যিরমিয় 38:4 - Chakma Bible

⁴ সেক্কে রাজার চাগরুনে রাজারে কলাক্, “এ মানুচ্চোরে মারে ফেলানা উজিত্। যিদুক্কুন সৈন্য আর মানুচ্ এ শঅরত্ আগন্ তে এই কধানি কোইনে তারারে আমক্ গুরি দের্। তে এ মানুচ্চুনোর ভালেদি ন-চেইনে অমংগল চার্।”

যিরমিয় 38:4 Iomraidhean Croise

১ রাজাবলী 21:20

আহাবে সে কধাগান শুনিনে এলিয়রে কলঅ, “ও মর্‌ শত্রু, এবেরা তুই মরে পেইয়োচ্‌।” এলিয় কলঅ, “অয়, পেইয়োং, কিত্তেই লগেপ্রভুর চোগোত্‌ যিয়েনি ভান্ন্যেই সিয়েনি গুরিবাত্তে তুই নিজোরে বিজি দুয়োচ্‌।

২ বংশধর 24:21

মাত্তর্‌ মানুচ্চুনে সখরিয়র বিরুদ্ধে কুজুরোমি গুরিলাক্‌ আর রাজার উগুমে লগেপ্রভুর ঘর উদোনত্‌ তারে ঢলা মারিনে মারে ফেলেলাক্‌।

ইষ্রা 4:12

মহারাজর্ জানা দরকার যে, তত্তুন্ যে যিহূদীগুনে আমা ইদু এচ্চ্যন্ তারা যিরূশালেমত্ যেয়োন্ আর উল্লোমী আহ্ বজং শঅরান্ আরঅ বানাদন্; তারা ইয়েনর্ দেবালান্ আর গড়াগান্ ঠিগ্ গরদন্।

নহিমিয় 6:9

তারা আমা কামানি দোঙেই রাগেবাত্তে এ কধানি কোইনে আমারে দর্‌বুগ্‌ লাগেবার্‌ চেট্ট্যা গরা ধুরিলাক্‌। ও গোজেন্‌, ইক্কিনে তুই মঅ আঢত্‌ বল্‌ দে।

যাত্রা 5:4

জোবত্‌ মিসর রাজাবো তারারে কলঅ, “মোশি আর হারোণ, তুমি কামানিত্তুন্‌ মানুচ্চুনোর্‌ মনানি ভাঙি দুয়োর্‌ কিত্তে? যঅ, তুমি কামত্‌ ফিরি যঅ।

যিরমিয় 11:21

সেনত্তে অনাথোত মানুচ্চুনো পৌইদ্যেনে লগেপ্রভু কোইয়্যেদে, “যিগুনে তঅ পরাণান নিবাত্তে চাদন আর কদন, ‘লগেপ্রভুর নাঙে ভাববাদী ইজেবে কধা ন-কোয়ো, কলে তুমি আমা আঢত্ মারা পুরিবে,’

যিরমিয় 18:23

মাত্তর্ ও লগেপ্রভু, মরে মারেই ফেলেবাত্তে এই বেক্ কুজুরোমির কধানি দঅ তুই হবর্ পাজ। তারার এই অন্যেয়ানি তুই খেমা ন-গুরিচ্ বা তঅ চোগো মুজুঙোত্তুন তারার পাব্‌‌‌‍‍‍‍পানি পুজি ন-ফেলেচ্। তঅ মুজুঙোত্ তারা পড়ি যাদোক্; তর্ রাগর সময়োত্ তুই তারারে সাজা দিচ্।‍

যিরমিয় 26:11

সেক্কে ধর্মগুরু আর ভাববাদীগুনে সেই রাজকর্মচারীগুনোরে আর বেক মানুচ্চুনোরে কলাক্, “এ মানুচ্চো মরণর সাজা পেবার যোগ্য, কিত্তে তে এ শঅরান বিরুদ্ধে আগাম কধা কোইয়্যে; আর তুমি নিজো কানে সিয়েন শুন্ন্য।”

যিরমিয় 29:7

ইয়েনি বাদেয়ো যে শঅরত্ মুই তমারে বন্দী ইজেবে নেযেয়োং সিদুগোর্ ভালেদির্ চেরেস্‌‌টা গরঅ। ইয়েনত্তে মইধু তবনা গরঅ, কিত্তে যুনি সে শঅরর্ ভালেদি অয় সালে তমারঅ ভালেদি অবঅ।

