যিরমিয় 39:5 - Chakma Bible

⁵ মাত্তর্ বাবিলীয় সৈন্যগুনে তারা পিজেদি লোড়েইনে যিরীহোর সংজাগানত্ সিদিকিয়রে ধুরি ফেলেল। তারা তারে ধুরিনে হমাৎ দেজর্ রিব্‌লাদত বাবিল রাজা নবূখদ্‌নিৎসর ইধু নেযেলাক্। নবূখদ্‌নিৎসরে তার সাজার উগুম্ দিলো।

যিরমিয় 39:5 Iomraidhean Croise

২ শমূয়েল 8:9

হমাতর রাজা তয়ি শুনিলোদে, দায়ূদে হদদেষরর পুরো সৈন্যদলুনোরে ওদেই দিলো।

২ রাজাবলী 17:24

আসিরিয়ার রাজা ইস্রায়েলর মানুচ্চুনোর জাগায়ানি পূরেই দিবাত্তে বাবিল, কূথা, অব্বা, হমাৎ আর সফর্বয়িমত্তুন্‌ মানুচ্‌ আনিনে শমরিয়ার শঅর্‌ আর আদামানিত্‌ বোজেই দিলাক্। তারা সেই বেক্‌ জাগায়ানিত্‌ বজত্তি গরা ধুরিলাক।

২ রাজাবলী 23:33

ফরৌণ-নখো পেরায় চের্‌ টন রূবো আর ঊনচোল্লিশ কেজি সোনা কর্‌ ইজেবে যিহূদা দেজ উগুরে চাপি দিলো।

২ রাজাবলী 25:6

তারা তারে বন্দী গুরিনে রিব্‌লাত্‌ বাবিলো রাজা ইদু নেযেলাক্‌। সিদু তা উগুরে সাজার উগুম্‌ দিয়্যে অলঅ।

২ বংশধর 33:11

সেনত্তে লগেপ্রভু তারা বিরুদ্ধে আসিরিয়ার রাজার সেনাপতিগুনো ইদু আনিলো। তারা মনঃশিরে বন্দী গুরিনে তা কিয়্যেত্‌ হেবা লাগেইনে পিদোল শিগোললোই বানিনে বাবিলোত্‌ নেযেলাক্‌।

যিশাইয় 22:3

তঅ নেতাগুন বেক্কুনে একসমারে ধেই যেইয়োন্; ধনু বেবহার ন-গুরিনে তারারে ধরা ওইয়্যে, যুনিয়ো তারা দূরোত্ ধেই যেইয়োন্ তো তারারে বেক্কুনোরে একসমারে বন্দী গুরিনে নেযা ওইয়্যে।

যিরমিয় 21:7

সে পরেদি মুই ভানা, যুদ্ধো আর ভাদরাদর্ আঢত্তুন বাঁজি থেইয়্যে যিহূদার রাজা সিদিকিয়রে, তার রাজকর্মচারিগুনোরে আর এ শঅরর্ বেক মানুচ্চুনোরে বাবিলোর রাজা নবূখদ্‌নিৎসরর‌‌‌‌ আঢত্ আর যিগুনে তারারে মারে ফেলেবাত্তে চান সেই শত্রুগুনো আঢত্ তুলি দিম। নবূখদ্‌নিৎসরে তারারে মারে ফেলেব; তে তারার কনঅ মেয়্যে, দোয়্যে ন-দেগেব। মুই লগেপ্রভু এ কধাগান কঙর্।’ ”

যিরমিয় 24:8

“মাত্তর্ এই বজং ডোমোর, যিগুন এদক্ বজং যে, হা ন-যায়, সিগুনো ধোক্ক্যেন গুরি মুই যিহূদার রাজা সিদিকিয়, তার রাজার্ চাগর্ আর যিরূশালেমর যে মানুচ্চুনে দেজত্ রোইয়োন বা মিসরত্ বজত্তি গত্তন তারা লগে ভান্ন্যেই বেবহার গুরিম।

যিরমিয় 38:18

মাত্তর্ যুনি বাবিল-রাজার সেনাপতিবো ইধু উদি যানা স্বিগের্ ন-গরচ্ সালে এ শঅরান বাবিলীয়গুনো আঢত্ তুলি দিয়্যে অবঅ আর তারা ইয়েন পুড়ি ফেলেই দিবাক্; আর তুই নিজেয়ো তারা আঢত্তুন্ রোক্ষ্যে ন-পেবে।’ ”

যিরমিয় 38:23

তর্ বেক মোগ্ আর ঝি-পুয়োগুনোরে বাবিলীয়গুনো ইধু নেযা অবঅ। তুই নিজেয়ো তারা আঢত্তুন্ রোক্ষ্যে ন-পেবে বরং বাবিল রাজা আঢত্ ধরা পুরিবে, আর এ শঅরান পুড়ি দিয়্যে অবঅ।”

যিরমিয় 4:12

মর্ উগুমে এচ্চ্যে সে বোইয়্যেরানর জোর্ অমকদ বেশ্। এবাবোত্যেগুরি মুই ইক্কিনে তারা বিরুদ্ধে মর্ বিচেরর্ রায়য়ান দিম্।”

