যিরমিয় 39:16 - Chakma Bible

¹⁶ “কূশীয় এবদ-মেলক ইধু যেইনে কঅ, ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, ‘ভালেদিলোই নয় বরং অমংগল দিইনে মুই এ শঅর বিরুদ্ধে মর্ কধানি ফোলেবাত্তে যাঙর্। সে অক্তত্ তঅ চোগো মুজুঙোত্ সিয়েন পূরেই দিম,

যিরমিয় 39:16 Iomraidhean Croise

২ বংশধর 36:21

এ অক্তত্‌ ইস্রায়েল দেজচানে তার্‌ জিরেবার্‌-বজরত্‌ জিরেল। যিরমিয়োর মাধ্যমে কোইয়্যে লগেপ্রভুর কধা সত্তুর্‌ বজর্‌ পূরোণ ন-অনা সং তারার্‌ দেজর্‌ বেক্‌ ভূইয়ানি এনেবাদে থেইনে জিরেল।

গীতসংহিতা 92:11

মর্ শত্রুগুনোর উদি যানা মুই নিজোর চোগেন্দি দেখ্যং; যিগুনে মর্ বিরুদ্ধে লাক্ক্যন্ সেই পাজি মানুচ্চুনোর কানানি মুই নিজো কানে শুন্যং।

যিরমিয় 26:15

মাত্তর্ ইয়েন ঘেচ্চেকগুরি হবর্ পেবাদে যে, তুমি যুনি মরে মারে ফেল সালে নিদ্দুজিবোর্ লো ঝরানার অন্যেয়ান তুমি নিজো উগুরে আর এ শঅরান উগুরে আর যিগুনে ইধু বজত্তি গরন তারা উগুরে আনিবো; কিত্তে এই বেক কধানি তমারে শুনেবাত্তে ঘেচ্চেকগুরি লগেপ্রভু মরে পাদেয়্যে।”

যিরমিয় 26:18

“যিহূদার রাজা হিষ্কিয়র সময়োত্ মোরেষ্টীয় মীখা ভাববাদী ইজেবে কধা কদঅ। তে যিহূদার মানুচ্চুনোরে কোইয়্যেদে, ‘বেগত্তুন খেমতাবলা লগেপ্রভু কোইয়্যেদে, সিয়োনানরে ক্ষেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্ আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।’

যিরমিয় 26:20

কিরিয়ৎ-যিয়ারীমর শময়িয়র পুয়ো ঊরিয় অলদে আর একজন যিবে লগেপ্রভুর নাঙে ভাববাদী ইজেবে কধা কদঅ। তেয়ো যিরমিয় ধোক্ক্যেন এ শঅরান আর এ দেজ বিরুদ্ধে এধোক্ক্যেন কধা কদঅ।

যিরমিয় 34:22

মুই তারারে উগুম দিইনে এ শঅরত্ ফিরেই আনিম। তারা এ শঅর বিরুদ্ধে যুদ্ধো গুরিবাক্ আর সিয়েন গজক্ গুরিনে পুড়ি দিবাক্। মুই যিহূদার শঅরানিরে ভস্ত গুরিনে মানুচ্ নেইয়্যে গুরিম।”

যিরমিয় 35:17

“সেনত্তে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, ‘শুন, মুই যিহূদা আর যিরূশালেমত্ বজত্তি গুরিয়্যে পত্তিজনর বিরুদ্ধে যেদক্কানি দজার্ কধা কোইয়োং সিয়েনির এক এক্কান মুই তারা উগুরে ঘোদেম্। মুই তারারে কোইয়োং, মাত্তর্ তারা ন-শুনোন্; মুই তারারে ডাক্যং, মাত্তর্ তারা জোব্ ন-দুয়োন।’ ”

যিরমিয় 36:31

মুই তর্ আর তঅ ঝি-পুয়োগুনোর আর তঅ চাগরুনোর ভান্ন্যেই কামানিত্তে তমারে সাজা দিম; মুই তমা বিরুদ্ধে যেদক্কানি দজার্ কধা কোইয়োং সিয়েনি বেক্কানি তমা উগুরে আর যিরূশালেম আর যিহূদা মানুচ্চুনো উগুরে আনিম, কিত্তে তুমি কধা ন-শুনো।’ ”

যিরমিয় 40:3

লগেপ্রভু সিয়েন ঘোদেইয়্যে, যেবাবোত্যে কোইয়্যে, সেবাবোত্যে গোজ্যে। তুমি লগেপ্রভুর বিরুদ্ধে পাপ গোজ্য আর তা কধার অবাধ্য ওইয়ো।

যিরমিয় 44:27

তারার ভালেদিত্যে নয় মাত্তর্ অমংগলত্তে মুই তারা উগুরে খিয়েল্ রাগাঙর্; মিসরত্ বজত্তি গুরিয়্যে যিহূদীগুনে যুদ্ধোত্ আর ভাদরাদে এক্কুবারে ভস্ত ওই যেবাক্।

যিরমিয় 5:14

সেনত্তে বেগত্তুন্ খেমতাবলা গোজেন লগেপ্রভু এ কধাগান কোইয়্যেদে, “মানুচ্চুনে এ কধানি কদন্ বিলিনে তঅ মুয়োদি মঅ কধানি আগুনো ধোক্ক্যেন গুরিম আর এ মানুচ্চুনোরে গুরিম তক্তা ধোক্ক্যেন; সে আগুনানে সিয়েনরে পুড়ি ফেলেব।”

দানিয়েল 9:12

আমার আর আমার শাজন্‌গুরিয়্যেগুনোর্ বিরুদ্ধে তুই যে কধানি কোইয়োচ্ সিয়েনি পূরোণ গুরিবাত্তে তুই আমা উগুরে দাঙর্ দযা আন্যচ্। যিরূশালেম উগুরে যিয়েনি গরা ওইয়্যে গোদা পিত্‌‌‌থিমীত্ আর কনজাগাত্ সেবাবোত্যে গরা ন-অয়।

আমোষ 9:4

শত্রুলোই বন্দী ওইনে তারা অন্য দেজত্ গেলেয়ো সিদু তারারে মারে ফেলেবাত্তে মুই লাম্বা ছুরিগানরে উগুম দিম। ভালেদিত্তে নয় মাত্তর্ অমংগলত্তেই মুই তারা উগুরে মঅ চোগ্‌‌‌কুন থির্ রাগেম।”

সখরিয় 1:6

মাত্তর্ মুই মর্ চাগরুনোরে, অত্তাৎ ভাববাদীগুনোরে যেদক্কানি উগুম দুয়োং, মর্ সেই বেক্ কধানি আর সুদোম্ মজিম কি তমা পূরোণি মানুচ্চুনে সাজা ন-পান্? সেক্কে তারা মনানি ফিরেইনে কোইয়োন্দে যে, বেগত্তুন খেমতাবলা লগেপ্রভু তারার্ আচার-বেবহার আর অভ্যেস্ মজিম তারা উগুরে যিয়েনি গুরিবো বিলি ঠিগ্ গোজ্যে তে সিয়েনই গোজ্যে।’ ”

মথি লেখ্যে গম্ হবর্ 24:35

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।