যিরমিয় 38:16

সেক্কে রাজা সিদিকিয় ভিদিরে ভিদিরে যিরমিয় ইধু শমক্ হেইনে কলঅ, “যিবে আমারে নিজেস্ লবার্ বৈয়্যেরান দিয়্যে সেই জেদা লগেপ্রভুর নাঙে, মুই তরে মারেই ন-ফেলেম বা যিগুনে তরে মারেই ফেলেবাত্তে চাদন্ তারা আঢত্অ তরে ন-দিম।”

যিরমিয় 38:25

যুনি রাজার চাগরুনে শুনোন্, মুই তঅ লগে কধা কোইয়োং, আর তারা এইনে তরে কন্, ‘তুই রাজারে যিয়েনি কোইয়োচ্ আর রাজা তরে যিয়েনি কোইয়্যে সিয়েনি আমারে কঅ; আমাত্তুন্ ন-লুগেচ্, লুগেলে আমি তরে মারে ফেলেবং,’

যিরমিয় 43:3

মাত্তর্ নেরিয়ের পুয়ো বারূকে আমা বিরুদ্ধে তরে রাগ্ তুলি দের্ যেনে বাবিলীয়গুনো আঢত্ আমারে তুলি দিয়্যে যায় আর তারা আমারে মারে ফেলান্ বা বন্দী গুরি বাবিলোত্ নেযান।”

যিহিষ্কেল 22:27

হোক্ক্যে বাঘে যেবাবোত্যেগুরি শিগের্ গরন সেবাবোত্যেগুরি সিদুগোর্ রাজার চাগরুনে লো ঝরান্ আর অন্যেয় গুরি পেবাত্তে মানুচ্ খুন গরন্।

আমোষ 7:10

পরেদি বৈথেল ধর্মগুরু অমৎসিয় ইস্রায়েল রাজা যারবিয়াম ইধু এ হবরান পাদেল, “আমোষে ইস্রায়েল ভিদিরে তঅ বিরুদ্ধে এক্কান কুজুরোমী গোজ্যে। দেজ মানুচ্চুনে তার কনঅ কধা সোজ্য গুরি ন-পারদন্।

লূকে লেখ্যে গম্ হবর্ 23:2

তারা ইয়েন্ কোইনে যীশুর্ বিরুদ্ধে নালিচ্‌ গরা ধুরিলাক্, “আমি দেক্ক্যেই, এ মানুচ্চো সরকারর্ বিরুদ্ধে আমা মানুচ্চুনোরে নেযার্। তে সম্রাটরে খাজানা দিবাত্যে মানা গরে আর কয় তে নিজেই মশীহ, এক্কো রাজা।”

প্রেরিত্‌ 16:20

সে পরেদি তারা শাসনগুরিয়্যেগুনো ইধু তারারে নেযেইনে কলাক্, “এ মানুচ্চুনে আমা শঅরত্ যাগুলুক্ বাজেই দুয়োন। ইগুনে যিহূদী।

প্রেরিত্‌ 17:6

মাত্তর্ সিধু তারা তারারে ন-পেলাক্। সেক্কে তারা যাসোন আর কয়েক্কো বিশ্বেজি ভেইয়োরে টানি নেযেইনে শঅর-নেতাগুনো ইধু গেলাক্ আর রঅ ছাড়িনে কলাক্, “যে মানুচ্চুনে গোদা দুনিয়েগান্ উলোত্-পালত্ গোজ্জ্যন্ তারা ইক্কিনে ইধুয়ো লুম্মোন্দি;

প্রেরিত্‌ 24:5

“আমি দেক্ক্যেই এ মানুচ্চো এক্কো ফি-বলা; আমিযে তে যাগুলুগ্ বাজেই দি থায়। গোদা পিত্‌থিমীর্ যিহূদীগুনো ইধু তে যাগুলুগ্ বাজেই দিইনে বেড়ায়। তে নাসরতীয় নাঙে এক্কো ধর্ম-বিরুদ্ধ দলর্ নেতা।

প্রেরিত্‌ 28:22

মাত্তর্ আমি তঅ কধানি শুনিবাত্তে চেই, কারন আমি হবর্ পেই বেক্ জাগানিত্ মানুচ্চুনে সেই দলর্ বিরুদ্ধে কধা কন্।”