবাক্। তারা তারার্ ঝি-পুয়োগুনোরে মারে ফেলেবাক্ আর তারার্ ঘরানি পুড়ি দিবাক্।

যিহিষ্কেল 33:21

আমা বন্দীদজার্ বার বজরর্ দশ মাজর্ পাচ্ দিনোত্ এক্কো মানুচ্ যিরূশালেমত্তুন্ ধেইনে মইধু এইনে কলঅ, “শত্রুগুনে শঅর্ গজক্ গোজ্যন্।”

আমোষ 2:5

সেনত্তে যিহূদা উগুরে মুই আগুন পাধেই দিম; সিয়েনে যিরূশালেমর্ ঘরানিরে পুড়ি ফেলেব।”

মীখা 3:12

সেনত্তে তমাত্তে সিয়োনরে খেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্, আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।