যিরমিয় 44:30

যিহূদার রাজা সিদিকিয়রে যে শত্রুবো মারে ফেলেবার চেরেস্‌‌‌তা গোজ্যে সে বাবিলর রাজা নবূখদনিৎসর আঢত্ যেবাবোত্যেগুরি মুই তারে তুলি দুয়োং, ঠিগ্ সেবাবোত্যেগুরি মিসরর্ রাজা ফরৌণ হফ্রারেয়ো মুই তার সে শত্রুগুনো আঢত্ তুলি দিম যিগুনে তা পরাণান নেযেবার্ চেরেস্‌‌‌‍তা গোজ্যন্।’ ”

যিরমিয় 49:23

দামেস্ক পৌইদ্যেনে লগেপ্রভু কোইয়্যেদে, “হমাৎ আর অর্পদে দরে থির্‌‍‍‌‌‌‌‌নেইয়্যে ওইয়্যে, কিত্তে তারা ভান্ন্যেই হবর্ শুন্নোন্। তারা আশানেইয়্যে ওইয়োন, থির্ নেইয়্যে সাগর ধোক্ক্যেন ওলোঝোলো ওইয়োন্।

আবিলেচ্ 1:3

দুঘ্ আর অমকদ কাম গরানার পরেদি যিহূদা দূরোত্ বন্দীদজাত্ যেইয়্যে। তে নানান্ জাদ ভিদিরে বজত্তি গোজ্যে; কনজাগাত্‌অ তে জিরেবার জাগা ন-পায়। যিগুনে তারে লোড়েয়োন্ তারা তার দুঘোত্ তারে ধুরি ফেল্যন্।

আবিলেচ্ 4:20

যিবে লগেপ্রভুর বেঈ লোইয়্যে, যিবে আমার জিংকানির বোইয়্যের্, তে তারার ফালত্ ধরা পোজ্যে; মাত্তর্ আমি মনে গোজ্যেদে তা ছাবাত্ জাদ্‌তুনো ভিদিরে আমি বজত্তি গুরিবোং।

যিহিষ্কেল 23:24

তারা আত্যের্, রথ, গাড়ি আর মান্‌‌‌জ্যর এক্কো দাঙর্ দল্লোই তঅ বিরুদ্ধে এবাক্। তারা চিগোন আর দাঙর্ ঢাল্লোই মাঢা রোক্ষ্যে গুরিবার তোক্ক্যে পিনিনে তরে ঘিরিবাক্। সাজা পেবাত্তে মুই তরে তারা আঢত্ তুলি দিম আর তারা তারার্ বিচেরর্ সুদোম্ মজিম তরে সাজা দিবাক্।

হবক্‌‌‌‌কূক 1:7

তারারে দেগিনে মান্‌‌জ্যে অমকদ দরান্। তারা নিজেই নিজো সুদোমানি বানান্ আর কারঅ তলে থেবাত্তে ন-চান।

গণাণা 13:21

সেক্কে তারা যেইনে সীন ধূল্যেচর চাগালাত্তুন আরাম্ভ গুরিনে হমাতর ইন্দি রহোব সং দেজ্‌চানর্‌ খোঁজ খবর লোই আনিলাক্।

যিহোশূয় 13:5

গিব্‌লীয়গুনোর চাগালা, পূগেদি হর্মোণ মুড়োবোর তলেদি বাল্‌গাদত্তুন হমাৎ সং পুরো লেবানন আর লেবাননত্তুন্‌ মিষ্রফোৎ-ময়িম সং মুড়ো-মুড়ি চাগালাগান্‌, অত্তাৎ সীদোনীয়গুনোর বেক্‌ দেজ্‌চানি। মুই নিজেই ইস্রায়েলীয়গুনো মুজুঙোত্তুন্‌ বেক্কুনোরে ধাবেই দিম্‌। মুই তরে যেধোক্ক্যেন্‌ উগুম্‌ দুয়োং সেই মজিম তুই এ দেজ্‌চান সোম্বোত্তি ইজেবে ইস্রায়েলীয়গুনোরে দিবে।

যিহোশূয় 4:13

যুদ্ধো গুরিবাত্তে প্রায় চোল্লিশ আজার মানুচ্‌ আত্যের্‌ আদত্‌ লগেপ্রভুরে মুজুঙোত্‌ রাগেইনে গাঙান্‌ পার্‌ ওইনে যিরিহোর সং জাগানত্‌ গেলাক্‌।

যিহোশূয় 5:10

সে মাসর চৌদ্দো দিনোত্‌ সজোন্যা অক্তত্‌ যিরীহোর সং জাগানত্‌ গিল্‌গলত্‌ তাম্বুল্‌ ফেলেইনে থেবার অক্তত্‌ ইস্রায়েলীয়গুনে উদ্ধোর-পরব্‌ পালেলাক্‌।

বিচের গুরিয়্যেগুন 3:3

সে জাদ্‌তুন্‌ অলাক্‌, পলেষ্টীয়গুনে আর তারার্‌ পাচজন শাজন্‌গুরিয়্যে, বেক্‌ কনানীয়গুনে আর সীদোনীয়গুনে আহ্‌ হিব্বীয়গুনে। বাল্‌-হর্মোণ মুড়োত্তুন হমাৎ আদামান সং লেবাননর যে মুড়ো-মুড়ি চাগালাগান আঘে এ হিব্বীয়গুনে সিদু থেদাক্‌।